17
Thisen Thianhlimnak
1-2 Aaron le a fapa pawl le Israel mi pawl hmuahhmuah hnenih a hnuailam daan pawl sim dingah Bawipa in Moses hnenah thu a pek.
3-4 Israel mi pakhatkhat in caw siseh, tuu siseh, me siseh, Bawipa ih hnenah thawinak a pek tikah Bawipa ih umnak Puanthlam sangka siar lo hmundang ih a thah a si ahcun daan buartu a si. Thisen a suahter ruangah amah cu Pathian ih miphun lakah siar cih ding a si nawn lo.
5 Hi thupekmi ih tican cu Israel mi pawl in hmun dangdang ih an thah òheumi òilva cu Bawipa ih hnenah an rak ken thluh a òul tinak a si. Puanthlam sangka ih a rak ummi puithiam hnenah an rak keng pei ih remnak thawinak hrangah an that pei.
6 Puanthlam sangka kiangih a ummi biakòheng kimvel ah puithiam in cuih thisen cu a theh pei; cule a thau cu Bawipa ih hrangah a thaw mi rimhmui si dingah a ur pei.
7 Israel mi pawl in an òilva cu hmun dangdang ah that tahrat in, me khawzing pawl hnenih thawinak an pek ruangah Bawipa ih hmaiah hlawhhlang phun ah an rak cang nain, cubangtuk cu an si nawn lo pei. Hi daan cu Israel mi pawl in san khat hnu san khat an thlun ringring pei.
8-9 Israel mi pakhatkhat, asilole Israel mi lakih a um ramdangmi pakhatkhat in mei-ur thawinak siseh, thawinak dang siseh, Bawipa ih hnenah a pek tikah Puanthlam luhnak sangka ah si lo in hmundang ah a pek a si ahcun amah cu Pathian ih miphun ah relcih a si nawn lo pei.
10 Israel mi pakhatkhat, asilole Israel mi lakih a um ramdangmi pakhatkhat in sathi a ei a si ahcun Bawipa ih mithmai òha a tong lo pei ih a miphun sung ihsin suah a si pei.Ref 17:10 Sem 9:4; Pui 7:26, 27; 19:26; Daan 2:16, 23; 15:23;
11 Ziangvek ramsa a si khalle a nunnak cu a thisen sungah a um a si. Cuhrangah thisen hmuahhmuah cu minung ih sualthlahnak hrangah biakòheng parah nan thlet pei, tiah Bawipa in thu a peknak a si. Nunnak a simi thisen in sual a thianter.Ref 17:11 Heb 9:22;
12 Curuangah Israel mi siseh, an lakih a um ramdangmi siseh, sathi nan ei lo pei, tiah Bawipa in a tinak cu a si.
13 Israel mi pakhatkhat, asilole an lakih a um ramdangmi pakhatkhat in ei thiangmi ramsa siseh, vate siseh, a kaih a si ahcun a thisen cu leilung ah a thlet pei ih leidip in a khuh pei.
14 Zianghrangah tile ramsa ih nunnak cu a thisen sungah a um a si; curuangah sathi nan ei lo pei, sathi a eitu cu a miphun sung ihsin suah siseh, tiah Bawipa in Israel mi pawl a tinak cu a si.
15 Israel mi siseh, ramdangmi siseh, amahte a thi mi ramsa, asilole sahrang ih dehmi sa a ei a si ahcun a hnipuan a sawpfai thluh pei; ti a kholh aw pei ih cuih zanlam tiang cu mi thiangfai lo a si pei.
16 Cutiih a tuah lo asile mawhphurhnak a tuar pei.