6
Nazareth Mi In A Thu An Pom Lo
(Mat 13:53-58; Luk 4:16-30)
1 Jesuh cu cutawk ihsin a feh ih a khua ah a dungthlun pawl thawn an kir.
2 Sabbath ni ah an sinakok sungah thu a zirh. Cunah mi tampi an um ih a thuzirhmi an theih tikah an mang a bang ngaingai. “Hi hmuahhmuah hi khuiinso a lak? Hibangtuk fimnak hi khuiinso a ngah? Ziangtinso mangbangza hi a tuah thei?
3 Mari fapa lettama, Jeim le Josef le Judas le Simon teih u kha a si lo sawm? A farnu pawl tla hinah an um lai a si lo maw?” an ti. Cuticun Jesuh cu zianghman ah an rel lo.
4 Jesuh in an hnenah, “Profet cu amah ih suahnak khua le ram, a sungkhat le a innsang siar lo hmundang ahcun upatnak a tong a si,” tiah a ti.Ref 6.4 Joh 4:44;
5 Cutawkah cun mina malte parah a kut a suang ih a damter; cumi siar lo mangbangza zianghman a tuah lo.
6 Zumnak an neih lo ruangah Jesuh cu a mang a bang ngaingai.
Jesuh In Dungthluntu Hleihnih A Thlah
(Mat 10:5-15; Luk 9:1-6)
Cule Jesuh cu kiangkap khua ah a feh ih thu a zirh vivo.
7 Dungthluntu hleihnih kha a ko ih pahnih, pahnih in a thlah. Ramhuai neh theinak thu a pe ih,
8 “Khual nan tlawnnak ah kianghrol siar lo a dang zianghman nan keng lo pei: Rawl siseh, cawdip siseh, nan kordip ah tangka siseh, nan keng lo pei.Ref 6.8-11 Luk 10:4-11;
9 Kedam cu dam uh, asinain angki a hlei in keng hlah uh.
10 Tlun-inn a lo ontu ih inn ah khua dang ih nan fehsal hlan lo cam uh.
11 Nan thlennak khua pakhat in, tlun inn an lo on duh lo ih nan thu khal an ngai duh lo a si ahcun, tlansan uhla nan ke ih leivut kha thinta uh. Cumi cu an hrangah ralrin peknak a si ding,” tiah thu a pek.Ref 6.11 Tirh 13:51;
12 Cuticun an feh ih mi hmuahhmuah an sualnak sir aw dingah thu an sim.
13 Ramhuai tampi an dawi ih mina tampi tla olif hriak an culh ih an damter.Ref 6.13 Jeim 5:14;
Baptisma Petu Johan Thihnak
(Mat 14:1-12: Luk 9:7-9)
14 Jesuh thuhla cu khuazakip ih a than ruangah Siangpahrang Herode 6:14 ‘Herod,’ timi hi Galilee le Perea ram Uktu Herod Antipas a si. Herod Lian (Herod the Great BC 37-4 ) ih fapa a si ih (BC 4 - AD 39) tiang a uk. tla in cuih thu cu a thei ve. Mi hrekkhat cun, “Baptisma petu Johan kha a nungsal a si! Curuangah hibangtuk in mangbangza tuah theinak huham a nei,” tiah an ti.
15 Midang cun, “Elijah a si,” an ti. Midang cun, “Khuahlan lai ih profet pawl vek profet pakhat a si ko,” an ti.Ref 6.15 Mat 16:14; Mar 8:28; Luk 9:19;
16 Cumi cu Herod in a theih ve tikah, “Baptisma petu Johan a si! A lu ka rak tanter zomi a si nain a nungsal a si hi!” tiah a ti.
