3
Mikah In Israel Hotu Pawl A Mawhthluk
1 Israel uktu pawl tla ngai hnik uh! Dingthluk lairelnak a duhtu ding nan si nain,
2 Òhatnak a huatu le siatnak a duhtu riangri nan si. Ka minung pawl cu nungcung in an vun nan hawk ih an ruh ihsin an tit nan filh.
3 Ka minung pawl ih sa nan ei òheh. An vun nan hawk ih an ruh nan khiah hnuah beel ih suan dingah nan sattan òheh.
4 Bawipa ih hnenah nan au ciamco tikcu a ra thleng leh ding. Asinan a lo sawn lo ding. Thil siava nan tuah ruangah nanmah lam zoh lo in hmundang a lo hoisan hai ding.
5 Tangka petu hnenah daihnak a um ding tiah thu a kam ih tangka pe lotu hnen ahcun ral a tlung ding tiih mi a hrotu profet pawl in ka minung pawl cu an bum òheh a si. Hivek profet pawl hnenah Bawipa in,
6 “Maw profet pawl, nan tikcu a cem zik thlang. Ni in a lo liamsan cing ding. Zan in a lo khuh hai ding. Langnak nan hmu nawn lo dingih hmailam thu phuan theinak zianghman nan nei nawn lo ding,” tiah a ti.
7 Hmailam thu a simtu pawl cu an simmi a kim lo ruangah mualpho in an um ding. Pathian in an thu a let lo ruangah an zate in ningzak in an um ding.
8 Sikhalsehla kei cu Israel mi an sualnak ziang a si, ti sim dingah Bawipa in thlarau le huham thawn i khahter ih dingte ih thuòhen theinak le ralòhatnak i pek.
9 Maw Israel uktu pawl, dingthluk lairelnak a hua ih thil òha kha thil òha lo ih a cantertu nannih pawl i ngai hnik uh!
10 Pathian ih khuapi Jerusalem cu mithahnak le dinglonak parah nan sak rero a si.
11 Khuapi uktu bawi pawl in nawhthuh duh ah thu an òhen; puithiam pawl in sum ngah duh ah Daan cabu an hrilhfiah ih profet pawl in tangka duh ah hmailam thu an phuang; cule an zate in, “Kan hnenah Bawipa a um,” an ti òheh. “Kan parah thil poimawh zianghman a thleng lo ding. Bawipa cu kan hnenah a um a si,” an ti.
12 Hibangtuk nan si ruangah Zion cu lo bangin lei ah leh òheh a si ding. Jerusalem khua cu khawrop ah a cang dingih Biakinn umnak tlang cu tupi ah a cang ding a si.Ref 3.12 Jer 26:18;