26
Jesuh An Phiarnak
(Mar 14:1-2; Luk 22:1-2; Joh 11:45-53)
1 Hi thu pawl Jesuh in a zirh òheh tikah a dungthluntu pawl hnenah,
2 “Nan theih vekin tuih hnu ni hnih ah Lantak Puai a si dingih Milai Fapa cu thinglamtah parih khen cih dingah pek a si ding,” tiah a ti.
3 Cule puithiam upa pawl le upa dang pawl cu Puithiam Sang Kaiafas inn ah an tong aw ih,
4 Jesuh kha kai ih that dingah a thup tein an tawlrel.
5 “Puai sungah cun kan that lo pei, mipi an buai pang ding,” an ti.
Bethani Ah Jesuh Zihmui An Toih
(Mar 14:3-9; Joh 12:1-8)
6 Jesuh cu Bethani khua, phaarnat a rak tuartu Simon inn ah a um ih,
7 rawl a ei lai ah nunau pakhat a hnenah a ra ih alabasterr Alabaster timi hi a nomi le a raangmi lungto phunkhat a si ih thawl tuahnak ah an hmang. thawl khattein mankhung zet zihmui a kenmi kha Jesuh lu ah a toih.
8 Cumi cu dungthluntu pawl in an hmuh tikah an thin a heng ih, “A va pamhmai ve!
9 Hi zihmui cu tangka tampi ah zuar in a man kha mifarah pek ding sawn a si nain,” an ti.
10 Cutiih an ti kha Jesuh in a theih tikah an hnenah, “Ziangahso hi nunaunu cu nan hnaihnok rero? Ka hrangih a tuahmi hi thil òha le thil mawi zet a si.
11 Mifarah cu nan hnenah an um ringring ding, asinain kei cu nan hnenah ka um ringring lo ding.
12 Ka parih zihmui a toihmi hi ka ruak phum dingih a timtuahnak a si.
13 Thungai in ka lo sim: Thuthangòha an simnak leilungtlun khuazakip ah hi nu ih a tuahmi hi amah hngilh lonak dingah sim a si ringring ding,” tiah a ti.
Judas In Jesuh Phiar A Duh
(Mar 14:10-11; Luk 22:3-6)
14 Cule dungthluntu lakih pakhat a simi Judas Iskariot an timi cu puithiam upa pawl hnenah a feh ih,
15 “Nan hnenah Jesuh ka lo pek asile ziangso in pek ding?” tiah a sut. Annih in tangka sawmthum an siar ih Judas cu an pek.
16 Cuih ni thokin Jesuh zuar theinak dingah Judas cun tikcu òha lawng a hngak.
Lantak Puai Rawl Einak
(Mar 14:12-21; Luk 22:7-13, 21-23; Joh 13:21-30)
17 Thilnu rawi lo sangreu Puai ni hmaisabik ni ah dungthluntu pawl cu Jesuh hnenah an ra ih, “Khuitawkah so Lantak Puai rawl eitlangnak cu kan lo tuah sak ding?” tiah an sut.
18 Anih in, “Khuapi sung mi pakhat pa ih inn ah va feh uhla ‘Sayapa in ka tikcu a kim zo; ka dungthluntu pawl thawn na inn ah Lantak Puai kan tuah ding, a ti,’ va ti uh,” tiah a ti.
19 Jesuh sim vek cun dungthluntu pawl cun Lantak Puai zanriah cu an timlam.
20 Zanlam ah Jesuh le a dungthluntu pawl cu rawl ei dingah an to khawm.
21 Zanriah an ei rero lai ah Jesuh in, “Fiang tein ka lo sim: Nanmah lakah pakhat in i zuar ding,” tiah a ti.
22 Dungthluntu pawl cu an riah a sia ngaingai ih pakhat hnu pakhat in, “ Bawipa, keimah ka si maw?” tiah an ti fingfing.
23 Jesuh in, “Keimah thawn khengkhat sungih sang a hnimtu in i zuar ding a si.
24 Ca Thianghlim ih a sim cia vekin Milai Fapa cu a thi ding, asinain Milai Fapa a zuartu pa cu a hmakhua a va pit so! Cupa cu a nu ih pum sungin suak lo in rak um sawnta sehla amah ih hrangah a òha sawn ding nain!” tiah a ti.
25 Mi zuartu Judas in, “Sayapa, na ti sanmi cu kei ka si maw?” tiah a sut. Cutikah Jesuh in, “Nangmah in na sim zo,” tiah a let.
Bawipa Ih Zanriah
(Mar 14:22-26; Luk 22:14-20, 1 Kor 11:23-25)
26 Rawl an ei lai ah Jesuh in sang cu a lak ih thla a cam hnuah a phel ih a dungthluntu pawl hnenah a pek. “Lak uhla ei uh; himi hi ka taksa a si,” tiah a ti.
27 Cuih hnuah khuathai a lak ih Pathian hnenah lungawi thu a sim hnuah an hnenah a pek. “Nan zate in in uh;
28 himi hi ka thisen a si. Pathian thukam hngettertu le mitampi sual ngaithiamnak hrangih ka thletmi thisen a si.
