19
Thianhlimnak Le Dingnak Daan
1 Israel mipi hnenih sim dingah,
2 Bawipa in Moses hnenah hitiin a fial, “Keimah ka thianhlim bangtukin thianghlim uh; Bawipa nan Pathian ka si.Ref 19:2 Pui 11:44, 45; 1 Pit 1:16;
3 Zozo khalin mah ih pa le nu cu nan upat ciar pei ih ka thupekmi bangtukin sabbath ni nan ul pei.Ref 19:3 Suah 20:8, 12; Daan 5:12, 16; Keimah cu Bawipa nan Pathian ka si.
4 “Ka hnen ihsin tlan tahrat in milem nan bia lo pei; daar in pathian lem tuah tahrat in nan bia lo pei.Ref 19:4 Suah 20:4; 34:17; Pui 26:1; Daan 5:8; 27:15; Keimah cu Bawipa nan Pathian ka si.
5 “Remthawinak hrangih òilva nan thah tikah ka lo pek zomi daan pawl nan thlun pei ih cuticun nan pekmi thawinak cu ka sang ding.
6 Nan thahmi sa cu nan thah ni ah, asilole a thai sun ah, nan ei pei. A ni thumnak ih a tangmi sa cu meisa in nan ur pei;
7 ziangahtile sathiang lo a si ih mi pakhatkhat in a ei asile nan pekmi thawinak cu ka sang lo ding.
8 Ka hnenih pek cia mi a ei ruangah thil thianghlim zianghman ih siar lo ah a cang ih mimawh a si. Curuangah amah cu ka miphun sungih siar cih nawn lo ding a si.
9 “Nan lo ih rawl nan khawm tikah lorii tiang la hlah uh; nan tantami rawl leep khal va hawlsal hlah uh.
10 Nan hrelhmi sabit rah, asilole leilung ih a tlami sabit rah pawl hawlsal dingah nan sabit hmuan ah va fehsal hlah uh. Cupawl cu mifarah le mikhual sukso pawl hrangah tanta uh. Keimah cu Bawipa nan Pathian ka si.Ref 19:9, 10 Pui 23:22; Daan 24:19-22;
11 “Ruk ru hlah; mi bum hlah; thuphan per hlah.
12 Thlun na tum lomi thukamnak ka hmin in tuah hlah;Ref 19:12 Suah 20:15; Daan 5:19; ka hmin na siatter a si. Keimah cu Bawipa nan Pathian ka si.
13 “Nangmah ih hlawknak hrangah mi va nekrawk hlah; midang thil va ru hlah. Midang ih hlawhman cu zan khat sung hman hreng hlah.Ref 19:13 Daan 24:14, 15;
14 Hnasetmi va camsiat hlah; mitcaw pa bah seh tiah a hmaiah thil pakhatkhat ret hlah.Ref 19:14 Daan 27:18; Keimah hi i òihzah aw, Bawipa na Pathian ka si.
15 “Midang ih thu na òhen tikah òanmi bul nei lo in dik zet le ding zet in rel aw; mifarah va òan cuang hlah; milian khal va òih cuang hlah.Ref 19:15 Suah 23:6-8; Daan 16:19;
16 Thuphan thu va rel sin vivo hlah; mi pakhatkhat ih nunnak le thihnak thu an òhen tikah na thusimmi a òhahnem ding a si ahcun hmaisong lo in sim aw. Keimah cu Bawipa ka si.
17 “Na laicinpi a thup in huatmi nei hlah; amah ruangah misual na si lonak dingin a mawh na ti asile fiang tein sim sawn aw.
18 Zo ih par hmanah phuba la hlah; mi na huatnak kha na thinlung ah taapter ringring hlah; nangmah na duhdawt aw vekin midang duhdaw ve aw.Ref 19:18 Mat 5:43; 19:19; 22:39; Mar 12:31; Luk 10:27; Rom 13:9; Gal 5:14; Jeim 2:8; Keimah cu Bawipa ka si.
