23
Jesuh Cu Pilat Hmai Ah An Suahpi
(Mat 27:1-2, 11-14; Mar 15:1-5; Joh 18:28-38)
An zate in an pok ih Jesuh cu Pilat hmaiah an hruai. Cutawkah cun sual an puh ih, “Hi pa hin kan misenpi a hruai sual ih kan kai a si; Rom Siangpahrang hnenah ngunkhuai nan pe lo ding, tiah a sim ih, ‘Messiah ka si, Siangpahrang ka si,’ a ti,” tiah an ti.
Pilat in, “Judah siangpahrang na si maw?” tiah a sut.
Jesuh in, “Nangmah in na sim zo!” tiah a ti.
Cule Pilat in puithiam upa le misenpi hnen ahcun, “Himi pa hi a sualnak ka hmu lo,” a ti.
Asinan an òangòha sinsin ih, “A thu zirhnak ruangah Judea peng pumpi ah hnaihnawhnak a khat. Galilee in a thawh ih atu hitawk a thleng zo,” tiah an ti.
Herod Hmai Ah Jesuh An Hruai
Pilat in cumi cu a theih tikah, “Hi pa hi Galilee mi a si maw?” tiah a sut. Pilat in Jesuh cu Herod ih ukmi ram sungmi a si, ti kha a theih tikah Herod hnenah Jesuh cu a kuat. Culaifang ah Herod cu Jerusalem khuasung ah a rak um ngelcel. Herod in Jesuh kha a hmuh tikah a lung a awi ngaingai, ziangahtile a thu kha a thei ringring òheu ih hmuh a duhnak a rei zet zo. Jesuh ih a tuahmi hmuhsaknak kha hmu ve sehla a saduhthah a si. Curuangah Herod in Jesuh kha thu tampi a sut, asinain Jesuh cun kam khat hman a let lo. 10 Puithiam upa pawl le Daanthiam pawl cu hmailam ah an ra suak ih Jesuh cu nasa zet in sual an puh. 11 Herod le a ralkap pawl in Jesuh cu hnihsuahsainak ah an hmang ih an dekcok. Cule puan mawi zet an sinter ih Pilat hnenah an kuatsal. 12 A cuih ni rori ahcun Herod le Pilat cu rualpi òha ah an cang; cuih hlanah cun a hua aw zetmi an si.
Jesuh That Dingin Thu An Relcat
(Mat 27:15-26; Mar 15:6-15; Joh 18:39-19:16)
13 Pilat in puithiam upa pawl, hotu pawl le mipi pawl cu a kokhawm ih, 14 an hnen ahcun, “Hi pa hi ka hnenah nan rak hruai ih misenpi a hruai sual a si, tiah nan ti. Asinan hitawk nan mithmuh ah ka zingzoi nain sual nan puh mi hmuahhmuah ahhin a sualnak zianghman ka hmu lo. 15 Herod khalin a sualnak a hmuh lo ruangah ka hnenih a rak kuatsalnak a si. Thihnak tlak ih a tuahmi thil pakhat hman a um lo. 16 Curuangah ka vuak pei ih ka thlah pei,” tiah a ti. 17 (Lantak Puai tuah tin tein an hrangah Pilat in thawngtla pakhat a thlah òheu.)
18 Pilat ih òong an theih tikah misenpi cu an au ciammam ih, “Amah that aw! Barabbas in thlah sak sawn aw!” tiah an ti. 19 (Barabbas cu khuapi sungah buainak a suahpitu le mithat a si ruangah thawng ih an thlakmi a si.)
20 Pilat in Jesuh cu luatter a duh ruangah misenpi hnenah thu a simsal. 21 Sikhalsehla annih cun, “Thinglamtah ah that aw! Thinglamtah ah that aw!” tiah an au thotho.
22 Pilat cun vei thumnak tiang a simsal ih, “Ziang sualnak so a tuah? Thihnak tlak ih a tuahmi sualnak ka hmu hrimhrim lo. Ka vuak dingih ka thlah ding,” tiah a ti.
23 Sikhalsehla an aw neih patawp in an au ih Jesuh cu thah ding hrimhrim a si, tiih an au sinsin ruangah a netnak ahcun an aunak in a neh. 24 Curuangah an dil vekin Pilat in Jesuh cu thah dingin a relcat. 25 Misenpi in suak seh tiih an duhmipa, thubuai ruang le mi thah ruangih thawng ih an thlak mipa cu Pilat cun a suah; cule misenpi saduhthah vekin Jesuh cu an duhduh ih tuah dingah an kut ah a pek.
Jesuh Thinglamtah Ah An Khen
(Mat 27:32-44; Mar 15:21-32; Joh 19:17-27)
26 Ralkap pawl in Jesuh cu an hruai ih an feh lai ahcun Sairin khua mi Simon, khuate lam ihsin khuapi ih a rami pa an tong. Cupa cu an kai, thinglamtah an putter ih Jesuh dungin an thlunter.
