12
Sabit Hmuan Hnaòuantu Pawl Tahòhimnak
(Mat 21:33-46; Luk 20:9-19)
1 Cuih hnuah Jesuh in an hnenah tahòhimnak thawn thu a sim. “Hlanlai ah mi pakhat a um ih sabit hmuan a tuah; hawi a kulh, sabit sawrnak ah khur a lai ih rit kilnakah parthlam a sak. Cule thlawhhlawh a duhmi pawl hnenah a pekta ih amah cu khual a tlawng.
2 Sabit rah lawh a cut tikah a covo la dingin a sal pakhat a thlah.
3 Hmuan thlotu pawl cun a salpa cu an kai ih an vuak ih kut lawngin an kirter.
4 Cun sal dang pakhat a thlahsal. Hmuan thlotu pawl in a lu ah an vuak ih mualpho le ningzak in an tuah.
5 Hmuan neitu pa cun sal dang a thlah lala, asinain an rak that; sal dang tampi tla cuvek cun an tuah. Òhenkhat an vuak ih òhenkhat cu an that.
6 Thlah dingih a tangmi cu a duhdawt zetmi fapa lawng a si thlang. Netabik ah hmuan thlotu pawl hnenah a fapa cu a thlah ih, “Ka fapa cu an upat ding,” tiah a ti.
7 Asinan cuih hmuan thlotu pawl cun, “Hi pa hi hmuan neitu ih fapa a si. Ra uh kan that pei ih a thil hmuahhmuah kan ta a si ding,” tiah pakhat le pakhat an ti aw.
8 Cuticun a fapa cu an kaih ih an thah hnuah a ruak cu hmuan lengah an hlon.
9 “Cuih hnuah hmuan neitu in ziangso a tuah ding?” tiah Jesuh in a sut hai. “Hmuan neitupa a ra dingih a hlawhfa pawl cu a that òheh dingih a hmuan cu hlawhfa dang kut ah a pe ding.
10 Ca Thianghlim sungah:
‘Inn saktu pawl in santlai lo tiih
an hnonmi lungto cu,
A thupi bikmi lungto ah a cang riangri.
11 Cumi cu Bawipa ih tuahmi a si;
Ziang tluk ih zoh mawi so a si,’Ref 12:10-11: Saam 118:22-23 tiih
ngan cia mi kha nan siar dah lo maw?”
tiah a ti.
12 Judah mi upa pawl cun cuih tahòhimnak cu anmah a òongsanmi a si, ti an theih ruangah Jesuh kha a kaih an tum. Asinan misenpi pawl an òih ruangah an suak ih Jesuh cu an fehsansal.
Ngunkhuai Peknak Thu
(Mat 22:15-22; Luk 20:20-26)
13 Farasi mi hrekkhat le Herod minung pawl hrekkhat cu Jesuh kha thusuhnak in awk ngah dingah an thlah.
14 Jesuh hnenah an ra thleng ih, “Sayapa, nang cu mi in ziangtin in ti pei ti khal ruat lo in thudik na sim ti kan thei. Mi mithmai na zoh lo ih upa nauta thleidannak thinlung na nei lo. Pathian duhnak thudik lawng mi hnenah na sim. Curuangah fiang tein in sim hnik. Rom siangpahrang hnenah ngunkhuai pek hi kan Daan in a thlah maw thlah lo? Kan pe ding maw pe lo ding?” tiah an sut.
15 Asinan an depdetnak kha Jesuh in a hmu ih, “Ziangahso thangih awh in tum? Ngun tangka rak keng hnik uh, ka zoh pei,” tiah a ti.
16 An rak keng ih Jesuh in, “Hihi zo ih hmuihmel le hmin so a si?” tiah a sut.
Annih in, “Rom siangpahrang ih hmuihmel le hmin,” tiah an ti.
17 Curuangah Jesuh in, “Cuti a si ahcun siangpahrang ta a simi cu siangpahrang pek uhla Pathian ta a simi cu Pathian hnenah pek uh,” tiah a ti.
Cumi an theih tikah an mang a bang òheh.
Thawhsalnak Thu
(Mat 22:23-33; Luk 20:27-40)
18 Cule Sadusi òhenkhat, thih hnu ahcun zohman an thosal lo ding, tiah a zumtu pawl Jesuh hnenah an ra ih,Ref 12.18 Tirh 23:8;
19 “Sayapa, Moses in daan in ngan sakmi ah ‘Mipa pakhat a thih ih faate nei lo in nupi a taan ahcun faate nei ih a can salnak dingah a thihsan mi a nupi cu a naupa in a òhi pei,’ tiah a um.Ref 12.19 Daan 25:5;
20 Veikhat ah unau pasarih an um; upa bik pa cu nupi a òhi ih faate nei lo in a thi.
21 A pahnihnak pa in cunu cu a òhi ih faate nei lo in a thi ve. Cuvek òhiamòhiam in a pathumnak in cunu cu a òhi nain a thihsan lala.
22 An zate in fa nei lo in an thi òheh. An pasarih in cunu cu an òhi ih faate nei lo in an thi òheh a si. Netabik ah nunaunu khal a thi ve.
23 Curuangah thawhsal caan mithi an thawhsal ni ah cunu cu zo ih nupi bik so a si ding? An pasarih in an òhi fingfing fawn,” tiah an sut.
24 Jesuh in, “Nan va palh lawmmam so? Ziangah kan palh ti nan thei maw? Ca Thianghlim siseh, Pathian cahnak huham siseh, nan theih lo ruangah a si.
