23
Biaknak Puai Pawl
1 Israel mi pawl tongkhawm aw in Pathian an biak tlangnak ding puai pawl hrangah a tanglamih daan pawl cu,
2 Bawipa in Moses hnenah a pek.
3 Nanmah ih hna ni ruk sung nan òuan pei; asinain a ni sarihnak sabbath ni cu colh ni a si kha ciing ringring uh. Cuih ni ahcun hna nan òuan lo pei; hmunkhat ah Pathian nan bia tlang sawn pei.Ref 23:3 Suah 20:8-10; 23:12; 31:15; 34:21; 35:2; Daan 5:12-14; Khuitawkih nan um khalle sabbath ni cu Bawipa ih ta a si.
4 A hnuailam ih puai pawl cu anmah an tikcu ciar ah tuah dingmi an si.
Lantak Puai Le Thilnu Tello Sang Puai
(Mipum 28:16-25)
5 Lantak Puai,i 23:5 Lantak Puai: timi cu Hebru òong in Pesach an ti ih a lan tican a si; March thla ni hleili ihsin a thok mi a si. Bawipa cawimawinak ih tuahmi puai cu thla hmaisabik ih ni hleili ni zanlam nitlak ihsin a thok.Ref 23:5 Suah 12:1-13; Daan 16:1,2;
6 Ni hleinga ni in Thilnu tello Sang Puai a thok ih ni sarih sung cu thilnu thawn tuahmi sang nan ei lo pei.
7 Puai sungih a ni khatnak ah Pathian bia dingah nan tongkhawm aw pei ih nan hna zianghman nan òuan lo pei.
8 Nan mei-ur thawinak cu Bawipa ih hnenah ni sarih sung nan pe pei. A ni sarihnak ah Pathian bia dingah nan tongkhawm aw lala pei ih nan hnaòuan zianghman nan òuan lo pei.Ref 23:6-8 Suah 12:14-20; 23:15; 34:18; Daan 16:3-8;
9 Bawipa in Moses hnenah hitiin a sim:
10 Bawipa in a lo pekmi ram nan thlen ih nan lo rawl nan khawm tikah a hmaisabik teel khat cu puithiam hnenah nan pe pei.
11 Bawipa ih comi nan sinak dingah puithiam in Bawipa ih hnenah a hleice in thawinak a pek pei. Cumi cu puithiam in sabbath ni ih thaizing ah a pek pei.
12 Bawipa ih hnenah thawinak nan pek ni ah kum khat a timi raitluan tuucang pakhat khal mei-ur thawinak ah nan pek pei.
13 Cumi thawn hmunkhat ah olif siti thawn rawimi sangphut reel khat cu thlairawl thawinak ah nan pek pei. Himi cu Bawipa ih hrangah rimthaw a si. Cuih tlunah sabitti khuat hnih khal nan pek cih pei.
14 Thlairawl thawinak Pathian hnenih nan pek hlan ahcun rawl thar nan khawmmi pawl cu a hel in siseh, a kan in siseh, sangah tuah tahrat in siseh, nan ei lo pei. Hi daan cu nan tesinfa san tiang a kumkhua in nan thlun ringring pei.
Rawlkhawm Puai
(Mipum 28:26-31)
15 Bawipa ih hnenah fangteel hmaisabik nan pek ni sabbath ni ih thai sun in zarh sarih kim tein siar uhla,
16 ni sawmnganak ni, a vei sarihnak sabbath thai sun ah nan rawl thar pawl cu Bawipa ih hnenah nan pek pei.
17 Innsang pakhat in sang zawlhnih ciar Bawipa ih hnenah nan pek pei. Sang zawlkhat cu sangvut reeltan in thilnu thawn nan tuah pei ih thlairawl thawinak ah Bawipa ih hnenah nan pek pei.
18 Cumi sang thawn kum khat ti raitluan tuucang pasarih, cawcang pakhat le me pahnih cu Israel mi in nan pe pei. Cumi pawl cu thlairawl thawinak le inmi thawinak thawn mei-ur thawinak ah Bawipa ih hnenah nan pe pei. Cuih thawinak cu Bawipa ih hrangah rimthaw a si.
19 Cule sualthlah thawinak ah mecang pakhat le remnak thawinak ah kum khat ti tuu pahnih nan pe pei.
20 Cuih sang thawn tuu pahnih cu puithiam pawl hrangah puithiam in Bawipa ih hnenah a pe pei. Hi thawinak pawl cu a thianghlimmi thawinak an si.