17 Johan cu kaih ih thirhri in khit tahrat in thawng thlak dingah Herod amah rori in thu a rak pek dahmi a si. Ziangah cutin a tuah tile, Herod in a nau Filip ih nupi Herodias a òhit hrangah,
18 Johan in, “Na naupa ih nupi na òhit cu a dik lo a si,” tiah Herod kha a ti ringring ruangah a si.Ref 6.17-18 Luk 3:19-20;
19 Cuti a si ruangah Herodias in Johan cu a mitkem in a ngiar ringring ih thah tiangin a duh; asinain Herod a um ruangah zianghman a ti ngam lo.
20 Herod in Johan cu a òih ngaingai, ziangahtile Johan cu miòha le mi thianghlim a si, ti a thei. Curuangah a hum òheu. Johan ih thusimmi a ngaitinte a thin a nuam dah lo, asinain a thusimmi ngai cu a duh thotho.
21 Netabik ah Herodias cu caan òha a ngah. Herod suahcam a hung kim ih a suahcam lomnak ah Herod cun acozah bawi upa pawl, a ralkap uktu ralbawi pawl le Galilee rammi upa pawl hrangah rawl darnak puai a tuah.
22 Herodias fanu cu a rung lut ih a laam tikah Herod le a sawmmi upa pawl cu an lung a awi ngaingai. Curuangah Siangpahrang bawipa in falanu hnen ahcun, “Ziangso na duh? Na duhmi hmuahhmuah ka lo pe ding,” tiah a ti.
23 “Na dilmi pohpoh ka lo pe ding; ka ram ukmi a hrek tiang hman ka lo pe ding,” tiah siatcam in thu a kam.
24 Cule falanu cu a feh ih a nu hnenah, “Ziangso ka dil ding?” tiah a va sut.
A nu in, “Baptisma petu Johan ih lu dil aw,” tiah a rak ti.
25 Falanu cu zamrang tein a kir ih Siangpahrang bawipa cu, “Atu ah hitawk rori ahhin baptisma petu Johan ih lu cu darkheng in i pe cila ka duh!” tiah a dil.
26 Cumi a theih tikah Siangpahrang cu a riah a sia ngaingai, asinain a sawmmi bawi le upa pawl hmaiih siatcam in thu a kam awk zo ruangah falanu ih a dilmi cu a el thei nawn lo.
27 Curuangah hmakhat teah ralkap pakhat a thlah ih Johan ih lu rak keng dingin thu a pek. Ralkap pa cu a suak ih thawnginn ahcun a feh ih Johan ih lu cu a va tan.
28 Cuih hnuah darkheng in a rak keng ih falanu cu a pek, falanu cun a nu hnenah a pek sin.
29 Cuih thu cu Johan ih dungthluntu pawl in an theih tikah a ruak an ra lak ih an phum.
Jesuh In Mi Thawng Nga Rawl A Dar
(Mat 14:13-21; Luk 9:10-17; Joh 6:1-14)
30 A thlahmi pawl cu an ra tlung ih Jesuh cu an tong ih an tuahmi hmuahhmuah le an zirhmi hmuahhmuah an sim.
31 A hnenih a rami le a kirmi, mi sukso pawl cu an tam tuk ruangah Jesuh le a dungthluntu pawl cu rawl einak caan hman an nei lo. Cu hrangah an hnenah, “Kan feh pei ih kanmah lawng hlimphirte ih kan um theinak hmunah va um uh si; cule malte tal nan cawl thiam ding,” tiah a ti.
32 Cuticun anmah lawng hlimphirte ih um theinak hmun feh dingah lawng in an pok.
33 Asinan an feh kha mi tampi in an hmu ih zo an si, ti kha hmakhat teah an thei. Curuangah khua hmuahhmuah ihsin an pok ih an ke in an rak tlan ih Jesuh le a dungthluntu pawl cu an colhnak ding hmunah an rak thlen khelh vivo.
34 Jesuh cu lawng sung ihsin a suah tikah miburpi cu a hmu ih a thinlung cu anmah zangfahnak in a khat, ziangahtile khaaltu nei lo tuurual bangtuk an si.Ref 6.34 Mipum 27:17; 2 Siang 22:17; 2 San 18:16; Ezk 34:5; Mat 9:36; Curuangah thu tampi a zirh hai.
