6
1 Bawipa in a tanglamih daan pawl hi Moses hnenah a pek.
2 Mi pakhat hnenah a rualpi in sumsaw a ret ih a kiltu in a peksal duh nawn lo ah siseh, a rualpi hnen ihsin thil a ruk ah siseh, a innhnen kha a bum ah siseh,
3 thil hlomi a sar nain ka sar lo a si tiih a pheh ih siatcamnak a tuah ah siseh, Bawipa ih hmaiah misual a si ih thawinak a pek a òul a si.
4-5 Hibangtuk in a sual asile a dik lo ih a ngahmi a si hrangah a kuansal tengteng pei. A mawh a si tiih an theih ni ah a neitu pa hnenah kim tein a rulh thluh ih tlunah a hlei in zatek kul a bet pei.
6 A sualthlah thawinak hrangah puithiam hnenah raitluan tuucang asilole mecang a keng pei. A man cu upa pawl ih khiahmi bangtukin a si pei.
7 Cupa sual ruangah thawinak cu puithiam in a pek pei ih ngaithiam a si ding.Ref 6:7 Mipum 5:5-8;
Mei-ur Thawinak
8 Bawipa in,
9 Aaron le a fapa pawl ih mei-ur thawinak an pek tikah a tanglam daan pawl hi thlun dingah Moses hnenah thu a pek. Mei-ur thawinak cu zanvarte biakòheng parah tanta ding a si ih meisa khal mit lo in alhter ringring ding a si.
10 Cun puithiam in a bawngbi tawite le a kor fualpi a hruk hnuah biakòheng parih mei-ur thawinak vutcam cu a la pei ih biakòheng ih kapah a ret pei.
11 Cuih hnuah a hnipuan a thleng pei ih vutcam cu an riahnak leng hmun thiang ah a va ret pei.
12 Biakòheng parih meisa cu alhter ringring ding a si ih a mit dah hrimhrim lo pei. Zingtin tein puithiam in zanthing a bet pei ih mei-ur thawinak a timtuah hnuah remnak thawinak ih sathau cu a ur pei.
13 Biakòheng parih meisa cu mit dah hrimhrim lo in alhter ringring ding a si.
Thlairawl Thawinak
14 Thlairawl thawinak hrangih daan pawl cu a tanglam bangtukin a si. Aaron hrin a simi puithiam in thlairawl thawinak cu Bawipa ih hnenah biakòheng hmaiah a tuah pei.
15 A zate in Bawipa ih hnenah pekmi a si, ti langternak ah sangphut zatekhat le siti le rimhmui a zate in a la pei ih biakòheng parah a ur pei. Hi thawinak cu Bawipa ih hnenah a rim a thaw mi thawinak a si.
16 A tangmi hmuahhmuah cu puithiam pawl in an ei pei.
17 Thilnu tel lo in an rawh pei. Himi cu mei-ur thawinak sung ihsin puithiam covo si dingah Bawipa ih pekmi a si. Sualthlah thawinak le mawhnak thawinak bangtukih a thiang zetmi a si.
18 San khat hnu san khat Aaron hrin mipa hmuahhmuah in Bawipa ih hnenah thawinak pekmi rawl cu kumkhuain an covo a si ruangah an ei thei pei. Mi pakhatkhat, asilole thil pakhatkhat, in Bawipa ih hnenah pekmi rawl cu a dai asile a thianhlimnak in a daitu cu a siatsuah ding a si.
19 Bawipa in a tanglam daan pawl cu,
20 Aaron hrin puithiam pawl hriakculh an ngah tikih thlun dingah Moses hnenih a pekmi an si. Hriakculh an ngah ni ah Bawipa ih hnenah sangphut reel khat an pek pei; nitin thlairawl thawinak ih pekmi zat in a si ding; zinglam ah a hrek, zanlam ah a hrek an pek pei.
21 Siti thawn an rawi pei ih uhkang sungah an reu hnuah an deng pei ih thlairawl thawinak ih pekmi a si ding. Cumi cu Bawipa ih hrangah rimthaw a si.
22 San khat hnu san khat, Aaron hrin ih Puithiam Sang a òuan tinte hi thawinak cu a tuah ringring pei. Cuih thawinak cu cem ko ih urmi Bawipa ih hnenah thawinak a si pei.
23 Puithiam ih a pekmi thlairawl thawinak cu malte hman ei lo in a zate in ur òheh a si pei.
Sualthlah Thawinak
24 Aaron le a fapa pawl in,
25 a tanglam ih daan pawl cu sualthlah thawinak an pek tikah an thlun dingin Bawipa in Moses hnenah thu a pek. Sualthlah thawinak hrangih sa an thah tikah mei-ur thawinak ih an pekmi sa pawl an thahnak, biakòheng ihsin saklam kapah an that pei. Hi sualthlah thawinak cu a thiang zetmi a si.
26 Hi thawinak a petu puithiam in thawinak ih pekmi sa cu, Bawipa ih umnak Puanthlam kulhsung, hmun thiang sungah a ei pei.
27 Mi pakhatkhat, asilole thil pakhatkhat in hi thawinak sa cu a dai pang asile sa thianghlim a dai ruangah siatsuahnak a tong ding. Cun hi sathi in hnipuan a hnih pang a si ahcun a cuih hnipuan cu hmun thiang sungah sawp ding a si.
28 Hi sa suannak ah tlak ih tuahmi beel an hman ahcun a cuih beel cu khuai thluh ding a si. Asinan thir beel an hman a si ahcun napi in an rawt pei ih tidai in an tlengfai pei.
29 Puithiam ih sungkhat mipa pawl cun hi sa cu an ei thei ve ding. Hi sa cu sa thianghlim a si.
30 Sikhalsehla sualthlahnak dingah tiah sathi hrekkhat cu Puanthlam sungih an thlenpi a si ahcun a cuih thawinak sa cu ei a si hrimhrim lo pei; meisa in ur òheh a si pei.