2
1 Ziangkimtithei Bawipa in puithiam pawl hnenah, “Hi thupekmi cu nanmah hrangah a si.
2 Nan thiltuahmi in ka hmin upat uh. Ka thusimmi nan ngai lo a si ahcun nan parah siatcamnak ka thlengter ding. Nan pumcawmnak hrangih nan ngahmi thil parah siatcamnak ka thlengter ding. Thungai ti ahcun cuih thil parah siatcamnak ka thlengter zo, ziangahtile ka thupekmi zianghman ah nan siar lo.
3 Nan faate pawl ka hrem ding; nan hmaiah thawinak nan pekmi òilva ih eek ka maan dingih eek tlaang ah hruaihlo nan si ding.
4 Cuticun Levi tesinfa puithiam pawl thawn thukamnak ka tuahmi cu balsiat òheh a si lonak dingah hi thu a petu cu keimah ka si kha nan thei ding,” tiah Ziangkimtithei Bawipa in a ti.Ref 2.4 Mipum 3:11-13;
5 “Keimah in upatnak dingah ka thukamnak sungah nunnak le harhdamnak pe dingah ka tiam ih ka tiam vekin ka pek. Culai ahcun in rak upat ih in rak òihzah.Ref 2.5 Mipum 25:12;
6 A òha lo an rak zirh lo, a dikmi lawng an rak zirh. Keimah thawn tla kan rem aw zet; anmah in a dikmi an tuah lawng si lo in midang in thil òha lo an tuahmi an tuah nawn lonak dingah mi tampi an zirh ih an bawm a si.
7 Pathian thu dik teih an theihnak dingah mi zirh ding cu puithiam pawl ih òuanvo a si. Ka duhmi le ka tummi an theihnak dingah mipi pawl in an pan ding, ziangahtile puithiam pawl cu Ziangkimtithei Bawipa ih palai an si.
8 “Sikhalsehla atu ahcun nanmah puithiam pawl riangri lamzin dik ihsin nan pial zo. Nan thuzirhnak ruangah mi tampi in thil sual an tuah. Nanmah thawn ka tuahmi thukamnak cu nanmah in nan bal zo.
9 Cutiih ka thu nan ngai lo ruangah, thu ka tuah dingih Israel mi pawl in an lo hmuhsuam thung dingih an lo mualphoh ding; ka minung pawl thu nan zirh tikah thleidan nei in nan zirh a si,” a ti.
Misenpi Rin Tlak Lo An Si
10 Kan zate in pa pakhat ih fa kan si lo maw? Pathian pakhat in kan zate in in tuah a si lo maw? Cuti asile ziangahso pakhat le pakhat karlak ah thukamnak kan tuahmi cu kan bal cingcing ih Pathian in kan pupa pawl thawn thukamnak a tuahmi cu kan nautat?
11 Judah mi pawl in Pathian hnenih thukamnak an tuahmi an bal ih hi ram le Jerusalem khua sungah tuksumza thilsual an tuah. Bawipa in a duh zetmi Biakinn cu an borhhlawhter zo. Ramdang khawzing a betu nunau pawl an nupi ah an òhit.
12 Hibangtuk a tuahtu pawl cu Bawipa in Israel miphun sungin hlon hram sehla, kan miphun in Ziangkimtithei Bawipa ih hnenah thawinak an peknak ah ziangtik hmanah tel ve nawn hram hlah hai seh.
13 Thil dang pakhat nan tuah hrihmi cu, hihi a si. Bawipa ih hnenah nan pekmi thawinak a lo saan nawn lo ruangah nan ninghang in nan òap nan ai ih a biakòheng cu nan mitthli in nan ciah a si.
14 Ziangahso in saan lo? tiah nan sut. Ziangah a lo sang lo tile nan no lai ih nan òhitmi nan nupi thawn thukamnak nan tuahmi nan balmi kha a thei a si. Nan nupi cu nan rualpi òha bik a si: Rin tlak pasal ka si ding tiah Pathian hmaiah thukamnak nan tuah, asinain cuih nan thukammi rori cu nan bal.
15 Nan nupi thawn taksa khat le thinlung khat ah Pathian in a lo tuah a si lo maw? Hitiih a tuah tikah a tumtahmi ziangso a si? A tumtahmi cu faate nan neih ih Pathian minung ngaingai ih an cannak dingah a si. Curuangah zokhal siseh, a nupi hnenih thukamnak a tuah vekin kimter seh; zohman in a thukammi cu bal hlah seh.
16 Bawipa Israel ih Pathian in, “Nupi maak cu ka hua. Cubangtuk thilsual nanmah lakah pakhatkhat in na nupi parih nan tuah tikah ka hua a si. Rin tlak pasal si dingah na nupi hnenih thukamnak na tuahmi kha bal lo dingah ralring aw,” tiah a ti.
Thuòhennak Ni A Nai
17 Nan òongtamnak in, Bawipa cu a ning zo. Asinan nannih cun, “Ziangtinso Bawipa cu kan nin?” tiah nan sut. Nannih in, “Ziangkimtithei Bawipa in thil òha lo a tuahtu pawl cu miòha an si tiah a ruah; thungai ih ticun a duh zet hai a si,” nan ti. Asilole “A ding zet ih ruahmi Pathian cu khuiahso a um?” tiah nan sut. Cuvek ih nan òong in Bawipa cu a ning tuk zo a si.