13
Thlaici Vorhtu Tahòhimnak
(Mar 4:1-9; Luk 8:4-8)
Cuih sun thotho ah Jesuh cu inn ihsin a suak ih tilikap ah a va feh ih a to hnuah thu a zirh. A kiangkap ih a ra khawmmi misenpi pawl an tam tuk ruangah lawng sungah a lut ih a to. Misenpi pawl cu tilikap ahcun an ding.Ref 13.2 Luk 5:1-3; Thuòhimnak hmangin thu tampi a zirh:
“Veikhat ah mi pakhat cu thlaici vorh dingah a feh. Thlaici cu lo sungih a vorh tikah òhenkhat cu lamzin parah an tla ih cupawl cu vate in an ei òheh. A òhenkhat cu leilung malnak lungsedaap lakah an tla ih leilung a sah lo ruangah thlaici cu hmakhat teah an òo. Asinan ni a sat tikah a òo pekte pawl cu an thisal; an hram in leilung thukpi ih hram a thlak thei lo ruangah an car lohli. Thlaici a òhenkhat cu hlingbur lakah an tla ih an kho nain hlingbur cun a zaap ruangah an òhang thei lo. Sikhalsehla thlaici òhenkhat cu leilung òhatnak ah an tla ih òhenkhat cu a let zakhat, òhenkhat cu a let sawmruk, òhenkhat cu a let sawmthum in rawl a suak,” tiah a sim.
Jesuh cun, “Theihnak hna a neitu in thei uh,” tiah a ti.
Tahòhimnak Ih Tumtahmi
(Mar 4:10-12; Luk 8:9-10)
10 Cun dungthluntu pawl a hnenah an ra ih, “Mipi hnenih thu na sim tikah ziangahso tahòhimnak na hman òheu?” tiah an sut.
11 Jesuh in an hnenah, “Vancung Uknak thuthuk theih theinak cu nan hnenah pek a si zo. Asinan mipi hnen ahcun pek a si lo. 12 Ziangahtile a neimi hnenah a hleifuan ih a neih tiangin pek bet a si dingih a nei lomi hnen ihsin a neihsunte hman kha lak sak a si hrih ding.Ref 13.12 Mat 25:29; Mar 4:25; Luk 8:18, 19:26; 13 Ziangruangah an hnenih ka òong tikah thuòhimnak ka hmang tile annih cun an zoh nain an hmu thei lo, an ngai nain an thei thei lo. 14 Curuangah profet Isaiah ih simmi kha an parah a kim a si.
Profet Isaiah cun:
‘Hi minung pawl in an ngai rero ding nain
an thei thei lo ding.
An zoh rero ding nain
an hmu thei lo ding.
15 Ziangahtile an thinlung a pit tuk,
an thutheihnak hna a pit ih
an mit khal an meng lo a si.
Cubangtuk in rak si hlah hai sehla
an mit in an hmu ding,
an hna in an thei dingih,
An thinlung khalin an thei thiam ding.
Cuticun ka lamah an her dingih
ka damter hai ding a si, tiah
Pathian in a ti’, tiah a sim.Ref 13:14-15: Isa 6:9-10
16 “Asinan nannih cu ziangtluk mi vannei so nan si! Nan mit in a hmu ih nan hna khalin a thei. 17 Fiang tein ka lo sim: Nan hmuhmi le nan theihmi hi profet tampi le Pathian minung tampi in hmuh le theih an rak duh zet ve nain an rak hmu thei lo ih an rak thei thei fawn lo.Ref 13.16-17 Luk 10:23-24;
Jesuh In A Simfiang
(Mar 4:13-20; Luk 8:11-15)
18 “Curuangah hi thlaici vorh tahòhimnak ih tican hi ngai uhla thei uh. 19 Lamzin tluan ih a tlami thlaici pawl cu vancung Uknak thu a thei nain a tican a thei thei lotu pawl an si. An thinlung sungih tuhmi kha Miòha lo pa in a laksaksal a si. 20 Lungsedaap lakih a tlami thlaici cu vancung Uknak thu an theih ve tein lungawi zet in a pomtu an si. 21 Lungawi zet in an pom nain an sungah thukpi a pil lo ih rei an daih lo. An pommi thu ruangah harsatnak le hremnak a ra thlen tikah an letsal lohli. 22 Hlingbur lakih a tlami thlaici pawl cu vancung Uknak thu a thei nain hi leilungtlun nunnak thuhla ah donhar ih a ummi pawl an si. Sum le saw an duhnak in cuih thu cu a tuam ih rah an nei thei lo. 23 Leilung òha ih a tlami thlaici pawl cu vancung Uknak thu a hna in a thei ih a tican tla a theithiamtu pawl an si. Annih cun rah an nei ih a òhen cu a let zakhat, a òhen cu a let sawmruk, a òhen cu a let sawmthum tiang an rah a si,” tiah a sim.