29 Fiang tein ka lo sim: Ka Pa ih Uknak sungah nanmah thawn sabit thar ka insal hlan lo hi sabit cu ka in nawn lo ding,” tiah a ti.
30 Cule hla an sak ih Olif Tlangah an feh.
Piter Ih Elnak Thu A Sim Cia
(Mar 14:27-31; Luk 22:31-34; Joh 13:36-38)
31 Cule Jesuh in an hnenah, “Tuih zan rori ah nan zate in nan tlanhlo dingih keimah lawng in tan ding; ziangahtile Ca Thianghlim in ‘Pathian in tuukhal kha a that dingih tuurual cu òhekdarh òheh an si ding,’ a ti a si.Ref 26.31 Zek 13:7;
32 Asinan thihnak ihsin thawhtersal ka si Ref 26.32 Mat 28:16;tikah Galilee ah nan hmaiah ka feh ding,” tiah a ti.
33 Piter in Jesuh hnenah, “Midang tlan òheh hman hai sehla kei cu ka tlan lo ding,” tiah a ti.
34 Jesuh in Piter hnenah, “Thungai in ka lo sim: Tuih zan ar a khuan hlanah ‘Amah cu ka thei lo a si,’ tiah vei thum tiang i phatsan ding,” tiah a ti.
35 Piter in, “Na hnenih thi ve ding ka si hmanah ka lo phatsan dah lo ding,” a ti. Dungthluntu dang pawl khalin cuticun an ti ciar.
Gethsemane Hmuan Ah Thla A Cam
(Mar 14:32-42; Luk 22:39-46)
36 Cule Jesuh cu a dungthluntu pawl thawn Gethsemane an timi hmuan ah an feh ih an hnenah, “Khitawk ih thla ka va cam sungah hinah rak to uh,” tiah a ti.
37 Piter le Zebedi fapa pahnih kha a fehpi. A riah a sia ih a thinlung a nuam lo ngaingai.
38 Cule an hnenah, “Ka thinlung hi riahsiatnak in a khat tuk ih a kuai òheh ding a bang. Hinah um uhla itthat lo in i hngak uh,” tiah a ti.
39 Hlat deuh ah a va feh ih leilung ah a bok ih, “Ka Pa, a cang thei a si ahcun hi tuarnak khuathai hin i luatter hram aw! Asinan ka duh vekin si hlah seh, na duh vekin si ko seh,” tiah thla a cam.
40 Cun dungthluntu pathum hnenah a rakir tikah an pathum in an itthat kha a hmu ih Piter hnenah, “Ziangtinso it lo in nazi pakhat sung hman in hngak thei lo?
41 Sualforhnak sungih tla lo dingin itthat lo in thlacam uh. Thinlung cun a duh nain taksa cu a thazang a der a si!” tiah a ti.
42 Jesuh cu a fehsal ih thla a cam lala. “Ka Pa, hi khuathai hin luat a theih lo ih ka in tengteng a òul a si ahcun na duh vekin si ko seh,” a ti.
43 Dungthluntu pathum hnenah a ra kirsal ih an rak itthat thotho; an mit an meng thei hrimhrim lo.
44 Jesuh cun a tanta hai ih a cam keel in vei thumnak thla a cam.
45 Cule dungthluntu pathum hnen ahcun a rakir ih, “Nan itthat ih nan cawl lai hrih maw si? Zoh uh! Milai Fapa cu misual pawl kut sungih thlenter a sinak tikcu a thleng zo.
46 Tho uhla feh uh si. Zoh uh, i zuartupa cu hinah a thleng zo,” tiah a ti.
Jesuh An Kaihnak
(Mar 14:43-50; Luk 22:47-53; Joh 18:3-12)
47 Jesuh a òong rero lai ah dungthluntu hleihnih lakih a tel vemi Judas cu a ra thleng. Amah thawn hmunkhat ah puithiam upa pawl le Judah mi upa dang pawl ih thlahmi miburpi kha ralnam le talhtum pawl kengin an ra.
48 Mi phiartu cun misenpi kha theihthiamnak a rak sim cia ih, “Ka hnam dingmi pa cu nan kaih duhmi pa a si ih nan kai pei!” tiah a ti.
49 Judas in Jesuh cu a pan vurvo ih, “Sayapa, na parah daihnak um ko seh,” a ti phahin a hnam.
50 Jesuh in, “Ka rual, na tummi cu tuahzang sawn aw,” tiah a ti.
Cule miburpi an ra thleng ih Jesuh cu an kaih hnuah fektein an òem.
51 Jesuh thawn a ummi lakah pakhat pa in a ralnam a zuuk ih Puithiam Sang ih salpa kha a hna a sah thlak.
52 Cutikah Jesuh in, “Na nam cu a kawm sungah khumsal aw. Ralnam a hmangtu cu ralnam in an thi ve ding.
53 Ka Pa hnenah bomnak ka dil a si ahcun hmakhat teah vancungmi ralkap burt ‘Ralkap bur,’ ti mi cu Grik òong thlun in Mirang òong in ‘Legion,’ an ti ih burkhat ah ralkap thawngruk tluk an um. hleihnih hnakih tam a run thlah thei ti hi na thei lo maw?