21 Cuih ni ah zohman in hna nan òuan lo pei ih Pathian bia ding lawngah nan khawm pei. Khuitawkih an um hmanah nan tesinfa pawl in hi daan cu a kumkhuain an thlun ringring pei.Ref 23:15-21 Suah 23:16; 34:22; Daan 16:9-12;
22 Nan lo rawl nan khawm tikah lorii tiangin nan la lo pei; a leep hawl dingah nan fehsal lo pei. Cupawl cu mifarah le mikhual sukso pawl hrangah nan taan pei. Keimah cu Bawipa nan Pathian ka si.Ref 23:22 Pui 19:9, 10; Daan 24:19-22;
Kum Thar Puai
(Mipum 29:1-6)
23 Bawipa in, Moses hnenah hitiin a sim:
24 Thla sarihnak a hmaisabik ni ah a hleice in colh ni nan ul pei. Tawtawrawt an phawt tikah Pathian bia dingah nan pumkhawm aw pei.
25 Nan hna zianghman nan òuan lo pei ih Bawipa ih hnenah thlairawl thawinak nan pek pei.
Sualthlah Thawinak Ni
(Mipum 29:7-11)
26 Bawipa in Moses hnenah hitiin a sim:
27 Thla sarihnak ni hra ni ah Israel mi pawl ih sualthlahnak ah kumtin tuah òheumi thawinak nan tuah pei. Cuih ni ahcun zianghman nan ei lo pei; Pathian biaknak ah nan khawm pei ih Bawipa ih hnenah mei-ur thawinak nan tuah pei.
28 Sualthlahnak hrangih thawinak nan pek ni a si ruangah hna nan òuan lo pei.
29 Cuih ni ih rawl a eitu cu Pathian ih miphun ah siar cih a si nawn lo pei.
30 Cuih ni ih hna a òuantu cu Bawipa Amah rori in a thihter ding.
31 Khuitawkih an um hmanah hi daan cu nan tesinfa hmuahhmuah ih thlun dingmi a si.
32 Cuih thla ni kua ni nitlak ihsin ni hra ni nitlak tiang a hleice ih nan ulhmi ni a si pei ih zianghman nan ei lo pei.Ref 23:26-32 Pui 16:29-34;
Deuthlam Puai
(Mipum 29:12-40)
33 Bawipa in Moses hnenah hitiin a sim:
34 Deuthlam Puai cu thla sarih thla ni hleinga ni ihsin a thok ih ni sarih sung peh ding a si.
35 Hmaisabik ni ahcun Pathian bia dingah nan khawm aw pei ih zianghman hna nan òuan lo pei.
36 Nitin tein ni sarih sung thawinak nan pek pei. Ni riatnak ni ah Pathian bia dingah nan khawm awsal pei ih thawinak nan pek pei. Pathian biak ni a si ih zianghman hna nan òuan lo pei.Ref 23:33-36 Daan 16:13-15;
37 Hi puai pawl cu Bawipa bia dingih khawm aw in Bawipa hi hnenah upatnak nan pek caan a si; cuih tlunah nitin tein a òulmi thawinak pawl, mei-ur thawinak, thlairawl thawinak, a dang thawinak pawl le inmi thawinak nan tuah caan a si fawn.
38 Hi puai pawl cu nan ulh ringringmi sabbath ni tlunah bet hrihmi an si. Hi thawinak pawl khal Bawipa ih hnenah nan pek ringringmi pawl le thukam awknak kimternak dingih thawinak pawl le lungthote ih nan pekmi thawinak pawl ih tlunah bet hrihmi an si.
39 Thla sarihnak ni hleinga ni, nan lo rawl nan lak òheh tikah ni sarih sung puai nan tuah pei. Cuih puai ih hmaisabik ni cu a hleice ih colh ni ah nan hmang pei.
40 Cuih ni ahcun nan thingthei rah òha bik le òhulhfau hnah le hnah bawrmi thing hnge pawl tla la uhla Bawipa nan Pathian upatnak puai tuah uh.
41 Ni sarih sung tuah uh. Hi daan cu nan tesinfa pawl in an san sung hmuahhmuah an thlun ringring dingmi a si.
42 Israel mi pawl cu Bawipa in Izipt ram ihsin a hruaisuak tikah deuthlam menmen ah an rak um a si, ti kha nan tesinfa pawl ih an theihnak dingah,
43 Israel mi hmuahhmuah cu deuthlam sungah ni sarih sung nan um pei. Bawipa Amah cu nan Pathian a si.Ref 23:39-43 Suah 23:16; 34:22;
44 Cubangtuk in Bawipa an upatnak dingah biaknak puai pawl tuah tikih an thlun dingmi a tlunih daan pawl cu Israel mi pawl hnenah Moses in a pek a si.