35 Zanlam khua a hung siim tikah a dungthluntu pawl cu a hnenah an ra ih, “Khua a siim zo; hitawk hi hmun òhing a si fawn.
36 Miburpi pawl hi thlah awla ziang lo ei òha an lei theinak dingah kiangkap khua pawl le lo tla ah va feh hai seh,” tiah an ti.
37 Jesuh cun, “Nanmah in an ei ding cu pek uh,” tiah a ti.
Cutikah annih in, “Tangka zahnihf Tangka zahnih hi culai ah tangka fangkhat cu mi pakhat ih nikhat hlawhman a si. man rawl va lei tahrat in himi pawl hi rawl daar uh, ti in duh maw si?” tiah an sut.
38 Jesuh in, “Sang ziangzatso nan neih? Va zoh hnik uh,” tiah a ti.
An va zoh ih, “Sanghlom nga le nga pumhnih a um,” tiah an ti.
39 Cule Jesuh in a dungthluntu pawl hnenah mipi pawl kha hram hring parah a bur a bur in toter dingah thu a pek.
40 Cutiin misenpi cu zakhat tlar le sawmnga tlar in an to khawm.
41 Cun Jesuh in sang hlomnga le nga pumhnih cu a lak ih vanlam hawi in Pathian hnenah lungawinak thu a sim. Sang cu a phel ih mipi pawl zem dingah a dungthluntu pawl hnenah a pek. Nga pumhnih khal cu an zate hnenah a zem.
42 An zate in an ei ih an khopzet.
43 Sang le nga an hlahmi cu dungthluntu pawl in an sar ih bawm hleihnih an ngah.
44 Rawl a eitu cu mipa lawnglawng siar in thawngnga an si.
Tidai Parah Jesuh A Feh
(Mat 14:22-33; Joh 6:15-21)
45 Cuih hnuah zamrang tein Jesuh in a dungthluntu pawl cu lawng sungah a luhter ih tili khatlam ral Bethsaida ah a hmaiah rak feh sung dingin a thlah. Cule misenpi pawl cu a tlunter.
46 Cibai a buk hai hnuah tlang parah thlacam dingah a feh.
47 Khua a thim tikah lawng cu tili laifang a thleng ih Jesuh cu amah lawng tlang parah a um lai.
48 Thli kha anmah lamih a hran ruangah a dungthluntu pawl in lawng an hlau tikah harnak tampi an tong ti kha a hei hmu. Curuangah zinglam khawvang deuh hlanah an hnen ahcun ti parin a va feh. An kiang a thlen tikah lansan a tum,
49 asinain ti parih a feh kha an hmu. Mithla ah an ruat ih an thin phangin an raak ciamco.
50 An hmuh tikah an zate in an òih ngaingai.
Hmakhat teah Jesuh in, “Nan thinphang hlah uh! Keimah ka si,” tiah a ti.
51 Cule lawng sungah an hnenah a vung lut ih thli cu a dai. Dungthluntu pawl cu an mang a bang zet,
52 ziangahtile mi thawngnga rawl a daarnak kha a sullam an thei thei lo, an thinlung in a ruat ban lo.
Gennesaret Ah Jesuh In Mina A Damter
(Mat 14:34-36)
53 Tili an tan hnuah Gennesaret ah an va thleng ih cuih hmunah an lawng cu an hreng.
54 Long sung ihsin an suah ve tein mipi in Jesuh cu an theithiam lohli.
55 Curuangah cutawk ram ahcun zamrang in an feh ih a umnak an theihnak hmun poh ah mina pawl cu laang in an rak zawn.
56 Cun Jesuh a fehnak pohpoh ah khuate ah siseh, khuapi ah siseh, lo lak khalah siseh, an mina pawl cu dawrhmun khalah an rak thlenpi hai ih, “Na puanfem tal lo tham hai seh,” tiah an dil; cule a puanfem a tham ngahtu cu an dam.