8
Jesuh In Mi Thawngli Rawl A Dar
(Mat 15:32-39)
1 Cuih hnu rei lo teah mi tampi an pumkhawm aw lala. Mipi cu rawl ei ding an neih lo tikah Jesuh in a dungthluntu pawl kha a ko ih,
2 “Hi mi pawl hi ni thum sung ka hnenah an um zo ih atu ah ei ding zianghman an nei nawn lo; ka zaang an fak zet a si.
3 Rawl zianghman ei lo ih ka tlunter a si ahcun mi hrekkhat cu lam hlapi feh ding an si ruangah lamzin ah an òamsawl ding a si,” tiah a ti.
4 A dungthluntu pawl cun, “Hibangtuk ramòhing ahhin zo in so milai hi zat hrangah rawl cu a hawl thei ding?” tiah an ti.
5 Jesuh in, “Sanghlom ziangzatso nan neih?” tiah a sut.
Annih in, “Hlom sarih,” tiah an ti.
6 Jesuh in misenpi cu lei parah to dingin thu a pek. Cule sanghlom sarih cu a lak ih Pathian hnenah lungawithu a sim hnuah a phel ih mipi zem dingah a dungthluntu pawl a pek; a dungthluntu pawl cun an zem.
7 Nga fatete khal malte lai an nei. Jesuh in Pathian hnenah lungawithu a sim hnuah nga khal zem dingin a dungthluntu pawl a fial.
8 An zate in an ei ih an khopzet, minung cu thawngli tluk an si.
9 Cule an hlahmi kha dungthluntu pawl in an sar ih bawm sarih a ti. Jesuh in mipi pawl cu a tlunter ih,
10 hmakhat teah lawng sungah a dungthluntu pawl thawn an lut ih Dalmanutha pengah an feh.
Mangbangza Tuah An Fial
(Mat 12:38-42; 16:1-4)
11 Farasi mi hrekkhat pawl Jesuh hnenah an ra ih thu an el aw. Jesuh ih sual hawl an duh ruangah, “Pathian ih hrilmi na si le si lo langternak ah mangbangza tuah hnik,” tiah an ti.Ref 8.11 Mat 12:38; Luk 11:16;
12 Jesuh cu lungkim lo zet in a hruum ih, “Ziangahso tuih san minung pawl in mangbangza tuah in fial? Thungai in ka lo sim: Cubangtuk mangbangza cu tuih san minung hnenah pek a si lo ding,” tiah a ti.Ref 8.12 Mat 12:39; Luk 11:29;
13 A fehsan ih lawng sungih a luh hnuah tili khatlam ralah a feh.
Farasi Le Herod Ih Thilnu
(Mat 16:5-12)
14 Dungthluntu pawl in sang ken an hngilh ih lawng sungah sanghlom khat lawng a um.
15 Jesuh in an hnenah, “Farasi mi le Herod ih thilnu kha ralring uh,” tiah a sim.Ref 8.15 Luk 12:1;
16 Annih in, “Sang kan neih lo ruangah a si, hitiih in ti,” tiah pakhat le pakhat an ti aw.
17 Cumi cu Jesuh in a thei ih an hnenah, “Sang nan neih lo thu cu ziangahso nan rel rero? Nan thei thei hrih lo maw? Cutluk in maw nan ruah ban lo?
18 Mit nan neih si, nan hmu thei lo maw? Hna nan neih si, nan thei thei lo maw? Mi thawngnga hrangih,Ref 8.18 Jer 5:21; Ezk 12:2; Mk 4:12;
19 Sanghlom nga ka phel kha nan cing nawn lo maw? An hlahmi sang bawm ziangzatso nan sar kha?” a ti.
Annih in, “Bawm hleihnih,” tiah an ti.
20 Jesuh in, “Cun minung thawngli hrangah sanghlom sarih ka phel tikah an hlahmi bawm ziangzatso nan sar kha?” tiah a sut.
Annih in, “Bawm sarih,” tiah an ti.