Hrampi Tahòhimnak
24 Jesuh in tahòhimnak dang pakhat a sim lala ih, “Vancung Uknak cu hibangtuk hi a si. Mi pakhat in a lo sungah thlaici òha a vorh. 25 Zankhat ah mi hmuahhmuah an ihthat sungah a ralpa a ra ih rawl ci lak ahcun hrampi ci a vorhta ih a tlanhlo. 26 Thlai kho cu an hung òhangih an vui tikah hrampi khal cu an lang ve. 27 Cule a hnenum pawl a hnenah an ra ih, ‘Bawipa, na lo sungih na vorhmi cu thlaici òha an si lo maw? Khuiinso hrampi hi an rat?’ tiah an sut. 28 Anih in, ‘Himi a tuahtu cu kan ralpa a si,’ tiah a sawn. Annih cun, ‘Hrampi cu kan va bawt pei maw?’ tiah an sutsal. 29 Cutikah anih in, ‘Bawt hlah uh, ziangahtile hrampi nan bawt zawng ah rawl kung tla nan bawtcih pang ding. 30 Rawl laak a cut hlan lo rawl kung le hrampi cu òhang tlang ko hai seh. Cule rawl latu pawl kha hmaisabik ah hrampi bawt uhla nan tom hnuah ur uh; cuih hnuah rawl cu khawm uhla ka cuam sungah thun uh,’ ka ti hai ding,” tiah a sim.
Anòam Ci Tahòhimnak
(Mar 4:30-32; Luk 13:18-19)
31 Jesuh in tahòhimnak dang pakhat a simsal. “Vancung Uknak cu hibangtuk a si. Mi pakhat in anòam ci a lak ih a lo sungah a vorh. 32 Thlaici hmuahhmuah lakah a fate bikmi thlaici a si. Asinan a kho ih a òhan tikah cun rawl kung lakah a tum bikmi a si. Thingkung bangtuk a si ih vate pawl tla an ra ih a hnge lakah bu an sak,” tiah a ti.
Thilnu Tahòhimnak
(Luk 13:20-21)
33 Jesuh in tahòhimnak pakhat an hnenah a simsal. “Vancung Uknak cu nunau pakhat in thilnu malte a lak ih sangphut reel khat sungih a rawimi bangtuk a si. Cuih thilnu malte cun sang bawm khat cu a zate in a thoter òheh a si,” tiah a ti.
Tahòhimnak A Hmandan
(Mar 4:33-34)
34 Jesuh in hibangtuk thu pawl hi misenpi hnenih a sim tikah tahòhimnak a hmang òheu. Tahòhimnak hmang lo in an hnenah zianghman a sim dah lo. 35 Hi vekih a simnak cu profet ih simmi kha a kim theinak dingah a si. Profet ih simmi cu:
“An hnenih ka òong tikah
tahòhimnak ka hmang ding;
Leilung hramthok ihsin theih dah lomi
thil kha an hnenah ka
phuang ding,”Ref 13:35: Saam 78:2 ti a si.Ref 13.35 Saam 78:2;
Jesuh In Hrampi Thu A Fianter
36 Jesuh cun misenpi kha a fehsan ih inn sungah a lut. Cutikah a dungthluntu pawl a hnenah an ra ih, “Lo sungih hrampi tahòhimnak kha a tican in sim aw,” tiah an ti.
