27
Bawipa Hnenih Pekhlan Daan
1 A hnuailam ih daan pawl cu,
2 Bawipa in Israel mi hrangah Moses hnenih a pekmi an si. Thukam awhnak kimternakah mi pakhat cu Bawipa ih hnenah pek cia mi a si hnuah luatsal a duh a si ahcun a tanglam sumsaw pawl hi a pek pei.
3 Mipa upa, kum kul le kum sawmruk karlak cu ngun tangka sawmnga a pek pei.
4 Nunau cu ngun tangka sawmthum a pek pei.
5 Mino mipa, kum nga le kum kul karlak cu ngun tangka kul a pek pei; nunau cu fanghra a pek pei.
6 Kum nga tang mipa nauhak cu ngun tangka fangnga a pek pei. Nunau cu fangthum a pek pei.
7 Mipa kum sawmruk tlun cu ngun tangka hleinga a pek pei. Nunau cu ngun tangka fanghra a pek pei.
8 Siatcam in thukamnak a tuah nain a farah ih tangka pek ding a nei lo a si ahcun amah cu puithiam hnenah an fehpi pei ih a pek thei ding zat tiang puithiam in a òhum sak pei.
9 Thukamnak a tuahmi cu Bawipa ih co tlak ding òilva pek ding a si ahcun a cuih òilva cu a thianghlimmi a si ih,
10 thukamnak a tuahtu in òilva dang in a thleng lo pei. A thleng a si ahcun òilva an pahnih in Bawipa ih ta an si pei.
11 Sikhalsehla Bawipa ih hnenah kammi òilva cu raitluan lo a thiang lomi òilva a si ahcun a neitu in cuih òilva cu puithiam hnenah a fehpi pei.
12 Cuih òilva cu phun òha le phun òha lo ti zoh in puithiam in a man a khiah pei ih a khiahmi a man cu zohman in an thleng thei nawn lo pei.
13 A petu in a tlensal duh a si ahcun a man zat ih hlei ah zatek kul a pek pei.
14 Mi pakhat in Bawipa ih hnenah a inn a pek a si ahcun inn òha asile si lo zoh in puithiam in a man a khiah pei ih cuih a khiahmi cu zohman in an thleng thei nawn lo pei.
15 Inn a petu in tlensal a duh a si ahcun a man zat ih hlei ah zatek kul a pek pei.
16 Mi pakhat in Bawipa ih hnenah a leiram hrekkhat a pek ahcun thlaici ziangzat tuhnak hmun a si, ti zoh in a man cu khiah a si pei ih barli sangvut han khat ah ngun tangka fanghra ton in òuat a si pei.
17 A leiram cu Jubilee kum cem vete ih a pek a si ahcun a man cu an khiah zat in a si ding.
18 Asinan Jubilee kum cem hnupi ih pekmi a si ahcun hmai Jubilee kum a kim hlanih kum zat kha siar in puithiam in a man kha a òuat pei ih a man a òhum pei.
19 Leiram a petupa in a tlensal duh a si ahcun a man zat ih hlei ah zatek kul a pek pei.
20 Cun Bawipa ih hnenah a hlan zomi kha tlen hmaisa lo in midang hnenih a zuar a si ahcun tlensal theinak a neihmi kha a sung pei.
21 Hmai Jubilee kum a kim tikah cuih leiram cu a kumkhua in Bawipa ih leiramah a cang pei ih puithiam pawl ih ta a si pei.
22 Mi pakhat in a lei copmi leiram Bawipa ih hnenah a pek a si ahcun,
23 hmai Jubilee kum tiang a kum òuat in puithiam in a man a khiah pei ih a khiah zat in cupa in cuih ni ah a pek pei; cuih tangka cu Bawipa ih ta a si.
24 Jubilee kum a si tikah cuih leiram cu a tir ih a neitu pa hnenah, asilole a tesinfa hnenah khirh a si pei.
25 Thil man hmuahhmuah cu biaknak lam ih zapi hman òheumi zoh in relcatmi vekin an si thluh pei.
26 Zohman in òilva fatir cu lungtho teih thawinak ah Bawipa ih hnenah an pek lo pei; ziangahtile cuih fatir cu Bawipa ih ta a si cia zo. Caw fa, tuu faale me fa cu Bawipa ih ta an si.
27 Asinan a thiangfai lomi òilva ih fatir cu an khiah zat a man le zatek kul in an tlensal thei pei. A neitupa in a tlensal lo a si ahcun midang hnenah a man an khiah zat in zuar a si pei.
28 Bawipa ih hnenah pumpek ih hlan cia mi cu milai siseh, òilva siseh, leiram siseh, zohman in a tlensal, a zuarsal thei nawn lo pei. A kumkhua in Bawipa ih ta a si zo.Ref 27:28 Mipum 18:14;
29 Minung hman pumpek ih Bawipa ih hnenah hlan cia mi cu tlensal ding a si nawn lo; thah ding a si.
30 Nan lo ihsin a suakmi rawl le thingrah sungin òhenhra òhenkhat cu Bawipa ih ta a si. Bawipa ih hrangah a thianghlimmi a si.
31 Mi pakhat in cupawl cu tlen a duh a si ahcun an khiahmi zat a man le zatek kul a pek pei.
32 Òilva khal pahra sungah pakhat cu Bawipa ih ta a si. Òilva nan siar tikah a pahratnak cu Bawipa ih ta a si.
33 Cutiih siar a si tikah a pahratnak cu a òawnòai bik si dingah a neitupa in ngaihtuah hlah seh; hril cia mi hrangah ai awhtu khal a nei thei lo pei. Òilva pakhat cu a dangin a airawlter a si ahcun òilva an pahnih in Bawipa ih ta an si pei ih tlensal khal an theih lo ding.Ref 27:30, 33 Mipum 18:21; Daan 14:22-29;
34 Hi daan pawl cu Moses hnenah Bawipa in Israel mi hrangah Sinai Tlang parih a pekmi an si.