23
Jesuh In Ralrinnak A Pek
(Mar 12:38-39; Luk 11:43, 46; 20:45-46)
1 Jesuh cu misenpi le a dungthluntu pawl hnenah thu a sim.
2 “Daanthiam pawl le Farasi pawl hi Moses pekmi Daan a sim fiangtu dingmi an si.
3 Curuangah an lo simmi hmuahhmuah cu nan tuah le nan thlun dingmi an si, sikhalsehla an thil tuahmi cu cawng hlah uh; ziangahtile an simmi vekin anmah in an tuah lo a si.
4 Mi ih zaang parah thilrit zetzet an suang, asinain anmah cun cuih thilrit phurh bawm dingah an kutzim hman in an dai duh lo.
5 Mi ih hmuh ding lawnglawngah ziang hmuahhmuah an tuah. An lu le an baan ih an khih awkmi parih Ca Thianghlim an nganmi lu khih le baan khih pawl tla khi zoh hnik uh! Ziangtlukin so a tum! An puanfem tla khi zoh hnik uh! Ziangtlukin so a sau.p Puanfem a sau an hruh tikah Pathian hnenih pumpetu an si zia langternak ah a si.Ref 23.5 Mat 6:1; Mipum 15:38; Daan 6:8;
6 Puai tuahnak hmun le sinakok ah a òhat biknak hmun le upatnak hmun ah to an duh.
7 Dawr tluan mipi hmun ah mi ih upat pek an duh ih, ‘Sayapa, Sayapa,’ tiih kawh an duh.
8 Sikhalsehla nannih cu, ‘Sayapa,’ ti kha va duh hlah uh! Ziangahtile nannih tla cu unau fingfing nan si ih Sayapa ti dingmi cu pakhat lawng nan nei a si.
9 Cule leilungtlun ahhin zohman, ‘Ka Pa,’ tiah nan ko lo pei, ziangahtile vancung ih a ummi nan Pa lawnglawng Pa nan nei a si.
10 Cuih tlunah zohman, ‘Hotu,’ ti kawh ding kha va cuh hlah uh, ziangahtile hotu pakhat lawng nan nei ih amah cu Messiah hi a si.
11 Nanmah lakih a tum bikmi cu nan hnenum a si ding.Ref 23.11 Mat 20:26-27; Mar 9:35, 10:43-44; Luk 22:26;
12 Zokhal amah le amah a tum awtertu cu òhum a si dingih mi hnuai ih a dormi cu cawisan a si ding.Ref 23.12 Luk 14:11, 18:14;
Jesuh In An Depdetnak A Soisel
(Mar 12:40; Luk 11:39-42, 44, 52; 20:47)
13 “Daanthiam pawl le Farasi pawl, nan hmakhua a va pit so! Nannih mi depde pawl! Vancung Uknak sangka cu mi lut thei lo dingin nan khar ih nanmah le nan lut duh fawn lo; midang luh a duhmi hrangah nan ong duh fawn lo.
14 (“Daanthiam pawl le Farasi pawl, nan hmakhua a va pit so! Nannih mi depde pawl! Nuhmei pawl kha nuhmei an si ruangah nan hmuhsuam ih an inn tiangin nan long; cule mizapi hmuh ahcun rei zetzet thlacam nan uar. Hiti nan si ruangah hremnak nasa zet nan tong ding.)
15 “Daanthiam pawl le Farasi pawl, nan hmakhua a va pit so! Nannih mi depde pawl! Mi pakhat thinlung thlengter dingah tifinriat ah lawng in nan feh ih ram tampi ah nan vak. Mi pakhat nan ngah tikah hell tla dingah nanmah hnakih let hnih tuar dingin nan tuah.
16 “Nannih hruaitu mitcaw pawl, nan hmakhua a va pit so! ‘Mi pakhat in Biakinn hmin saal in siat a cam ahcun a siatcammi in a kaihreng lo, asinain Biakinn sungih a ummi sui hmin saal in siat a cam ahcun a siatcammi in a kaihreng a si,’ tiah mi nan zirh.
17 Mitcaw le mi-aa pawl! Khuiso a thupi deuh? Sui maw, asilole sui kha thianghlim ko ih a tuahtu Biakinn so?
18 Cuih tlunah, ‘Mi pakhat in biakòheng hmin saal in siat a cam ahcun a siatcammi in a kaihreng lo; asinain biakòheng parih a ummi thilhlanmi saal in siat a cam ahcun a siatcammi in a kaihreng a si,’ tiah nan sim.
19 Khua nan va hmu thei lo lawmmam so! Khuiso a thupi sawn? Thilhlanmi maw, thilhlanmi a thianghlimtertu biakòheng so?
20 Curuangah mi pakhat in biakòheng saal in siat a cam tikah biakòheng le biakòheng parih a ummi thilhlanmi hmuahhmuah thawn siat a cam a si.
