16
Mangbangza Tuah An Fial
(Mar 8:11-13; Luk 12:54-56)
1 Sadusi le Farasi òhenkhat cu Jesuh hnenah an ra ih, a sual hawl duh ah, “Pathian ih umpi mi na si ahcun hmuhsaknak tuah hnik aw,” tiah an ti.Ref 16.1 Mat 12:38; Luk 11:16;
2 Asinan Jesuh cun, “Ni a tlak tikah ‘Van a sen le nikhua a òha ding,’ tiah nan ti.
3 Cun zingthlapit ah ‘Van kam a sen ih a dup asile khua a dur ruangah ruah a sur ding,’ nan ti. Van zoh tahrat in ni khua òhat le siat ding nan sim thei, asinain tuih caan khihhmuhtu pawl hi nan theithiam fawn lo!
4 Tuih san minung hi miòha lo le Pathian poisa lo pawl nan va si so! Mangbangza tuah dingah in fial, asinain ka tuah lo ding. Nan hrangah Jonah thu siar lo mangbangza dang a um lo ding,” tiah a ti.Ref 16.4 Mat 12:39; Luk 11:29;
Cutiin a suak ih a feh.
Farasi Le Sadusi Pawl Ih Thilnu
(Mar 8:14-21)
5 Dungthluntu pawl cu tili an tan ih khatlam ral an thleng; annih in sang ken an hngilh.
6 Jesuh in an hnenah, “Daithlang hlah uh! Farasi le Sadusi pawl ih thilnu khi ralring uh,” tiah a ti.Ref 16.6 Luk 12:1;
7 “Sang kan ken lo ruangah hibangtuk in a sim a si pei,” tiah pakhat le pakhat an ti aw.
8 Cutiih an rel ruri cu Jesuh in a theih tikah, “Sang nan neih lo thu cu ziangahso nan rel duh rero? Nan zumnak a va mal so!
9 Nan thei thei hrih lo maw? Mi thawngnga hrangah sang hlomnga ka phel kha nan thei nawn lo maw? An hlahmi bawm ziangzat nan sar ti nan cing nawn lo maw?Ref 16.9 Mat 14:17-21;
10 Mi thawngli hrangih sanghlom sarih kha nan cing lai maw? An hlahmi bawm ziangzatso nan sar kha?Ref 16.10 Mat 15:34-38;
11 Nan hnenih ka simmi hi sang thu a si lo tihi ziangahso nan theih thei lo? Farasi le Sadusi pawl ih thilnu hi ralring uh,” tiah a ti.
12 Cutikah a dungthlun pawl in, “Ralring uh,” tiah a timi kha sangih rawimi thilnu si lo in Farasi le Sadusi pawl ih zirhnak thilnu a si sawn, ti kha an theithiamsal.
Piter In Jesuh Thu A Phuannak
(Mar 8:27-30; Luk 9:18-21)
13 Jesuh cu Sisaria Filipi peng ah a feh ih cutawkah a dungthlun pawl kha, “Mi in Milai Fapa hi zo a si in ti so?” tiah a sut.
14 Annih in, “Mi òhenkhat in baptisma petu Johan a si an lo ti, mi òhenkhat in Elijah a si an lo ti. A òhenkhat cun Jeremiah, asilole profet pakhatkhat a si ding an lo ti,” tiah an let.Ref 16.14 Mat 14:1-2; Mar 6:14-15; Luk 9:7-8;
15 Jesuh in, “Nannih in teh! Kei hi zo a si in ti so?” tiah a sut.
16 Simon Piter in, “Nang cu a nungmi Pathian ih Fapa Messiah na si,” tiah a ti.Ref 16.16 Joh 6:68-69;
17 Cutikah Jesuh in, “Johan fapa Simon, mi vannei na si! Ziangahtile hi thu cu minung hnen ihsin na ngahmi a si lo, vancung i a um ka Pa in na hnenih a phuanmi a si.
18 Ka lo sim Piter, nang cu lungto na si; hi lungpi parah hin ka kawhhran ka din dingih thihnak hman in a neh thei dah lo ding.
19 Vancung Uknak tawhfung ka lo pe dingih leilungtlun ih na khammi cu vancung ah kham a si ve dingih leilungtlun ih na onmi cu vancung khalah on a si ve ding,” tiah a ti.Ref 16.19 Mat 18:18; Joh 20:23;
20 Cule Jesuh in a dungthlun pawl kha Messiah a si, ti zohman sim lo dingin thu a pek.
Jesuh In A Thihnak Ding Thu A Sim
(Mar 8:31-9:1; Luk 9:22-27)
21 Cuih caan thokin Jesuh in a dungthluntu pawl hnenah, “Jerusalem ah ka feh dingih hotu pawl, puithiam upa pawl le Daan zirhtu pawl ih kut ah harnak ka tong ding. In that ding, asinain ni thum hnuah thawhtersal ka si ding,” tiah fiang tein a sim.
22 Piter in Jesuh cu a dang deuh ah a hruai ih a mawhthluk.
“ Bawipa, Pathian in duh hram hlah seh. Hibangtuk cu na parah thleng hram hlah seh,” tiah a ti.
23 Jesuh cu a her ih Piter hnenah, “Nang Satan, ka hnen ihsin tlan aw! Ka fehnak lamzin khamtu na si, ziangahtile hibangtuk na ruahnak hi Pathian hnen ihsin a rami a si lo, milai hnenin a rami a si,” tiah a ti.
24 Cun Jesuh in a dungthluntu pawl hnenah, “Zokhal keimah thlun a duhtu cu amah ih duhnak kha taan in a thinglamtah phur in i thlun seh.Ref 16.24 Mat 10:38; Luk 14:27;
25 Ziangahtile zokhal mah nunnak hum a duhtu cu a nunnak a sung ding; asinain keimah ruangah a nunnak a liamtu cun a nunnak a hum ngah ding.Ref 16.25 Mat 10:39; Luk 17:33; Joh 12:25;
26 Mi pakhat in leilung pumpuluk co khalsehla a nunnak a hloh ahcun ziang òhathnemnak so a um? Zianghman a òhahnem lo! A nunnak kha zianghman in a lei theisal nawn lo ding.
27 Milai Fapa hi a Pa ih sunlawinak le vancungmi pawl thawn a ra cing dingih mi hmuahhmuah kha an hnaòuanmi vekin òuanman a pek ding.Ref 16.27 Mat 25:31; Saam 62:12; Rom 2:6;
28 Fiang tein ka lo sim: Milai Fapa hi Siangpahrang vekin a rat nan hmuh hlan lo nanmah lakah a thi lo dingmi nan um,” tiah a ti.