19 “Ka thupekmi thlun uh. Innzuat òilva phun dangdang faate nei dingin pawl awter hlah uh. Lo pakhat sungah thlai phunhnih cingtlang hlah uh. Pat phunhnih ih tahmi hnipuan hruk hlah uh.Ref 19:19 Daan 22:9-11;
20 “Mi pakhat in midang pakhat hrangih hammi salnu a sualpi a si ahcun, cuih salnu ih man a pek hrih lo hmanah, cuih salnu le a sualpitu pa cu hremnak an tuar pei; an pahnih in thah ding an si lo. Salnu a si hrih thotho ih a luat hrih lo ruangah hremnak lawng pek ding an si.
21 Cupa cun tuucang pakhat mawh thawinak ah ka umnak Puanthlam ih sangka ah a keng pei ih,
22 cumi thawn a sualthiannak dingah puithiam in thianternak a tuah pei ih Pathian in a ngaidam ding.
23 “Kanaan ram nan thlen ih thingkung nan phun tikah a rah hmaisabik kum ihsin kum thum sung cuih thingrah cu a thiang lomi thingrah ah nan ruat pei ih nan ei lo pei.
24 A kum litnak ah thingrah hmuahhmuah cu keimah nan Bawipa ih parah lungawinak langternak ah ka hnenah nan hlan thluh pei.
25 Cule a kum nganak ah a rah pawl cu nan ei pei. Hibangtuk ih nan tuah asile nan thingkung pawl cu tam sinsin an rah ding. Keimah cu Bawipa nan Pathian ka si.
26 “Thisen a telmi sa cu nan ei lo pei. Pol siseh, dawi siseh, nan tuah lo pei.Ref 19:26 Sem 9:4; Pui 7:26, 27; 17:10-14; Daan 12:16, 23; 15:23; 18:20;
27 Mithi ngai ruangah nan bak sam nan tan thluh lo pei, nan khahmul khal nan met thluh lo pei.
28 Mithi ngai in nan hmai nan òelh lo pei, nan taksa khal nan sun lo pei.Ref 19:27, 28 Pui 21:5; Daan 14:1; Keimah cu Bawipa ka si.
29 “Nan fanu pawl cu khawvang biaknak biakinn ih hlawhhlangg 19:29 Hlawhhlang: timi ahhin Kanaan ram ih a rak ummi pawl in an khawzing biakinn ah hlawhhlang nunau an ret òheu ruangah a si. ah tuah tahrat in an thang siatter hlah uh. Cutiih nan tuah asile an khawzing pawl hnenih tlan nan si dingih hi ram cu nupasual borhhlawhnak in a khat ding.Ref 19:29 Daan 23:17;
30 Sabbath ni ul uh; keimah in biaknak ka hmun thianghlim cu upat uh.Ref 19:30 Pui 26:2; Keimah cu Bawipa ka si.
31 “Mithi thlarau a kothiamtu pol le tinzoh thiam pawl kha va leeng hlah uh. Nan va leen asile mi thiangfai lo nan si ding.Ref 19:31 Daan 18:11; Keimah cu Bawipa nan Pathian ka si.
32 “Kum upa pawl upat uhla hmaizahnak pe uh. Cule keimah hi i òihzah uh. Keimah cu Bawipa ka si.
33 “Na ram sungih a um vemi hrindangmi pawl hrem hlah uh.
34 Israel mi fingfing nan zoh ton awk bangtukin zoh ve hai uh. Nanmah ih zawn nan ruah bangtukin an zawnruat ve uh. Izipt ram ih miphun dang hrin nan rak si lai kha hngilh hlah uh.Ref 19:33, 34 Suah 22:21; Daan 24:17, 18; 27:19; Keimah cu Bawipa nan Pathian ka si.
35 “A tawi a sau tahnak ah siseh, a rit a zaang khainak ah siseh, a tam a mal siarnak ah siseh, thil dik lomi hmang tahrat in mi va bum hlah uh.
36 A tawi a sau tahnak ah a dikmi thil hmang uh; a rih a zang khainak ah a dikmi cuai hmang uhla, a tam a mal siarnak ah a dikmi thil hmang uh.Ref 19:35, 36 Daan 25:13-16; Keimah cu Bawipa nan Pathian ka si ih Izipt ram ihsin a lo suahtu ka si.
37 Ka daan le ka thupekmi hmuahhmuah thlun uh. Keimah cu Bawipa ka si,” tiah a ti.