21 Biakinn saal in siat a cam tikah biakinn le a sungih ummi Pathian hmin in siat a cam a si.
22 Cule vancung saal in siat a cam a si ahcun Pathian tohkham le a parih a totu hmin in siat a cam a si.Ref 23.22 Isa 66:1; Mat 5:34;
23 “Daanthiam pawl le Farasi pawl, nan hmakhua a va pit so! Nannih mi depde pawl! Hmeh ih rawimi puòinan, remhmui le aithing pawl kha Pathian hnenah òhenhra òhenkhat nan pek; asinain Daan sungih a thupi zetmi dingnak, zangfahnak le rintlaknak pawl cu nan thlun lo ih zianghman ah nan siar fawn lo. Òhenhra òhenkhat cu nan pek ding hrimhrim a si. Asinan Daan sungih a ummi a dang pawl khal nan daithlan lo pei.Ref 23.23 Pui 27:30;
24 Hotu mitcaw pawl! Nan inmi sungih thothe cu nan hap, asinain kalauk riangri nan dolh fawn!
25 “Daanthiam pawl le Farasi pawl, nan hmakhua a va pit so! Nannih mi depde pawl! Nan khuat le nan pakan pawl a lenglam lawng fai lengleng in nan kholh ih a sung cu midang thil nan lonmi le hamòamnak in nan ngahmi thil in a khat.
26 Farasi mitcaw pawl! Nan khuat a sunglam pawl kha kholh hmaisa uhla cuticun a lenglam khal a fai ve ding a si.
27 “Daanthiam pawl le Farasi pawl, nan hmakhua a va pit so! Nannih mi depde pawl! Nannih cu si raang hnihfaimi thlan vek nan si; a lengah a mawi nain a sungah cun ruh le a thu a òoih mi ruak in a khat.Ref 23.27 Tirh 23:3;
28 Cubangtuk in nan lenglam ih zoh ahcun mi hmuahhmuah hrangih miòha zet vek nan bang, asinain nan sunglam ahcun depdetnak le sualnak a phunphun in nan khat a si.
Anmah Hremnak Ding A Sim Cia
(Luk 11:47-51)
29 “Daanthiam pawl le Farasi pawl, nan hmakhua a va pit so! Nannih mi depde pawl! Profet pawl phumnak ah thlan òhaòha nan tuah ih miòha pawl ih lungphun cu nan mawiter.
30 Nannih in, ‘Hi kan pupa pawl ih san ahhin rak nung ve nungna thil an tuahmi pawl hi kan tuah lo dingih profet pawl khal an thi hrimhrim lo ding,’ tiah nan ti.
31 Cuti nan ti tikah hin profet pawl a rak thattu pawl ih tesinfa kan si, tiah nan titer awknak nan langter a si.
32 Curuangah nan pupa pawl ih an rak thok cia mi thil cu nannih pawl hin kim tein tuah òheh lawlaw uh!
33 Nannih rul pawl, tur nei rulih faale pawl! Hell sung tla dingih hnonmi nan sinak ihsin ziangtinso nan luat thei ding?Ref 23.33 Mat 3:7; 12:34; Luk 3:7;
34 Fiang tein ka lo sim: Nan hnenah profet le mifim le zirhtu saya pawl ka thlah ding; òhenkhat cu nan that ding, òhenkhat cu thinglamtah parah nan that dingih òhenkhat cu sinakok ah nan thawi hai dingih khuakhat ihsin khua dang ah nan dawi vivo ding.
35 Cubangtuk in mawh nei lomi thihnak nan tuarter ruangah hremnak nan parah a tla ding. Mawh nei lo Abel ihsin thokin Biakinn le biakòheng karlak ih nan thahmi Berakhiah ih fapa Zekhariah tiang, an thisen a suah man cu nan parah a tla òheh ding a si.Ref 23.35 Sem 4:8; 2 San 24:20-21;
36 Thungai in ka lo sim: Himi pawl nan thah ruangih hremnak cu tuih san minung pawl parah a thleng òheh ding,” tiah a ti.
Jesuh In Jerusalem A Duhdawt
(Luk 13:34-35)
37 Jesuh in, “Jerusalem, Jerusalem! Na hnenah Pathian in a thlahmi profet pawl na that ih a palai pawl kha lungto in na deng. Arpi in ar faate pawl a thla hnuai ih a uap vekin na minung pawl cu ka kut in ka hum tum rero nain na duh lo!
38 Curuangah na Biakinn cu a lawng dingih a òhing ding.Ref 23.38 Jer 22:5;
39 Ka lo sim cia: ‘ Bawipa ih hmin in a rami cu Pathian in thluasuahnak pe hram seh,’ tiih na ti thei hlan lo atu ihsin thok in i hmu nawn lo ding,” tiah a ti.Ref 23.39 Saam 118:26;