MALAKHI
(Malachi)
Thuhmaihruai
Malakhi cabu hi BC 500 hrawng Jerusalem Biakinn saksal hnu ziangtik lai maw caan ih nganmi a si. Profet ih tumtahmi cu puithiam pawl le misenpi pawl kha Pathian thawn an thukamnak rinsan tlak in thartersalnak ding thu kha a si. Pathian ih miphun pawl ih nunnak le biaknak ah daithlannak le hlohralnak a um ti cu a fiang. Puithiam le mipi pawl in Pathian kha an pek ding, an neihmi peknak pawl pe lo in le a zirhnak bangtukih nung lo in an bum. Asinan Bawipa in a miphun pawl thuòhen ding le thianter dingah a ra dingih a hlankhan in a lamzin sial ciatu ding le a thukam phuang dingah milai a thlah ding.
1
1 Israel mi pawl sim dingah Bawipa in a thuailam thu cu Malakhi hnenah a thlenter.
Bawipa In Israel A Duhdawt
2 Bawipa in a minung pawl hnenah, “Nannih cu ka lo duhdawt ringring a si,” a ti.
Asinan annih in, “In duhdawtnak cu ziangvek in so na langter?” tiah an ti.
Cutikah Bawipa in, “Esau le Jakob cu unau an si, asinain Jakob le a tesinfa pawl ka duhdawt ih,
3 Esau le a tesinfa pawl cu ka hua.Ref 1.2-3 Rom 9:13; Esau ih tlangpar ram ka siatsuah òheh ih a leilung cu hramlak cinghnia hrangah ka taan a si,” a ti.
4 Esau tesinfa Edom mi pawl in, “Kan khuapi pawl cu siatsuah òheh an si zo nain kan dinsal pei,” an ti ahcun Ziangkimtithei Bawipa in, “An duh ahcun dinsal ko hai seh; ka bal òhehsal thotho ding. Mi in ‘Ram sualral,’ ti in le ‘ Bawipa ih thinhennak kumkhua in a tongtu miphun,’ tiah an ko ding,” tiah a ti.
5 Cumi cu anmah Israel mi an mit rori in an hmu dingih, “ Bawipa cu Israel ramsung lawngah si lo in a leng khalah a nasa a si,” an ti ding.Ref 1.2-5 Isa 34:5-17; 63:1-6; Jer 49:7-22; Ezk 25:12-14; 35:1-15; Amo 1:11, 12; Oba 1-14;
Bawipa In Puithiam Pawl A Kawk
6 Ziangkimtithei Bawipa in puithiam pawl hnenah, “Fapa in a pa cu a upat, siahhlawh in a bawipa cu a upat. Keimah hi nan pa ka si, ziangahso in upat lo? Keimah hi nan bawipa ka si, ziangahso in òihzah lo? In hmuhsuam ih nannih in, ‘Ziangtinso kan lo hmuhsuam?’ tiah in sut hrih lai.
7 Ka biakòheng parah rawl thiang lo nan retnak in, in hmuhsuam a si. Cule nannih in ‘Ziangvek in so kan lo upat lo?’ tiah in sut. Ka lo sim: Ka biakòheng nan nautat ih zianghman ih nan siar lonak in, in upat lonak a lang a si.
8 A mit a caw mi, asilole a nami, asilole a ke a awlmi òilva pawl thawinak ah ka hnenih nan pek tikah a òha òheh ko,Ref 1.8 Daan 15:21; zianghman a poi lo, tiah nan ruat maw si? Cuvek òilva kha ram uktu hnenah pek hnik uh! Nan parah a lung a awi ding maw? Nan parah mithmai òha a nei ding tiah nan zum maw?” a ti.
9 Puithiam pawl, kan parah òhatnak tuah aw, tiah Pathian cu dil hnik uh. Nan thlacamnak a ngai hrimhrim lo dingih cumi cu nanmah ih mawh ruangah a si ding.
10 Ziangkimtithei Bawipa in, “Biakinn sungah lut tahrat in ka biakòheng parah zianghman òhahnem lo meisa nan van lonak dingah nanmah lakah pakhatkhat in biakinn sangka cu khar uhla ka duh a si. Nan parah lungawinak ka nei lo; ka hnenih nan rak kenmi thawinak pawl cu ka sang lo ding.
11 Leilungtlun um miphun hmuahhmuah, nisuahnak ihsin nitlaknak tiang, keimah cu in upat. Khuazakip ah ka hmin upatnak ah rimhmui an ur ih co tlakmi thawinak pawl in pek. An zate in in upat a si!
12 Sikhalsehla nannih pawl cun in upat lo; kan biakòheng cu a borhbah mi biakòheng nan tiih nan nautatmi rawl a parah ret tahrat in ka hmin in thangsiat a si.
13 ‘Hivek cu kan ning tuk zo,’ nan tiih nan hnar in phiit. Ka hnenih pek dingah rukmi òilva nan rak keng, asilole a ke awlmi le a na mi nan rak keng. Cupawl cu ka lo sang ding tiah nan ruat maw si?
14 Pek dingah in kam cia mi òilva òha zet kha a tuurual lakah a um ko nain ka hnenah santlai lo òilva thawinak ih i petu cu a parah siatserhnak um seh! Ziangahtile keimah cu a maksakmi siangpahrang ka si ih miphun hmuahhmuah in, in òihzah a si,” tiah Ziangkimtithei Bawipa in a ti.