54 Asinan cubangtuk in sisehla Ca Thianghlim in a cang ding tiih a sim cia mi cu ziangtinso a kim thei ding?” tiah a ti.
55 Cule Jesuh in miburpi hnen ahcun, “Kei hi rukru maw ka si, ralnam le talhtum thawn keimah kai dingih nan rat ciamco? Nitinte Biakinn ah ka to ih thu ka lo zirh òheu lai ah zohman in, in kai fawn lo.Ref 26.55 Luk 19.47, 21.37;
56 Sikhalsehla profet pawl in Ca Thianghlim sungih an nganmi a kim theinak dingah hibangtuk in a cang a si,” tiah a ti. Cuihsin dungthluntu pawl cun an taan ih an tlansan òheh.
Thureltu Khonsil Hmai Ah An Suahpi
(Mar 14:53-65; Luk 22:54-55, 63-71; Joh 18:13-14, 19-24)
57 A kaitu pawl in Jesuh cu Puithiam Sang Kaiafas inn ah an fehpi ih cutawkah cun Daanthiam pawl le Judah upa pawl an tong aw khawm.
58 Piter in hla nawn ihsin Puithiam Sang ih tual tiang a thlun. Tual ah a vung lut ih ziang bangtukin thil a cang ding ti zoh duh ah ralvengtu pawl hnenah a to.
59 Puithiam upa pawl le Khonsil upa pawl in Jesuh cu an thah theinak dingah an zate in a sual an hawl.
60 Thuphan per tahrat in a mawhnak hawltu tampi an ra suak nain a sualnak an hmu thei cuang lo. A netnak ah mi pahnih an ra suak ih,
61 “Hi pa hin ‘Pathian Biakinn hi ka bal dingih ni thum ah ka sak theisal ding,’ a ti,” tiah an ra ti.Ref 26.61 Joh 2:19;
62 Cutikah Puithiam Sang a ding ih Jesuh cu, “Hitiin sual an lo puh hi a leh ngaihnak na thei lo maw?” tiah a sut.
63 Asinan Jesuh cu dai tein a um. Cule Puithiam Sang cu a hung òongsal ih, “A nungmi Pathian hmin saal in siatcam in ka lo ti: Pathian fapa Messiah na si maw si lo so, sim hnik,” tiah a ti.
64 Jesuh in, “Nangmah in na sim zo! Asinan thungai in ka lo sim: Tuih thokin Milai Fapa hi Ziangkimtithei ih vorhlam ah to in nan hmu pei ih vancung mero par ihsin a rat khal na hmu ding,” tiah a ti.Ref 26.64 Dan 7:13;
65 Cuve tein Puithiam Sang cun a hnipuan a thlek ih, “Cumi cu Pathian thangsiat a si! Thutheitu dang kan òul nawn lo. Pathian a thangsiat daan cu atu nan thei zo!
66 Ziangtin nan ruat?” tiah a sut.
Annih in, “A mawh rori, thah ding a si,” an ti.Ref 26.65-66 Pui 24.16;
67 Cule a hmaiah cil an phui ih an thawi ih an beng. Cule a bengtu pawl in,Ref 26.67 Isa 50:6;Is 50.6
68 “Maw Messiah, profet bangin in sim hnik he! Zoso a lo bengtu!” tiah an ti.
Piter In Veithum Tiang Jesuh A Hnong
(Mar 14:66-72; Luk 22:56-62; Joh 18:15-18, 25-27)
69 Piter cu innleng tual ih a to lai ah Puithiam Sang ih hnenum nunau pakhat a ra ih, “Nangmah khal hi Galilee mi Jesuh thawn a pawl aw mi na si,” tiah a ti.
70 Asinan Piter in mizapi hmai ahcun a el ih, “Na òongmi hi ziang thu a si, ti ka thei lo,” tiah a let.
71 Cule Piter cu kotka lamah a va feh. Hnenum nunau dang in a hmu ih, “Hi pa hi Nazareth mi Jesuh thawn a ummi a si,” tiah cu tawkih a rak ummi mipi pawl hnenah a ti.
72 Piter cun a elsal ih, “Siatcam in ka sim: Hi pa hi ka theihmi a si lo,” a ti.
73 Caan malte hnuah cutawkih a dingmi pawl in Piter cu, “Phat duh hlah, nang khal an hnenih telmi na si ko. Na aw cawi in a lang a si,” tiah an ti.
74 Cule Piter in, “Siatcam in thudik ka sim a si. Thudik lo ka sim asile Pathian in i hrem seh! Hi pa hi ka thei hrimhrim lo,” tiah a ti.
Cuòheh ve tein ar a khuang ih,
75 Piter in Jesuh ih a rak sim cia mi, “Ar a khuan hlanah ka thei lo a si, tiah vei thum tiang i phatsan ding,” a timi kha a vun mangsal. Piter cu khualeng ah a suak ih thinlung na zet in a òap.