22
Jesuh Phiar An Tum
(Mat 26:1-5; Mar 14:1-2; Joh 11:45-53)
1 Lantak Puai an timi, thilnu tel lo sang puai cu a thleng zik thlang.Ref 22.1 Suah 12:1-27;
2 Puithiam upa pawl le Daanthiam pawl cu misenpi kha an òih ruangah Jesuh kha a thup teih an thah theinak ding lamzin an hawl rero.
Judas In Jesuh Zuar A Tum
(Mat 26:14-16; Mar 14:10-11)
3 Cule dungthluntu hleihnih sungih a telmi Iskariot an timi Judas sungah Satan a lut.
4 Curuangah Judas cu a va feh duak ih Jesuh an hnenih a zuar thei ding thu puithiam upa pawl le Biakinn kiltu bawi pawl hnenah a va sim.
5 Annih khal cu an lung a awi zet ih tangka pe dingin an lung a kim.
6 Judas khal a lung a kim ve ih misenpi theihter lo tein an kut sungah Jesuh a pek theinak ding tikcu remcang a hngak.
Jesuh Cu Lantak Puai Hman A Tum
(Mat 26:17-25; Mar 14:12-21; Joh 13:21-30)
7 Thilnu tel lo sang Puai tuah ni a thleng ih Lantak Puaim Lantak Puai: timi hi Izipt ram saltannak ihsin an suahnak puai a si ih ni sarih sung, Nisan thla ah an tuah. April ni khat hrawng a si. Thilnu tello sang an ei. hrangih tuu note pawl thahnak tikcu a kim.
8 Jesuh in Piter le Johan a thlah ih, “Va feh uhla Lantak Puai rawl kan ei tlangnak ding va tawlrel uh,” tiah a ti.
9 Annih in, “Khuiahso va tuah dingin in duh sak?” tiah an sut.
10 Anih in, “Khuapi sungih nan va luh tikah tibeel in tidai a khaitu pa nan tong ding. Cupa cu a luhnak inn tiang va thlun uh;
11 cule cuih inn neitu hnen ahcun ‘Keimah le ka dungthlun pawl Lantak zanriah kan einak ding khaan khuiahso a um tiah kan Sayapa in a lo ti,’ tiah va ti uh.
12 Tlunta khaan ah tohkham le cabuai pawl kim teih an retmi khaan tumpi a lo hmuh dingih cutawkah cun ziang hmuahhmuah va tawlrel uh,” tiah a ti.
13 An feh ih Jesuh ih a sim vek cekci in ziang hmuahhmuah cu an hmu ih cutawkah cun Lantak zanriah cu an timtuah.
Bawipa Ih Zanriah An Ei
(Mat 26:26-30; Mar 14:22-26; 1 Kor 11:23-25)
14 A tikcu a kim tikah Jesuh cu cabuai ah a dungthluntu pawl hnenah a to.
15 An hnen ahcun, “Hi Lantak zanriah hi harsatnak ka tuar hlanah nanmah thawn ei tlang dingah ka duh zetmi a si.
16 Ziangahtile fiang tein ka lo sim: Pathian Uknak sungah hi Lantak zanriah ih tican taktak kimter a si hlan lo ka ei nawn lo ding,” tiah a ti.
17 Cule Jesuh in khuathai a lak ih Pathian hnenah lungawi thu a sim hnuah, “Himi hi la uhla hlawm aw uh.
18 Fiang tein ka lo sim: Pathian Uknak a ra thlen lai hlan lo hi sabitti hi ka in nawn lo ding,” tiah a ti.
19 Cun sang hlomkhat a lak ih Pathian hnenih lungawi thu a sim hnuah a phel ih a dungthluntu pawl hnen ahcun a pek. “Himi hi nan hrangih ka pekmi ka taksa a si. Keimah in theih ringringnak dingah run tuah uh,” tiah a ti.
20 Cuvek thotho in zanriah an ei òheh tikah khuathai cu an hnenah a pek ih, “Hi hai cu nan hrangah ka thletmi ka thisen thawn nemhngetmi Pathian thukam thar a si.Ref 22.20 Jer 31:31-34;
21 “Sikhalsehla zoh hnik uh! I zuartupa cu atu ah hi cabuai ahhin keimah thawn kan um tlang.Ref 22.21 Saam 41:9;
22 Pathian lairel cia bangtukin Milai Fapa cu a thi ding, sikhalsehla Milai Fapa a zuartu pa hrangah cun a hmakhua a pit a si!” tiah a ti.
