10
Tirhthlahmi Hleihnih
(Mar 3:13-19; Luk 6:12-16)
Jesuh in a dungthluntu hleihnih kha hmunkhat ah a ko ih thlarau òha lo dawihlo theinak le natnak le dam lonak a phunphun damter theinak huham a pek. Tirhthlahmi hleihnih ih hmin pawl cu, hmaisabik ah Simon (Piter timi) le a nau Andru; Zebedi ih fapa Jeim le a nau Johan; Filip le Bartholomeo; Thomas le siahkhongtu Matthai; Alfias ih fapa Jeim le Tadias; Phunòan Simon le Jesuh a zuartu Judas Iskariot tla an si.
Tirhthlahmi Hleihnih Thucahmi
(Mar 6:7-13; Luk 9:1-6)
Hi hleihnih pawl cu Jesuh in a thlah ih òha tein thu a cah hai. “Zentail ram ah va feh hlah uhla Samaria khuasung ah va lut hlah uh. Cuhnakin a hlomi tuurun Israel mi pawl hnenah nan feh pei. Feh uhla, ‘Vancung Uknak a nai zo,’ tiah va sim uh. Mina damter uh, mithi thotersal uh, phaarnat a neimi pawl damter uhla khawvang pawl dawihlo uh. Man lo in nan ngahmi kha man lo in va pe uh. Nan kordip ah sui tangka siseh, ngun tangka le dar tangka siseh, pai hlah uh. 10 Nan khualtlawnnak lamzin hrangah rawl dilnak ah cawdip siseh, angki hlei siseh, kedam le kianghrol siseh, keng hlah uh. Hnaòuantu pa cu a sammi hmuahhmuah pek thluh a si ding.Ref 10.10 1 Kor 9:14; 1Tim. 5:18;
11 “Khuapi siseh, khuate siseh, nan thlen tikah lungawite ih tlun inn a lo ontu inn ah lut uhla nan fehsal hlan tiang cuih inn ah va cam uh. 12 Inn sungih nan luh tikah ‘Nan hnenah daihnak um hram seh,’ tiah va ti uh. 13 Cuih inn sung mi pawl in tlun inn an lo on asile daihnak hrang mal nan sawm sakmi cu cuih inn ah um seh. Asinan tlun inn an lo on lo asile daihnak malsawmnak cu la kirsal uh. 14 Cule zokhal in tlun inn an lo on lo ih nan thu khal an ngai duh lo asile cuih hmun cu tlansan uhla nan ke ih leivut cu thingthlata uh.Ref 10.14 Tirh 13:51 15 Thungai in ka lo sim: Thuòhennak Ni ah Pathian in cuih khua mi pawl hnakin Sodom le Gomorrah khua mi parah zangfahnak tam deuh a nei ding a si,” tiah a sim.Ref 10.15 Sem 19:24-28; Mat 11:24;Ref 10.7-15 Luk 10:4-12;
A Thleng Dingmi Hremnak
(Mar 13:9-13; Luk 21:12-17)
16 “Ngai uh! Cinghnia hrang rual lakih tuu thlah bangtukin ka lo thlah a si. Curuangah rul vekin fimkhur uhla thuro vekin nan nun nem uh.Ref 10.16 Luk 10:3 17 Ralring uh, ziangahtile nanmah a lo kaitu dingah mi an suak ding; zungah an lo thlenpi dingih sinakok ah an lo vuak ding. 18 Keimah ih ruangah uktu le siangpahrang pawl hmaiah an lo thlenpi dingih anmah le Zentail mi pawl hnenah ka thu thantertu nan si ding. 19 Thuòhennak hmunih thlenpi nan si tikah ziangso ka sim ding ti le ziangtinso ka sim ding, tiin nan donhar hlah uh. A tikcu a kim tikah nan sim dingmi cu theihter nan si leh ding. 20 Ziangahtile a òongtu ding cu nanmah si lo in nan sung ihsin a òongtu nan Pa ih Thlarau òongkam a si ding.Ref 10.17-20 Mar 13:9-11; Luk 12:11, 12; 21:12-15;
21 “Mi in anmah ih unau lala kha that dingah midang kut ah an thlengter ding. Pale pawl khalin an faate tlunah cubangtuk òhiamòhiam in an tuah ding. Faale pawl khalin an pale pawl an ral dingih midang kut ah an thlen ding.Ref 10.21 Mar 13:12; Luk 21:16; 22 Keimah ruangah mikip in an lo hua ding. Sikhalsehla a netnak ni tiang a òang theitu cu runsuak an si ding.Ref 10.22 Mat 24:9; Mar 13:13; Luk 21:17; 23 Khua pakhat ah an lo hrem asile khua dang ah va tlan uh. Fiang tein ka lo sim: Milai Fapa a ra thlen hlanah Israel ramsung khua hmuahhmuah ih nan hnaòuanmi cu nan òheh man lo ding.