37 Jesuh in, “Thlaici òha a vorhtu cu Milai Fapa a si. 38 Lo cu hi leilungpi hi a si; thlaici òha cu vancung Uknak a cotu minung pawl an si ih hrampi cu Miòha lo pa ih milai pawl an si. 39 Hrampi ci a vorhtu kan ral cu Satan a si. Rawlkhawm caan cu san cemnak caan a si ih rawlkhawmtu pawl cu vancungmi an si. 40 Hrampi cu an khawm ih meisa in an ur òheh; cubangtuk in san cemnak caan ahcun a si ve ding. 41 Milai Fapa in a Uknak sung ihsin mi a sualtertu le thil òha lo a tuahtu pawl a lengih suahhlo dingah a vancungmi pawl a thlah ding. 42 Cumi pawl cu meisa sungah an paih dingih cutawkah òap-ai in an hacang an rial ding. 43 Cun Pathian ih minung pawl cu an Pa Pathian ih Uknak sungah ni bangin an tleu ding. Theihnak hna a neitu in thei uh,” tiah a ti.
Thuhmi Hlawnthil Tahòhimnak
44 “Vancung Uknak cu lo sungih thuhmi hlawnthil bangtuk a si. Cuih hlawnthil cu mi pakhatkhat in a hmuh tikah òha tein a khuhta ih lungawi aipuang in inn ih a neihmi hmuahhmuah kha a zuar ih cuih lo cu a lei,” tiah Jesuh in a sim.
Lungmankhung Tahòhimnak
45 “Vancung Uknak cu hibangtuk a si. Sum tuahtu pakhat in keplung mankhung a hawl. 46 A man a khung taktakmi keplung a hmuh tikah a neihmi dang hmuahhmuah kha a zuar ih cuih lung cu a lei,” tiah a sim.
Sur In Tahòhimnak
47 “Vancung Uknak cu tili sungih vorhmi sur bangtuk a si. Nga kaitu hrekkhat in an sur cu tili sungah an vorh ih nga phunkim an awk. 48 An sur a khah tikah ti kapah an hnuk ih an tohmun in nga cu an hril; nga òha pawl cu an bawm sungah an san ih nga òha lo cu an hlon. 49 Cubangtuk in san cemnak caan ahcun a si ding; vancungmi pawl an feh dingih miòha pawl lak ihsin miòha lo pawl cu an khawm dingih, 50 meisa sungah an hlon ding. Cutawkah an òap an raak dingih an hacang an rial ding a si,” tiah a ti.
Thudik Thar Le Hlun
51 Misenpi pawl cu Jesuh in, “Hi thu hmuahhmuah hi nan thei thei maw?” tiah a sut.
Annih in, “Kan thei,” tiah an sawn.
52 Cutikah Jesuh in, “Cu a si ahcun vancung Uknak thu a zir zomi Daan zirhtu pohpoh cu a thilri retnak inn sung ihsin thil hlun le thil thar a hun suahtu, inn neitu pa bangtuk a si,” tiah a sim.
Nazareth Ah Jesuh An Hnong
(Mar 6:1-6; Luk 4:16-30)
53 Jesuh in hi tahòhimnak pawl a sim òheh tikah cutawk ihsin a suak ih, 54 a khua ah a tlung. An sinakok ah thu a zirh hai ih a thu a theitu pawl cu an mang a bang ngaingai. “Hibangtuk fimnak hi khuitawk in so a lak?” tiah an sut aw. “Hibangtuk mangbangza hi ziangtinso a tuah thei? 55 Lettama fapa a si lo maw? Mari kha a nu a si lo maw? Jeim, Josef, Simon le Judas kha a naule an si lo maw? 56 A far le tla hitawkah an um òheh a si lo maw? Khui in so hibangtuk hi a lak?” tiah an ti. 57 Cuticun Jesuh cu an hnong.
Jesuh in an hnenah, “Profet cu amah ih suahnak khua le innsang siar lo hmundang ah cun upatnak a tong a si,” tiah a ti.Ref 13.57 Joh 4:44; 58 Zumnak an neih lo ruangah cutawkah cun mangbangza tampi a tuah lo.