25 Ziangahtile mithi pawl an thawhsal tikah vancung ih vanmi bangtuk an si ding ruangah òhitawk ti a um nawn lo ding.
26 Mithi thawhsalnak thu ahcun Moses Cabu sungih hrambur a kangmi thu kha nan siar dah lo maw? Cutawkah Pathian in Moses hnenah, ‘Keimah cu Abraham ih Pathian, Isaak ih Pathian, le Jakob ih Pathian ka si,’ a ti.Ref 12.26 Suah 3:6;
27 Pathian cu a nungmi pawl ih Pathian a si, a thi mi pawl ih Pathian a si lo. Curuangah nan palh nasa a si,” tiah a ti.
A Thupi Bikmi Thukham
(Mat 22:34-40; Luk 10:25-28)
28 Cutawkah an thu relmi a thei vetu Daanthiam pakhat a rak um. Jesuh in Sadusi pawl ih thusuhnak kha a let thiam zet ti a theih tikah Jesuh hnenah a ra ih, “Khuimi thukham so a thupi bik?” tiah a ra sut.
29 Jesuh in, “A thupi bikmi thukham cu ‘Maw Israel mi pawl ngai uh! Bawipa kan Pathian lawng hi Bawipa a si.
30 Bawipa nan Pathian cu nan thinlung zate, nan nunnak zate, nan ruahnak zate le nan thazang zate thawn nan duhdaw pei,’ tihi a si.Ref 12.29-30 Daan 6:4-5;
31 Cun a pahnihnak ih a thupimi thukham cu, ‘Na innhnen kha nangmah na duhdawt awk vekin na duhdaw pei,’ tihi a si. Hi thukham pahnih hnakih a thupi sawnmi thukham a um nawn lo,” tiah a ti.Ref 12.31 Pui19:18;
32 Daanthiam pa cun Jesuh hnenah, “Sayapa, na timi cu a òha ngaingai. Na sim bangtukin Bawipa lawng hi Pathian a si ih pathian dang an um nawn lo, ti cu a dik ngaingaimi a si.Ref 12.32 Daan 4:35;
33 Curuangah milai in Pathian cu a thinlung zate, a ruahnak zate le a cahnak zate thawn a duhdaw pei ih amah ih pum a duhdawt vekin a innhnen cu a duhdaw ve pei. Hi thukham pahnih thlun cu mei-ur thawinak le thawinak dangdang pawl pek hnakin a thupi sawn a si,” tiah a ti.Ref 12.33 Hos 6:6;
34 Jesuh in a thu lehmi cu a fel zet a si, ti kha a hmu ih a hnenah, “Nangmah cu Pathian Uknak thawn nan hlat aw lo,” tiah a ti.
Cuih hnu ahcun Jesuh cu zohman in thu an sut ngam nawn lo.Ref 12.28-34 Luk 10:25-28;
Messiah Thu
(Mat 22:41-46; Luk 20:41-44)
35 Biakinn sungih thu a zirh lai ah Jesuh in hitiin thu pakhat a sut, “Ziangtinso Daanthiam pawl in Messiah cu David tesinfa a si ding, tiah an ti thei?
36 Amah David lala cu Thlarau Thianghlim in a simter ih,
‘ Bawipa in ka Bawipa hnenah,
Na ral pawl na ke hnuai ih
ka ret ngah hlan lo,
Ka vorhlam kapah to aw,’Ref 12:36: Saam 110:1 tiah a ti.
37 “Amah David hman in Messiah cu ‘ Bawipa,’ tiih a ko asile ziangtinso David ih tesinfa cu a si thei ding,” tiah a ti.
Mi tampi in Jesuh thuzirhmi cu lungawi aipuang zet in an ngai.
38 Cutiih thu a zirh tikah Jesuh in, “Daanthiam pawl hi òha tein ralring uh. Annih cun an puanfualpi thawn tawihvah an duh ih mipi tamnak dawr tluan ah mi in upatnak thawn cibai in buk hai seh ti an duh.
39 Sinakok ah tonak òha bik an ham cia ih puai tuahnak hmun ah hmun òha bik an hril.
40 Nuhmei pawl kha a miat hawlnak ah an hmang ih an inn tiangin an long. Cule mi in, in hmu hai seh tiah rei zetzet in thla an cam. Hrem an ton dingmi cu midang tonmi hnakin a nasa sawn ding,” tiah a ti.
Nuhmei Thawhlawm
(Luk 21:1-4)
41 Jesuh cu Biakinn tangka retnak kiangah a to ih mi in thawhlawm tangka an pek lai rero kha a zoh. Milian tampi in tangka tampi an san.
42 Cule a farah zetmi nuhmei pakhat a ra ih daar tangka piahnih a san ve.k daar tangka piahnih daar tangka piahnih cun sunòam pakhat a lei thei.
43 A dungthluntu pawl kha hmunkhat ah a ko ih an hnenah, “Fiang tein ka lo sim: Hi farah nuhmeinu in thawhlawm sannak kuang sungah midang hmuahhmuah hnakin tam bik a san a si.
44 Ziangahtile midang pawl cun an neihmi sungin a hleifuan an pek; asinain hi nuhmeinu cun a farah zet nain a neihmi hmuahhmuah a san; a pumcawmnak ih a hman dingmi hmuahhmuah a pek òheh a si,” tiah a ti.