MARKA
(Mark)
Nganmi Thuthangòha
Thuhmaihruai
Marka nganmi Thuthangòha hi “Pathian Fapa Jesuh Khrih ih Thuthangòha,” tiih hramthokmi a si. Hi cabu sungah hin Jesuh Khrih cu cat lo ih hna a òuantu le thunei zet mipa tiin a lang. A thuneihnak cu mi a zirhnak, khawvang a dawi theinak le misual a ngaidam theinak parih hmuh theimi a si. Jesuh amah in, “Kei cu Milai Fapa ka si ih misual pawl sualnak ihsin luatnak dingah ka ra a si,” a ti.
Marka in Jesuh thu a ngan tikah tluang zet in a ngan. A òongmi le a zirhmi hnakin a tuahmi kha thupi sawn in a la ih a ngan. Baptisma petu Johan thu malte a sim hnuah Jesuh ih baptisma a laknak le sualforh a tuarnak thu a ngan ih cuih hnuah Jesuh ih thuzirhnak le mi a damternak thu a ngan. Malte a hung rei deuh tikah a thluntu pawl in a thinlung an hmu thei deuh. Asinan a duh lotu pawl in an hua sinsin ve. A netabik ah Jesuh thinglamtah parih an khen-behnak le a thawhsalnak thu a sim.
Marka Thuthangòha hin “Netnak,” pahnih a nei. A pahnih hin kulhte (parenthesis) sungih nganmi an si. Ziangahtile Marka ih a nganmi si lo in midang ih ngan betmi a si, tiah zumnak a um.
1
Baptisma Petu Johan Thusimnak
(Mat 3:1-12; Luk 3:1-18; Joh 1:19-28)
1 Pathian Fapa Jesuh Khrih ih Thuthangòha cu hitiin a si.
2 A thokah profet Isaiah in:
“Pathian in ‘Na hmaiah
ka palai ka thlah ding;
Na hrangih lamzin sialtu dingah,’Ref 1.2 Mal 3:1;
3 Mi pakhat cu ramòhing ah a au ih,
‘ Bawipa ih hrangah lamzin sial uh,
A fehnak ding lamzin kha dingter uh,’
a ti,”Ref 1:3: Isa 40:3 tiah a ngan.
4 Curuangah Johan cu ramòhing ihsin a ra ih baptisma a pek hai ih thu tla a sim phah vivo. Mipi pawl kha, “Nan sualnak sir uhla baptisma lak uh. Cuticun Pathian in nan sualnak a lo ngaithiam ding,” tiah a ti.
5 Judea peng le Jerusalem khuapi ihsin mi tampi Johan ih thusimmi ngai dingah an ra. An sualnak an phuang ih Jordan tiva ah baptisma a pek hai.
6 Johan cu kalauk hmulih tahmi hnipuan a hruk ih a tai ah savun taikhap a khap. A rawl eimi cu kharbok le hramlak khuaitizu an si.Ref 1.6 2 Siang 1:8;
7 Mipi hnenah, “Ka dungih a ra dingmi pa cu keimah hnakin a nasa sawn a si. Kun tahrat in a kedam hri phoih saktu ding hmanah kei cu ka tlak lo.
8 Kei cun tidai in baptisma ka lo pek. Asinan anih cun Thlarau Thianghlim in baptisma a lo pek hai ding,” tiah a ti.
Jesuh Baptisma Le Hniksaknak
(Mat 3:13-4:11; Luk 3:21-22; 4:1-13)
9 Cuih hnu rei lo teah Galilee peng Nazareth khua ihsin Jesuh cu a ra ih Jordan tiva ah Johan in baptisma a rak pek.
10 Jesuh cu ti sung ihsin a hung suah ve tein van a ong aw ih Thlarau cu thuro bangin a parih a rung fut kha a hmu.
11 Van ihsin aw pakhat a rung thang ih, “Nangmah cu ka duhdawtmi ka Fapa na si. Na parah ka lung a kim ngaingai,” tiah a run ti.Ref 1.11 Sem 22:2; Saam 2:7; Isa 42:1; Mat 3:17; 12:18; Mar 9:7; Luk 3:22;
12 Hmakhat teah Jesuh cu ramòhing ah Thlarau in a fehter ih
13 cutawkah ni sawmli a um ih Satan in a hniksak. Ramsa pawl thawn an um. Asinan vancungmi pawl in an rung tuamhlawm.
Jesuh In Nga Kaitu Pali A Ko
(Mat 4:12-22; Luk 4:14-15; 5:1-11)
14 Johan kha thawngih an thlak hnuah Jesuh cu Galilee ah a feh ih Pathian ih Thuthangòha a sim.
15 “Tikcu a kim zo ih Pathian Uknak a nai zo. Nan sualnak pawl sir uhla Thuthangòha cu zum uh,” tiah a ti.Ref 1.15 Mat 3:2;
16 Jesuh cu Galilee Tili kapih a feh lai ah ngakaitu pahnih Simon le a nau Andru kha sur in nga an kaih rero laifang a hmu.
17 Jesuh in an hnenah, “I thlun uhla milai kaitu ah ka lo tuah ding,” a ti.
18 Hmakhat teah an sur an taan ih amah cu an thlun.
19 Hla deuh a va feh ih Zebedi ih fapa Jeim le Johan te unau hnih a hmu. Anmah cu an lawng sungah an um ih an sur an tholh rero.