27 Mi tampi in Jesuh an hruaimi cu an thlun ih cu lakah an òaang cuum in a raak kio rerotu nunau òhenkhat an um. 28 Cule Jesuh cun dunglet a hoih ih an hnenah, “Maw Jerusalem nunau pawl, ka hrangah cun òap hlah uh; nanmah ih hrang le nan faate pawl hrangah òap sawn uh. 29 Ziangahtile ‘Naute a nei dah lomi, fa a vun dah lomi le veikhat hman naute pawhte a fawh dah lomi nunau pawl hi an van a va òha so!’ tiih an ti caan a thleng ding. 30 Cuih caan cu mi in tlang sangpi hnenah ‘In run nen aw,’ tiin le mual hnenah ‘In run khuh aw,’ tiih an ti caan a si ding. 31 Ziangahtile thing a hrin lai hmanah hibangtuk thil an tuah a si ahcun thing a ro tik sinsin ahcun ziang a bang pei maw?” tiah a ti.
32 Jesuh thawn hmun khatih thah dingah misual pahnih khal an hruai ve. 33 “Luruh,” an timi hmun an thlen tikah cutawk hmunah cun Jesuh cu thinglamtah parah an thlai ih misual pahnih khal cu a vorhlam ah pakhat, a kehlam ah pakhat an thlai ve. 34 Jesuh in, “Ka pa, an sualnak run ngaithiam aw. Ziang kan tuah ti an thei lo,” tiah a ti.Ref 23.34 Saam 22:18;
Cule amah a thattu pawl cun camcawhfung zuuk in a hnipuan cu an zem aw. 35 Misenpi pawl in an cuan ih an zoh ringring lai ah Judah mi hotu pawl cun nautatnak thawn, “Midang hmuah a run ngah òheu; Pathian ih hrilmi Messiah a si ngaingai ahcun amah le amah khal run aw seh,” tiah an òongsan.Ref 23.35 Saam 22:7;
36 Ralkap pawl khalin an hnihsan ve ih amah va fuuk tahrat in a man olmi sabitti thur an pek ih, 37 “Judah siangpahrang na si ahcun nangmah le nangmah runaw aw he!” tiah an ti.Ref 23.37 Saam 69:21;
38 A lu tlunah, “Hi pa hi Judah Siangpahrang a si,” tiah nganmi ca an taar.
39 Thinglamtah parih an khenmi misualpa pakhat cun nautatnak òong thawn, “Nangmah hi Messiah na si lo maw? Nangmah le nangmah runaw awla kannih tla hi in run ve aw he!” tiah a ti.
40 Asinan misual pakhat pa cun, “Pathian na òih lo maw si? Kan parih thuòhennak an tuahmi hi a bangrep òheh. 41 Sikhalsehla kannih pahnih parih an tuahmi thuòhennak hi cu a dikmi a si, ziangahtile kan thil tuah ruangih kan tuar tlakmi kan tuar a si. Asinan hi pa hi cu sualnak zianghman a tuah lo,” tiin a mawhthluk. 42 Cule Jesuh hnenah, “Maw Jesuh, Siangpahrang ih na rat tikah i hngilh hram hlah aw,” tiah a ti.
43 Jesuh in cupa ih hnen ahcun, “Thu ka lo kam a si: Tuih sun ah keimah thawn Paradis ah na um ding,” tiah a ti.
Jesuh Thihnak
(Mat 27:45-56; Mar 15:33-41; Joh 19:28-30)
44 Sun nazi hleihnih hrawngin cuih ram pumpuluk ah zanlam nazi pathum tiang thimkhawzing a tlung. 45 Cule Biakinn ih zarmi puanzar cu a tlek ih òhenhnih ah a òhen aw.Ref 23.45 Suah 26:31-33; 46 Jesuh cu napi in a au ih, “Ka pa, ka thlarau na kut sungah ka lo pe,” tiah a ti. Cutiih a sim òheh hnuah a thaw a cem.Ref 23.46 Saam 31:5;
47 Cumi cu ralbawipa in a hmuh tikah Pathian kha a thangòhat ih, “Hi pa hi cu sualnak nei lo miòha a si!” tiah a ti.
48 Cuih thil hmuahhmuah zoh dingah a rami mipi pawl in cuih thil a cangmi pawl an hmuh ngah tikah ninghang in an òaang an cuum ih riahsia in inn ah an tlung. 49 Pumpak in Jesuh a theitu hmuahhmuah le Galilee ihsin a rak thluntu nunau pawl tla cun a hlat nawn ah an ding ih an cuan.Ref 23.49 Luk 8:2-3;
Jesuh Phumnak
(Mat 27:57-61; Mar 15:42-47; Joh 19:38-42)
50-51 Judea ram Arimathea timi khua ah Josef an timi mi pakhat a um. Amah cu miòha le upat hmaizah tlakmi a si ih Pathian Uknak a ra cing ding, tiah a hngaktu a si. Amah cu khonsil sungtel pakhat a si ve nain khonsil thurelnak le thiltuahmi cu a lung a kim lo. 52 Cupa cu Pilat hnenah a feh ih Jesuh ih ruak cu a va dil. 53 Cule Jesuh ruak cu thinglamtah par ihsin a òhum ih puan neemte in a tuam hnuah zohman ih hman hrih lo, lung an khermi thlan thar sungah a phum. 54 Cumi cu tlawngkai ni nga ni a si ih Sabbath ni a thok zik thlang.
55 Galilee ihsin Jesuh a rak thluntu nunau pawl cu Josef an thlun ih thlaan ahcun an feh ve. A thlan le a sungih Jesuh ruak an vui daan khal cu an hmu òheh. 56 Cule an inn ah an kir ih Jesuh ruak culh dingah rimhmui le zihmui pawl an ngaihtuah.
Sabbath ni ahcun an Daan ih a fial vekin an cawl.Ref 23.56 Suah 20:10; Daan 5:14;