24 “A saya hnakin a tum sawnmi tlawngta zohman an um lo. A bawipa hnakin a tum sawnmi sal zohman an um lo.Ref 10.24 Luk 6:40; 25 Curuangah tlawngta pakhat cu a saya tluk a si ahcun lungkim ding a si ko; sal khal a bawipa tluk a si ahcun lungkim ding a si ko. Innsang ih lu bik kha khawsia bawi Beelzebul tiih kawh a si ahcun innsang sung um midang pawl cu cuhnakih hmin sia deuh in kawh an si ding.Ref 10.25 Mat 9:34; 12:24; Mar 3:22; Luk 11:15;
Zoso Òih Ding A si
(Luk 12:2-7)
26 “Curuangah milai òih hlah uh. Atu ih thuhmi hi on òheh a si dingih thuthup hmuahhmuah khal phuan òheh a si leh ding.Ref 10.26 Mar 4:22; Luk 8:17; 27 Khawthim lakih ka lo simmi hi sun khawvang ah simsal uhla a thup ih nan theihmi hi innpar ihsin phuang uh. 28 Taksapum a that thei nain thlarau a that thei lotu pawl cu va òih hlah uh. Takpum le thlarau a pahnih in hell sungih a that theitu Pathian kha va òih sawn uh. 29 Paisasen pakhat in sunòam pahnih nan lei thei a si lo maw? Asinan cuih sunòam pakhat hman cu nan Pa ih thu lo in leilung ah a tla lo. 30 Nannih sinsin cu nan samphang hman a siar òheh a si. 31 Curuangah nan thinphang hlah uh. Sunòam tampi hnakin nan man a khung sawn a si.
Mi Hmaiih Khrih Òannak
(Luk 12:8-9)
32 “Mi pakhat in mipi hmaiah ka minung a sinak kha a òanpi ngam a si ahcun vancung ka Pa hmaiah amah kha ka òanpi ve ding. 33 Sikhalsehla mipi hmaiih i hnongtu cu vancung ka Pa hmaiah ka hnong ve ding.Ref 10.33 2 Tim 2:12;
Remnak A Si lo Ralnam Sawn
(Luk 12:51-53, 14:26-27)
34 “Leilungtlun ah remnak thlentertu ah a ra tiah i ruat hlah uh. Remnak tuahtu ah ka ra lo, ralnam kengin ka ra sawn a si. 35 Pa le fapa, nu le fanu, ni vahh ‘ni vah’ timi cu ‘fapa ih nupi’ tinak a si ih a ni le a rang in an kawhnak a si. pawl ral awter dingah ka ra a si.Ref 10.35-36 Mik 7:6; 36 Mi pakhat ih ral òihnung bik cu amah ih innsang mi an si ding.
37 “Zokhal sisehla, keimah hnakin a nu le a pa a duhsawntu cu i thluntu dingah a tlak lo. Keimah hnakin a fanu siseh, a fapa siseh, a duh sawntu cu i thluntu dingah a tlak lo. 38 Zokhal sisehla amah ih thinglamtah phur tahrat in ka dungih i thlun lotu cu ka minung si dingah a tlak lo.Ref 10.38 Mat 16:24; Mar 8:34; Luk 9:23; 39 Amah ih nunnak hum a tumtu cu a nunnak a sung ding, asinain keimah ruangih a nunnak a liamtu cu a nunnak a hum ngah ding.Ref 10.39 Mat 16:25; Mar 8:35; Luk 9:24; 17:33; Joh 12:25;
Òhatman A Ngah Ding
(Mar 9:41)
40 “Nanmah tlun inn a lo ontu cu keimah tlun inn ontu a si ve; keimah tlun inn i ontu cun keimah thlahtu khal a on ve a si.Ref 10.40 Mar 9:37; Luk 9:48, 10:16; Joh 13:20; 41 Pathian thusimtu tlun inn a ontu cu Pathian thuphurtu tlun inn a on ruangah a thusimmi òhatman a òawm ve ding. Miòha pakhat kha miòha a si ruangih tlun inn a ontu cu cuih miòhapa ih òhatman a òawm ve ding. 42 Fiang tein ka lo sim: Ka dungthluntu pawl lakih nauta bik kha ka dungthluntu a si ruangih tidai khuat khat a petu cu òhatman a ngah tengteng ding,” tiah a ti.