20
Sabit Hmuan Hnaòuantu Pawl
1 Jesuh in, “Vancung Uknak cu hibangtuk hi a si. Mi pakhat cu a sabit hmuan sungih hnaòuantu hawl dingah zingthlapit in a feh.
2 Nikhat hlawhman ngun tangka fangkhatn ‘Nikhat hlawhman ngun tangka fangkhat’ timi hi Grik òong cun ‘denarius’ an ti ih innsang sungkhat in ni khat rawleinak khop a si. pe dingin a lung a kim ih a hmuan ah hnaòuantu pawl cu a thlah.
3 Zinglam nazi pakua ah dawr hmunah a va feh ih mi-umlak òhenkhat a va hmu.
4 Cupawl hnenah, ‘Nannih tla sabit hmuanah va feh uhla hna va òuan ve uh; nan nihlawh a tawkzawn in ka lo pe ding,’ tiah a ti.
5 Cuticun an feh. Cuvek òhiamòhiam in nazi hleihnih ah le zanlam nazi pathum ah a dang a thlah lala.
6 Zanlam nazi panga zikte ah dawr hmun ah a fehsal ih minung òhenkhat an rak ding hrih kha a hmu. ‘Ziangahso zianghman tuah lo in sun nihlawh nan dingih nan tikcu nan cemter?’ tiah a sut.
7 Annih in, ‘Zohman in hnaòuan in pek lo ruangah a si,’ tiah an sawn. Anih in, ‘Cuti a si ahcun sabit hmuan ah feh uhla va òuan ve uh,’ tiah a ti.
8 “Zanlam a hung si tikah hmuan neitu pa in hmuan uktu pa cu ‘Hmuan hnaòuantu pawl cu ko hai awla an nihlawh pe aw, a netabik ih a òuantu pawl in thok awla a hmaisabik ih a òuantu pawl tiang,’ tiah a ti.Ref 20.8 Pui 19:13; Daan 24:15;
9 Zanlam nazi panga ih hnaòuan a thoktu pawl cu an hlawhman ah ngun tangka fangkhat ciar pek an si.
10 Cuhrangah hmaisabik ih hnaòuan fialmi pawl hlawhman la dingih an rat ve tikah tam deuh kan ngah ding tiah an zum; asinain annih khal ngun tangka fangkhat ciar pek an si ve.
11 Tangka cu an lak ih hmuan neitu bawi parah cun an phunzai.
12 ‘Himi pawl netabik ih hna a òuantu pawl hi nazi pakhat sung lawng an òuan; kannih cu nisasen lakah sunvu kan òuan, asinain kanmah zat thotho ni hlawhman na pek,’ tiah an ti.
13 “Cutikah hmuan neitupa in pakhat pa hnenah, ‘Ka rual, ngai hnik! Ka lo bum lo a si. Nikhat hlawhman cu ngun tangka fangkhat si dingin na lung a rak kim a si lo maw?
14 Nan hlawhman cu la uhla inn ah tlung uh. Netabik ih hnaòuan ka fialmi pa khal hi nan ngahzat a ngah ve ding cu ka duhmi a si.
15 Ka tangka cu ka duh vekih hman theinak thu ka nei a si lo maw? An parih tirh ka sian ruangah nan nahsik maw si?’ a ti,” tiah a sim.
16 Cule Jesuh in, “Curuangah netabik pawl cu hmaisabik ah an cang dingih hmaisabik pawl cu netabik ah an cang ding,” tiah a ti.Ref 20.16 Mat 19:30; Mar 10:31; Luk 13:30;
A Thihnak Ding Thu
(Mar 10:32-34; Luk 18:31-34)
17 Jesuh cu Jerusalem lamih a feh lai ahkhan dungthluntu hleihnih kha a dang teah a hruai ih an mahte lawng, an feh phah ah, thu a ruah hai.
18 “Ngai hnik uh! Jerusalem ah kan hung feh dingih cutawkah Milai Fapa hi puithiam upa pawl le Daanthiam pawl kut ah an thlen dingih that dingin an rel ding.
19 Cuih hnuah Zentail mi pawl kut ah an thlen ding. Cun Zentail mi pawl in an hmuhsuam ding, an vuak dingih thinglamtah ah an kheng ding. Sikhalsehla ni thumnak ah thawhtersal a si ding,” tiah a ti.
Nu Ih Zangfah Dilnak
(Mar 10:35-45)
20 Cule Zebedi nupi cu Jesuh hnenah a fapa pahnih thawn an ra; Jesuh hmai ahcun a kun ih zangfah a dil.
21 “Ziangso na duh?” tiah Jesuh in a sut.
Anih in, “Siangpahrang na si tikah ka fapa pahnih hi na vorhlam le na kehlamih an to theinak dingah thu i kam aw,” tiah a ti.
22 Jesuh in, “Nan dilmi hi ziang kan dil ti nan thei lo. Ka in dingmi tuarnak khuathai hi nan in thei ding maw?” tiah a sut.
A fapa pahnih cun, “Kan in thei ding,” an ti.
23 Jesuh cun, “Ka in dingmi khuathai cu nan in thei ve ngai men ding. Asinan ka vorhlam le ka kehlam ah zo a to ding ti a hriltu cu kei ka si lo. Hi tonak tla cu ka Pa in a timtuah sak cia mi pawl hrangah a si,” tiah a ti.
24 Cuih thu cu dungthluntu dang pahra in an theih tikah cute unau hnih parah an thin a heng ngaingai.
25 Curuangah an zate in Jesuh in a ko khawm ih, “Nan theih vekin leilungtlun ih uktu pawl cun an ukmi pawl kha an lal-hnawh hai ih hotu pawl khalin thu an nei ngaingai.Ref 20.25-26 Luk 22:25-26;
26 Asinan nannih lakah cun cubangtuk cu si hlah seh. Nanmah lakah pakhatkhat in midang hnakih thupit a duh ahcun midang pawl ih hnenum a òuan a òul;Ref 20.26-27 Mat 23:11; Mar 9:35; Luk 22:26
27 nanmah lakah pakhatkhat in hmaisabik si a duh asile nan sal a si hmaisa a òul.
28 Milai Fapa cu rianmi si lo in mi riantu si dingah le mi tampi tlen dingah a nunnak pe dingin a ra a si,” tiah a ti.
Jesuh In Mitcaw Pahnih A Damter
(Mar 10:46-52; Luk 18:35-43)
29 Jesuh le a dungthluntu pawl kha Jerikho ihsin an suah lai ah mi tampi in an thlun.
30 Lamzin kiangih a rak tomi mitcaw pahnih in Jesuh an kiangte ihsin a feh ti kha an theih tikah, “Maw David fapa, in zangfah hram aw,” tiah an au.
31 Mi senpi pawl in dai teih um dingin an kawk. Asinan an dai cuang lo. “David fapa, in zangfah hramhram aw,” tiah ring sinsin in an au.
32 Jesuh cu a ding ih an pahnih in a ko. “Ziang tuah sak so nan duh?” tiah a sut.
33 Annih in, “ Bawipa, khua in hmuter hram aw,” tiah an ti.
34 Jesuh in a zangfah hai ih an mit cu a tham. Hmakhat teah khua an hmu theisal ih amah cu an thlunta.