16
Remnak Nic Remnak Ni: timi hi Sualthlah Ni ti khal a theih. Pathian in an sual a thlah ni tican a si. Mirang òong ih “atonement” timi a si; Hebru òong in “yom hakkippurim” an ti: “yom” ti cu “ni” tican a si ih, “kippur” ticu “thlah sak,” “khuh sak” tican a si. Tuih san tiangin Judah mi pawl in “Yom Kippur” timi, rawl ul in puai an tuah ringring.Ref 16.0 Thulu. Pui 23:27-28; Mipum 29:11;
1 Bawipa ih hnenah a thianghlim lomi mei-ur thawinak an pek ruangih Aaron fapa pahnih an thih hnuah Bawipa in Moses hnenah hitiin thu a sim.
2 “Na u Aaron kha òha tein sim awla puanzar dungih Hmun Thianghlim Bik ahcun a tikcu caan lawngah luh ding a si, ziangahtile cutawk cu Thukam Kuang sin tlunah mero sungin ka langnak hmun a si. Ka sim vekih a thlun lo asile a thi rori ding.Ref 16:2 Heb 6:19;
3 Sualthlah thawinak hrangah cawcangte le mei-ur thawinak hrangah tuucang a rak ken hnu lawngah Hmun Thianghlim Bik ahcun a lut thei ding a si,” tiah a ti.Ref 16:3 Heb 9:7;
4 Cule Bawipa in a hnuailam ih daan pawl hi a pek. Hmun Thianghlim Bik sungih a luh hlanah Aaron cu a kholh awta pei ih a puithiam thilthuam korfual mankhung, sunghruk pawl, taikhap le lupawng pawl cu a hruk pei.
5 Israel mipi in Aaron hnenah sualthlah thawinak hrangah mecang pahnih le mei-ur thawinak hrangah tuucang pakhat an pe pei.
6 Amah ih sualthlahnak le a innsang pawl ih sualthlahnak ah cawcang pakhat thawinak ah a pe pei.
7 Cuih hnuah Bawipa ih umnak Puanthlam sangka ah mecang pahnih cu a keng pei.
8 Cutawkah cun, “ Bawipa ih hrangah,” timi le “Azazeld 16:8 Azazel: ti cu Hebru òong a si ih a tican cu, a tlanhlo mi me a si tiin an rak zum. Asinan Baibal thiam tam deuh cun, “Nelrawn khawsia hmin” a si tiin atu ahcun an zum. hrangah,” tiih khenmi lungto pahnih in camcawh fung zuhnak a tuah pei.
9 Bawipa ih hrangah hrilmi mecang pakhat cu Aaron in sualthlah thawinak hrangah a pe pei.
10 Cule Azazel khawsia hrangih hrilmi mecang cu a nung in Bawipa ih hnenah hlan a si pei ih, Israel miphun sualthlahnak dingah nelrawn khawsia Azazel hnenah a thlah pei.
11 Aaron in amah ih sualthlahnak le a innsang sualthlahnak ih cawcang thawinak a pek tikah,
12 biakòheng ihsin meilingvam kheng khat le rimhmui thaw òhuam hnih a lak pei ih Hmun Thianghlim Bik ahcun a keng pei.
13 Cutawkih Bawipa ih umnak hmunah cun rimhmui cu a ur pei ih rimhmui khu in Thukam Kuang sin cu a zeel ding; cuticun Thukam Kuang sin cu a hmu lo dingih a thi lo ding a si.
14 Cawcang ih thisen hrekkhat cu a lak pei ih a mehtok in kuangsin ih hmailam kap cu a theh pei; cule a hrekkhat cu Thukam Kuang ih hmailam kapah vei sarih tiang a theh fawn pei.
15 Cuih hnuah Israel mi ih sualthlahnak hrangah me cu a that pei ih a thisen cu Hmun Thianghlim Bik ah a keng pei. Cule cawcang thisen a theh bangtukin cuih thisen cu Thukam Kuangsin ah le hmailam kapah a theh pei.Ref 16:15 Heb 9:12;
16 Cubangtuk in Israel miphun ih thianhlim lonak le sualnak ihsin Hmun Thianghlim Bik cu thianfaiter dingah thawinak a tuah pei. A thiangfai lomi riahnak laifangih a um ruangah Aaron in Puanthlam cu cubangtuk in a thianfaiter pei.
