16
Jesuh A Thosal
(Mat 28:1-8; Luk 24:1-12; Joh 20:1-10)
Sabbath ni a cem hnuah Mari Magdalene, Jeim nu Mari le Salome in Jesuh ruak va culh dingah zihmui an lei. Nipi zing, nisuak zawng ah thlan ah an va feh. Lamzin an feh phah ah, “Thlankhar lungphengpi teh zo in so in òhawn sak ding?” tiah pakhat le pakhat an sut aw. Cuih lung cu lungpheng hlaipi a si. Cule an hun zoh tikah lungphengpi cu a rak òhawn aw zo kha an hmu. Thlan sungah an vung lut ih tlangval pakhat puan raang sin in vorhlam kapih a to kha an hmu ih an phang ngaingai.
Anih in, “Nan thinphang hlah uh! Thinglamtah ih an thahmi Nazareth Jesuh nan hawl ti ka thei. Hinah a um nawn lo, a thosal zo. An retnak hmun hi ra zoh hman uh. Va feh uhla a dungthluntu pawl le Piter kha ‘Nan hmaiah Galilee ah a feh ding. Cutawkah a lo sim cia vekin nan hmu ding,’ tiah va sim uh,” tiah a ti.Ref 16.7 Mat 26:32; Mar 14:28;
Cutiin an suak ih thlan ihsi cun thinphang le tuksum in an tlan. An òih tuk ruangah zo hnen hmanah zianghman an sim lo.
MARKA THUTHANGÒHA NETNAK SAU
Mari Magdalene Hnenah Jesuh A Lang
(Mat 28:9-10; Joh 20:11-18)
Nipi ni ah thihnak ihsin Jesuh a thawh hnuah a hmaisabik ah Mari Magdalene hnenah a lang; Mari Magdalene cu a sung ihsin khawvang pasarih a dawisuahmi nunau kha a si. 10 Mari Magdalene cu a feh ih a rualpi pawl a va sim. Cupawl cu Jesuh a thih ruangah mithi ngai in an òap rero. 11 “Jesuh a nungsal zo, ka hmu a si!” tiah a sim tikah an zum lo.
Dungthluntu Pahnih Hnenah Jesuh A Lang
(Luk 24:13-35)
12 Cuih hnuah Jesuh cu dungthluntu pahnih khuate lamih an feh lai ah phun dangin an hnenah a lang. 13 An kir ih midang pawl tla an sim, asinain annih khalin an zum lo.
Dungthluntu Hleikhat Hnenah Jesuh A Lang
(Mat 28:16-20; Luk 24:36-49; Joh 20:19-23; Tirh 1:6-8)
14 Netabik ah Jesuh cu dungthluntu hleikhat rawl an ei lai ah an hnenah a lang. Zumnak an neih lo ruangah le amah a nungin a hmutu pawl an zum lo ih thinlung ruh an neih ruangah a kawk hai. 15 Cule an hnenah, “Leilung khuazakip ah va feh uhla mi hmuahhmuah hnenah Thuthangòha va sim uh.Ref 16.15 Tirh 1:8; 16 Zokhal sisehla a zum ih baptisma a co ahcun rundam a si ding. Asinan a zum lotu cu hnon a si ding. 17 A zumtu pawl cu mangbangza tuah theinak huham pek an si ding; ka hmin in ramhuai an dawi thei ding; òong thar in an òong ding; 18 rul an kaih ah siseh, thihsii an in hmanah siseh, an zianghman a poi lo ding; mina parah an kut an suang dingih mina cu an dam ding,” tiah a ti.
Vancung Ah Jesuh A Kai
(Luk 24:50-53; Tirh 1:9-11)
19  Bawipa Jesuh cu an hnenih thu a sim òheh hnuah vancung ah lakso in a um ih Pathian vorhlam kapah a to.Ref 16.19 Tirh 1:9-11; 20 Cule dungthluntu pawl cu an feh ih khuazakip ah thu an sim; Bawipa cu an hnenah hna a òuan ih mangbangza an tuahmi in an thusimmi a dik a si, ti kha a langter.]
MARKA THUTHANGÒHA NETNAK TAWI
[Nunau pawl cu Piter le a rualpi pawl hnenah an feh ih an theihmi thuhla cu a tawinak in an sim. 10 Cuih hnuah Jesuh amah rori in kumkhua rundamnak thu, thu nung le thu thianghlim cu nisuahnak ihsin nitlaknak tiang a dungthluntu pawl hmangin a than a si.]