20 Jesuh in a hmuh ve tein an pahnih in a ko. Cuticun an pa Zebedi le an hlawhfa pawl cu lawng sungah cun an taan ih Jesuh cu an thlun.
Khawsia Polhmi
(Luk 4:31-37)
21 Jesuh le a dungthluntu pawl cu Kapernaum khua ah an ra ih a thai sun Sabbath ni ah Jesuh cu pumkhawmnak inn Sinakok ah a feh ih thu a zirh.
22 A thuzirh daan a theitu pawl cu an mang a bang ngaingai, ziangahtile Daanthiam pawl vek a si lo, anih cun thunei zet in a zirh a si.Ref 1.22 Mat 7:28-29;
23 Cuih caan ah khawsia in a polhmi mipa pakhat cu Sinakok ahcun a ra ih,
24 “Nazareth mi Jesuh, ziangso kannih in hai? Kanmah siatsuah dingah maw na rat? Zo na si, ti ka lo thei: Pathian ih thlahmi Mi Thianghlim na si,” tiah a au ciamco.
25 Jesuh in khawsia cu, “Dai tein um aw! Kha pa sungin suak aw!” tiah thu a pek.
26 Khawsia in cupa cu nasa zet in a thin ih ring zet in a auter hnuah a suak.
27 Mipi cu an mang a bang ngaingai ih pakhat le pakhat, “Ziangvek thu so a si? Zirhnak thar phunkhat maw a si? Hi pa hi khawsia parah thu a nei ih ‘Suak uh!’ a tile an suak fawn,” tiah an ti aw.
28 Cuticun Jesuh thuhla cu Galilee peng khuazakip ah zamrang zet in a thang.
Jesuh In Mi Tampi A Damter
(Mat 8:14-17; Luk 4:38-41)
29 Jesuh le a dungthlun pawl cu Jeim le Johan tel in, sinakok ihsin an feh ih Simon le Andru inn lam pan in an feh.
30 Simon ih pizon kha khurhnat in a na ih a tho thei lo; Jesuh a thlen ve tein a nat thuhla cu an sim.
31 Mina hnen ahcun a feh ih a kut a kai ih a thawhter. A khurhnat cu a reh lohli ih anmah a tuamhlawm thei.
32 Ni a tlak ih zanlam a si tikah mipi in mina hmuahhmuah le khawsia ih polhmi pawl kha Jesuh hnenah an rat pi.
33 Cuih khua ih mi hmuahhmuah cu cuih inn hmai ahcun an ra tong khawm aw òheh.
34 Jesuh in an natnak phunphun kha a damter ih an sungih khawsia pawl tla a dawisuak òheh. Khawsia pawl cu kam khatte hman a òongter lo; ziangahtile zo a si, ti kha an thei.
Galilee Ah Jesuh Thu A Sim
(Luk 4:42-44)
35 A thaizing, zingthlapit ni suah hlanah, Jesuh cu a tho ih inn ihsin a suak. Hnarpawn ah a suak ih mi um lonak ah thla a cam.
36 Asinan Simon le a rualpi pawl cu amah hawl ah an feh ih,
37 an va hmuh tikah a hnenah, “Mi hmuahhmuah in an lo hawl,” tiah an sim.
38 Asinan Jesuh in, “Hi kiangkap khua pawl khalah kan feh vivo ding, an hnenah thu ka sim ve ding, ziangahtile cucu ka rat hnawhsanmi a si,” tiah a ti.
39 Curuangah Galilee peng pumpuluk tlawng in sinakok ah thu a sim vivo ih khawsia pawl a dawisuak vivo a si.Ref 1.39 Mat 4:23; 9:35;
Jesuh In Mi Pakhat A Damter
(Mat 8:1-4; Luk 5:12-16)
40 Phaarnat in a na mipa pakhat cu Jesuh hnenah a ra ih a khukbil in, “Na duh a si ahcun i thiangter thei ko,”a Phaarnat ih a nami cu mi thiang lo an si, tiah an ruat. tiah bomnak a dil.
41 Jesuh cun a zangfah ngaingai ih a kut in a hei dawh hnuah a tham ih, “Ka lo thiangter duh zet a si, thiang thlang aw,” tiah a ti.
42 Hmakhat teah a phaarnat cu a dam ih a thiang.
43 Cule Jesuh in cupa cu a fehter ih, fektein thu a tiam,
44 “Ngai aw! Hi thu hi zohman na sim lo pei. Puithiam hnenah va feh vurvo awla rak lo zoh seh; cule mi hmuahhmuah in a dam a si, ti an lo theihnak dingah Moses thupekmi vekin thawinak va pe aw,” tiah fektein thu a tiam.Ref 1.44 Pui 14:1-32;
45 Asinan cupa cu a feh ih a damnak thu cu hmunkip ah a than vivo. Cuih thu a rel tam tuk ruangah Jesuh cu khuasung ah mi hmuhhngan in a feh thei nawn lo. Hnarpawn fianhrial sawnah amah lawng a um ih cutawkah hmunkip ihsin mi in an ra pan.