17 Thianfaiter dingah Hmun Thianghlim Bik ah Aaron a luh ih a suahsal hlan lo zohman Puanthlam sungah an um lo pei. Amah ih hrang, a innsang hrangah le Israel mipi hrangih thianfaiternak a tuah thluh hnuah,
18 Hmun Thianghlim Bik ihsin a suak pei ih mei-ur thawinak peknak hmunah biakòheng thianfaiter dingah a feh pei. Cawcang ih thisen hrekkhat le mecangih thisen hrekkhat cu a keng pei ih biakòheng par a kil ih a ummi ki pali pawl cu a kimvel in a hnih thluh pei.
19 A kutzung in cuih thisen hrekkhat thawn biakòheng cu vei sarih tiang a theh pei. Cuticun Israel miphun ih sualnak ihsin biakòheng cu a thianfaiter dingih a thianghlimmi ah a cang ding.
Ai Awhtu Mecang
20 Aaron in Hmun Thianghlim Bik le Bawipa ih umnak Puanthlam sung hmuahhmuah le biakòheng tla thianfaiter dingih thawinak a tuah òheh tikah a nungmi mecang, Azazel hrangih timi, cu Bawipa ih hnenah a hlan pei.
21 Cuih me lu parah a kut pahnih in a suang pei ih cuih lu parah cun Israel miphun ih siatnak, sualnak le Pathian an dodalnak pawl hmuahhmuah cu a phuang thluh pei ih cuticun mecang parah a thlenter thluh pei. Cule an tirh mipa in mecang cu nelrawn ah a dawihlo pei.
22 An sualnak hmuahhmuah cu mecang cun zohman um lonak ramòhing ah a phur thluh ding.
23 Cule Puanthlam sungah Aaron cu a lut pei ih Hmun Thianghlim Bik sung a luh hlanih a hrukmi puithiam thilthuam pawl cu a phuak pei ih cutawkah a ret pei.Ref 16:23 Ezk 44:19;
24 Hmun thianghlim ah ti a kholh aw pei ih amah ih hnipuan a hruk pei. Cuih hnuah a va suak pei ih Israel miphun ih sualnak le amah ih sualnak pawl thlahnak dingah mei-ur thawinak a tuah pei.
25 Sualthlah thawinak òilva ih thau cu biakòheng parah a ur pei.
26 Nelrawn khawsia Azazel hnenih mecang a dawi hlotu an tirhmi pa in Israel miphun umnak hmunih a rakir hlanah ti a kholhawta pei ih a hnipuan pawl a sawpfai thluhta pei.
27 Sualthlahnak dingah an thahmi cawcang le mecang, sualthlah thawinak hrangih an thisen Hmun Thianghlim Bik ih an kenmi cu an riahnak ihsin khualeng ah an suah pei ih an ur pei. An vun siseh, an sa siseh, an sungril tla siseh, ur thluh an si pei.Ref 16:27 Heb 13:11;
28 A urtupa cu riahnak hmunih a kir hlanah a hnipuan a sawpfai thluh pei ih tidai in a kholh aw pei. Cuih hnu lawngah riahbuk ah a kirsal pei.
Remnak Ni Ulhdan
29 A hnuailam ih daan pawl cu a kumkhua ih nan thlun dingmi an si. Thla sarih thla ni hra ni ah Israel mi hmuahhmuah le anmah lakih a ummi ramdangmi pawl cu rawl an ul pei ih hna zianghman an òuan lo pei.
30 Cuih ni ahcun an thianhlimnak dingah le an sualnak hmuahhmuah ihsin an thianfainak dingah thianternak an tuah pei.
31 Cuih ni cu ni thianghlim ngaingai a si pei; rawl an ul pei ih zohman hna an òuan lo pei. Hi daan cu kumkhua in an thlun pei.
32 A pa ih hnaòuan sawngtu dingah felteih sahriak culhmi le Pathian hnenih hlanmi Puithiam Sang in thianfaiternak cu a tuah pei. Puithiam thilthuam a hruk pei ih,
33 Hmun Thianghlim Bik, Bawipa ih umnak Puanthlam sung hmuahhmuah, biakòheng, puithiam pawl le Israel mipi an zate hrangah thianfaiternak cu a tuah pei.
34 Hi daan cu hmailam sanmureng tiang thlun ding a si. Hi thianfaiternak cu Israel mi pawl an sualnak thlah dingah le thianfaiter dingah kum khat ah vei khat tuah a si pei.
Bawipa ih thupek bangtukin Mosesf 16:34 Moses: timi ai ah Aaron ti khal a si thei. Hebru Baibal sungah a tuah ti lawngin a um. in a tuah òheh.Ref 16:29-34 Pui 23:26-32; Mipum 29:7-11;