23 Cutikah cubangtuk thil cu zo bikin so a tuah pei, tiah anmah le anmah an sut aw.
Zoso A Tum Bik
24 Dungthluntu pawl lakah zoso a tum bik ih ruah ding a si, tiin thu elawknak a um.Ref 22.24 Mat 18:1; Mar 9:34; Luk 9:46;
25 Jesuh in an hnenah, “Leitlun siangpahrang pawl in misenpi pawl kha lal zet in huham thawn an uk ih cuih uktu bawi pawl cun ‘Misenpi ih Rualpi,’ tiah an ti aw.Ref 22.25-26 Mat 20:25-27; Mar 10:42-44;
26 Sikhalsehla nannih cu cubangtuk nan si lo ding; nanmah lakih upa bik cu nauta bik bangtukin a um dingih hotu bik cu hnenum bangin a um ding.Ref 22.26 Mat 23:11; Mar 9:35;
27 Zoso a tum deuh: To in rawl a eitu maw, rawl petu so? A totu kha a tum sawn a si lo maw? Sikhalsehla kei cu nan lakah a lo riantu vekin ka um a si.Ref 22.27 Joh 13:12-15;
28 “Harnak ka tuar sung hmuahhmuah ah i umpitu cu nanmah nan si.
29 Ka Pa in uk theinak thu i pek vekin kei khalin uk theinak thu ka lo pe ve ding.
30 Ka Uknak sungih ka cabuai ah nan ei nan in dingih Israel phun hleihnih uktu dingah bawi tohkham parah nan to ding,” a ti.Ref 22.30 Mat 19:28;
Piter Ih Phatsan Ding Thu A Sim
(Mat 26:31-35; Mar 14:27-31; Joh 13:36-38)
31 Jesuh in, “Simon, Simon, ngai hnik! Lothlo pa in fang cu a fangngai le a hii a thiatdan òheu vekin Satan in nanmah lakah thiatdang dingah le nan zate in hniksak dingah thu a ngah zo.n Hniksak dingah thu a ngah zo timi hi “hniksak dingah a dil zo” ti khal a si thei.
32 Sikhalsehla Simon, na zumnak a tlaksam lonak dingah na hrangah thla ka cam. Cule ka hnen lam na hoikirsal tikah na unau pawl kha thazang na pe pei,” tiah a ti.
33 Piter in, “ Bawipa, nangmah thawn thawng tla tlang dingah le thi tlang dingah ka tiar a si,” tiah a ti.
34 Jesuh in, “Piter, fiang tein ka lo sim: Tuih zan ah ka thei hrimhrim lo tiah vei thum tiang i phatsan hlan lo ar a khuang lo ding,” tiah a ti.
Tangka Bawm, Zaal Le Ralnam
35 Cule Jesuh in a dungthluntu pawl kha, “Tangka bawm le zaal le kedam keng lo in ka lo thlah lai ahkhan ziangtal tlaksammi nan nei maw?” tiah a sut.Ref 22.35 Mat 10:9-10; Mar 6:8-9; Luk 9:3, 10:4;
Annih in, “Tlaksammi zianghman kan nei lo,” tiah an ti.
36 Jesuh in, “Sikhalsehla tuih òum cu tangka bawm a neimi in tangka bawm keng uh, zaal a neimi in zaal keng uh. Ralnam a nei lomi in a korfual zuar in ralnam pakhat lei seh.
37 Ziangahtile fiang tein ka lo sim: Ca Thianghlim in ‘Amah cu misual lakah a tuar ve a si,’ tiah keimah ih thu an nganmi kha a kim ding; ziangahtile keimah ih thu nganmi hmuahhmuah kha a kim vivo zo a si,” tiah a ti.Ref 22.37 Isa 53:12;
38 Dungthluntu pawl in, “ Bawipa, zoh hnik! Hinah ralnam pahnih a um!” tiah an ti.
Anih in, “Cu vial a tawk!” tiah a ti.
Olif Tlangah Jesuh Thla A Cam
(Mat 26:36-46; Mar 14:32-42)
39 Jesuh cu khuapi lengah a suak ih a feh òheunak Olif tlang ah a hung feh; dungthluntu pawl khal an feh ve.
40 Cuih tlang a thlen tikah an hnenah, “Sualforhnak sungih nan luh lonak dingah thlacam uh,” tiah a ti.
41 Cule lungden ban tluk a hlatnak ah a va feh ih a khuk bil in thla a cam.
42 “Ka Pa, na lungkimmi a si ahcun hi tuarnak hai hi i lak sak hram aw. Sikhalsehla keimah ih duhnak si lo in nangmah ih duhnak vekin si ko seh,” tiah a ti.
43 Van ihsin vancungmi a rung lang ih thazang a rung pek.
44 A thinlung a baang zet ih taimak sinsin in thla a cam; a suakmi a thlan cu thifor bangin leilung ah a tla.
45 A thlacamnak ihsin a tho ih a dungthluntu pawl hnenih a va kir tikah an rak itthat òheh kha a hmu; an thinhar in an baang zet ruangah a si.