21 Jesuh in, “Cuih hnu khalah nan thei thei hrih lo maw?” tiah a ti hai.
Bethsaida Ah Mitcawpa A Damter
22 Bethsaida khua an thleng ih cutawkah mitcawpa pakhat Jesuh hnenah an rak hruai ih Jesuh ih tham dingin an dil.
23 Jesuh in mitcawpa cu a kut in a hruai ih hnarpawn ah a fehpi. A mit ah a cil a vun phui hnuah a parah a kut a suang ih, “Ziangtal na hmu thei maw?” tiah a sut.
24 Mitcawpa cu vantau in khua a hun zoh ih, “A si, mi ka hmu thei; asinain thingkung feh rero vek an bang,” tiah a ti.
25 Jesuh in cupa ih mit ahcun a kut a suang lala. Mitcawpa cun napi in khua a hun zoh ih a mit cu a vaan ngah ruangah ziang hmuahhmuah fiang tein a hmu thei.
26 Jesuh in inn ah a tlunter ih, “Khuasung ah va lut nawn hlah,” tiah a ti.
Piter Ih Phuansuahnak
(Mat 16:13-20; Luk 9:18-21)
27 Jesuh le a dungthluntu pawl cu Sisaria Filipi kiang khuate pawl tlawng dingah an feh. Lamzin ah dungthluntu pawl cu, “Mi in zo in ti so, in sim hnik uh?” tiah a sut.
28 Annih in, “Mi hrekkhat in baptisma petu Johan a si, an lo ti. Mi hrek in Elijah a si an lo ti. Midang in profet pakhatkhat a si, an lo ti,” tiah an ti.Ref 8.28 Mar 6:14-15; Luk 9:7-8;
29 Jesuh in, “Nannih in teh, zo in ti so?” tiah a sut.Ref 8.29 Joh 6:68-69;
Piter in, “Nang cu Messiah na si,” tiah a ti.
30 Cutikah Jesuh in, “Cuih thu cu zohman va sim hlah uh,” tiah a tiam.
Jesuh In A Thih Ding Thu A Sim
(Mat 16:21-28; Luk 9:22-27)
31 Cule Jesuh in a dungthluntu pawl a zirh ih, “Milai Fapa cu tuarnak nasa zet a tong dingih upa pawl, puithiam upa pawl le Daan thiam pawl in an hnong ding; an that ding, asinain ni thum hnuah a thosal ding,” tiah a ti.
32 Cuih thu cu an hnenah fiang zet in a sim. Curuangah Piter in Jesuh cu a dang deuh ah a pialpi ih a mawhthluk.
33 Sikhalsehla Jesuh cu a her ih a dungthluntu pawl zoh phahin Piter cu, “Satan, ka hnen ihsin tlan aw! Na ruahdan hi Pathian hnen ihsin rami a si lo, milai hnen ihsin rami a si,” tiah a kawk.
34 Cule Jesuh in mipi le a dungthluntu pawl cu a hnenah a ko ih, “Zokhal keimah i thlun duhtu cun amah ih duhnak tanta sehla a thinglamtah pu in i thlunseh.Ref 8.34 Mat 10:38; Luk 14:27;
35 Ziangahtile zokhal amah ih nunnak hum a duhtu cu a nunnak a sung ding; asinain keimah ih hrang le Thuthangòha ruangah a nunnak a liamtu cu a nunnak a hum ngah ding a si.Ref 8.35 Mat 10:39; Luk 17:33; Joh 12:25;
36 Mi pakhat in leilung pumpuluk co hmansehla amah ih nunnak a sun ahcun ziangso a òhahnem? Zianghman a òhahnem lo!
37 A nunnak kha zianghman in a lei theisal nawn lo ding!
38 Tuih san, Pathian zianghman ih siar lo san, hi san òha lo ahhin mi pakhatkhat in keimah siseh, ka thuzirhmi siseh, a zahpi ahcun Milai Fapa in a Pa ih sunlawinak le vancung mithiang pawl thawn a rat tikah a zahpi ve ding,” tiah a ti.