46 An hnenah, “Ziangahso nan ihthat? Sualforhnak sungih tla lo dingin tho uhla thlacam uh,” tiah a ti.
Jesuh An Kaihnak
(Mat 26:47-56; Mar 14:43-50; Joh 18:3-11)
47 Jesuh a òong rero lai ah dungthluntu hleihnih lakih pakhat a simi Judas ih a hruaimi miburpi pawl an ra thleng. Jesuh hnam dingah Judas cun a hun fuuk.
48 Asinan Jesuh in, “Judas, Milai Fapa hi hnamnak in maw na zuar?” tiah a rak ti.
49 Jesuh hnenih a ummi dungthlun pawl in ziang a cang ti kha an hmuh tikah Jesuh cu, “ Bawipa, kan ralnam hi kan hmang ding maw?” tiah an sut.
50 Cule anmah lakih pakhat in Puithiam Sang ih salpa a vun sat ih a vorhlam hna a satthlak.
51 Sikhalsehla Jesuh cun, “Tawk seh!” a ti ih an tuahmawh mipa ih hna cu a tham ih a damter.
52 Cule Jesuh in amah kai dingih a ra thlengmi puithiam upa pawl le biakinn kiltu bawi pawl le khua upa pawl hnen ahcun, “Kei hi damiah maw ka si, ralnam le talhtum thawn nan rat?
53 Nitin tein nan hnenah Biakinn sungah ka um nain zohman in, in kai lo! Sikhalsehla atu hi khawthim huham a cah lai caan a si ih nannih nan hnaòuan caan a si,” tiah a ti.Ref 22.53 Luk 19:47, 21:37;
Piter In Jesuh A Phatsan
(Mat 26:57-58, 69-75; Mar 14:53-54, 66-72; Joh 18:12-18, 25-27)
54 Jesuh cu an kai ih Puithiam Sang ih inn ah an fehpi; cule Piter in hla nawn in a thlun.
55 Tual laifangah meipual an sep ih mei a aitu pawl hnen ahcun Piter khal a to ve.
56 Hnenumnu pakhat in Piter meisa kiangih a to kha a hmuh tikah hmaiton in a zohhliah ih, “Hi pa hi Jesuh hnenih a tel vemi a si,” tiah a ti.
57 Asinan Piter in, “Nunaunu, cupa cu zo a si, ti hman ka thei lo,” tiah a ti.
58 Malte a rei hnuah mi pakhat in a hmu ve ih, “Nang tla na tel ve ko,” tiah a ti.
Asinan Piter in, “Mi pa, kei ka tel lo,” a ti.
59 Cule nazi pakhat tluk a rei hnuah midang pakhat in, “Hi pa hi Jesuh hnenah a tel ve, ti cu zum lo ding òha a si lo; ziangahtile amah khal hi Galilee mi a si ve ko,” tiah fiang zet in a ti.
60 Asinan Piter cun, “Maw mipa, ziang nan òong ti hman ka thei lo,” tiah a ti thotho.
Cutiih a òong rero lai ahcun ar a khuang.
61 Bawipa cu a her ih Piter kha a zohhliah; cule Piter cun Bawipa in, “Tuih zan ar a khuan hlanah vei thum tiang ka thei lo tiah i phatsan ding,” a timi kha a vun mangsal.
62 Piter cu a suak ih ninghang zet in a òap.
Jesuh An Dekcok Ih An Thawi
(Mat 22:67-68; Mar 14:65)
63 Jesuh a kiltu pawl in amah cu an dekcok ih an thawi.
64 A hmai puan in an tuam ih, “Zoso a lo thawi? Sim hnik!” tiah an ti.
65 Cule nautatnak òongkam tampi khal an òong.
Khonsil Hmai Ah Jesuh An Thlenpi
(Mat 26:59-66; Mar 14:55-64; Joh 18:19-24)
66 Khua a hung vang ih upa pawl, puithiam upa pawl le Daanthiam pawl an tongkhawm aw ih Jesuh cu khonsil hmaiah an suahpi.
67 Annih in, “Messiah na si maw? In sim hnik!” tiah an sut.
Jesuh in, “Ka lo sim hmanah in zum lo ding.
68 Cule thu ka lo sut khalle in let fawn lo ding.
69 Sikhalsehla atu thokin Milai Fapa cu Cungnungbik Pathian ih vorhlam kapah toter a si ding,” tiah a ti.
70 An zate in, “Cuti asile Pathian Fapa maw na si?” tiah an ti.
Anih in, “Ka si kha nanmah in nan sim!” tiah a let.
71 Cule annih pawl in, “Theihpitu dang kan òul nawn lo. Amah ih awkam rori kan thei zo,” tiah an ti.