21
Nuhmei Nu Ih Thawhlawm
(Mar 12:41-44)
1 Jesuh in a kiangkap kha a zoh ih, milian pawl in Biakinn tangka kuang sungah an thawhlawm an thlak rero kha a hmu;
2 cule nuhmei farah zet pakhat in paisa piahnihte a thlakmi tla kha a hmu.
3 Jesuh in, “Fiang tein ka lo sim: Hi nuhmeinu hin midang hmuahhmuah hnakin tam sawn a pek a si.
4 Ziangahtile midang pawl cun an neihmi sungih a hleifuan kha an pek; sikhalsehla hi nuhmeinu cu farahte asinain a nunnak dingih a neihmi kha a zate in a pek a si,” tiah a ti.
Biakinn Siatnak Ding Thu A Sim
(Mat 24:1-2; Mar 13:1-2)
5 A dungthlun òhenkhat cun Jerusalem Biakinn thu, lungto òha zetzet ih an dawlmi mawi zia le Pathian hnenih laksawng an pekmi thu pawl an rel ciamco. Jesuh in,
6 “Himi hi nan hmu òheh; asinain hi lungto pawl hi pakhat hman an umnak keel ah um nawn lo in hlon thlak òheh an si caan a thleng ding,” tiah a ti.
Harnak Le Hremnak
(Mat 24:3-14; Mar 13:3-13)
7 Annih in Jesuh cu, “Sayapa, cuih caan cu ziangtikah so a si ding? Cun a tikcu a ra thleng zo, ti theihthiamnak ah ziangbangtuk hminsinnak so a um ding?” tiah an sut.
8 Jesuh cun, “Mi in an lo bum thei lonak dingah ralring uh; mi tampi ka hmin in an ra dingih ‘Keimah hi Amah cu ka si,’ tiin le ‘A tikcu a kim zo,’ tiah an sim ding. Sikhalsehla va thlun hlah uh.
9 Ral le doawknak thawmvang nan theih tikah òih hlah uh; cubangtuk pawl cu a ra thleng hmaisa ding, asinain a netnak a thok zo tinak a si lo.
10 “Ramkhat le ramkhat an do aw ding; acozah pakhat in a dang acozah kha a siim ding.
11 Leilungtlun ah òihnungza linghnin mangòam, le pulhnatsia a phunphun khuazakip ah a tlung ding. Thil lamdang zetzet le hmuhsaknak mak zetzet van ihsin an lang ding.
12 “Cubangtuk thil a thlen hlanah nannih tla cu kaihnak le hremnak nan tuar ding; sinakok ih nan thu rel dingin le thawngthlak dingin midang pawl ih kut ah pek nan si ding. Keimah ih ruangah siangpahrang le uktu bawi pawl ih hmaiah suahpi nan si ding.
13 Cucu nan hrangah Thuthangòha simnak caan òha a si ding.
14 Ziangtinso kan humawknak dingah kan òan ding tiah a hlankhan ihsin nan donhar lo dingin nan thinlung rak timtuah cia uh.Ref 21.14-15 Luk 12:11-12;
15 Ziangahtile òongkam thiamnak le fimnak nasa zet in ka lo pe dingih nan ral pawl zohman in nan òongmi kha an el thei lo dingih nan palh a si, a ti theitu khal an um lo ding.
16 Nan nu le nan pa, nan u le nan nau, nan sungkhat le nan rualpi pawl in an lo phiar dingih mi òhenkhat cu thah tla nan tong ding.
17 Keimah ih ruangah mi hmuahhmuah in an lo hua ding.
18 Sikhalsehla nan lu parih samphang pakhat hman a tlong lo ding.
19 Hnget zet in ding ko uh; cuticun nan run aw ngah ding a si,” tiah a ti.
Jerusalem Siatnak Ding Thu A Sim
(Mat 24:15-21; Mar 13:14-19)
20 Jesuh in, “Ralkap pawl in Jerusalem an kulh òheh nan hmuh tikah a siat cing ding ti kha nan thei ding.
21 Cutikah Judea ih a ummi pawl cu tlang parah nan tlan pei; khuapi sungih a ummi pawl cu khuapi nan tanta pei ih khuapi leeng hramlak ih a ummi pawl khal khuapi sungah nan lut lo pei.
22 Ziangahtile himi cu ‘Hremnak Ni,’ a si ding ruangah Ca Thianghlim ih a rak sim cia mi hmuahhmuah kha a kimnak tikcu a si ding.Ref 21.22 Hos 9:7;
23 Cuih caan cu nunau favun pawl le naukai nei nunau pawl hrangah cun an hmakhua a pit a si! Hi leilung parah òihnungza harsatnak a ra thleng dingih Pathian hremnak cu hi minung pawl parah a tlung ding.
24 Mi òhenkhat cu ralnam in an thi dingih mi òhen cu leitlun ramkip ah sal ah hruai an si ding. Jerusalem cu Pathian theilotu Zentail pawl in an tikcu a cem hlan lo an ke hnuai ah an pal ding,” tiah a ti.
Milai Fapa A Ratnak Ding Thu
(Mat 24:29-31; Mar 13:24-27)
25 Jesuh in, “Ni le thlapi le arsi pawl parah khin thil lamdang zetzet a um ding. Leitlun pumpi ah vansannak a um ding, ziangahtile tifinriat a awnmi le tilet a thomi kha an òih dingih an thinlung a hnok òheh ding.Ref 21.25 Isa 13:10; Ezk 32:7; Joe 2:31; Thup 6:12-13;
26 Leitlun pumpi parah a ra thleng dingmi thil an ruah tikah mi tampi cu an thinpit in an tlu ding, ziangahtile van ih cahnak huham pawl cu a pingpeng ah an feh òheh ding.
27 Cutikah Milai Fapa cu mero lakin sunlawinak le a nasa zetmi huham thawn a lang ding.Ref 21.27 Dan 7:13; Thup 1:7;
28 Hibangtuk thil a ra thlen vivo tikah ding uhla tlunlam zoh uh, ziangahtile nan luatnak a nai zo a si,” tiah a ti.
Thei Kung Ihsin Zirnak
(Mat 24:32-35; Mar 13: 28-31)
29 Cule Jesuh in hi tahòhimnak hi a sim: “Theipi kung siseh, thingkung dang thu khal siseh, ruathnik uh.
30 Hnah note a cerh tikah khuaòhal caan a nai zo ti nan thei.
31 Cubangtuk in hi thil pawl a kim vivo tikah Pathian Uknak cu a thleng zik thlang a si, ti thei uh.
32 Atu ih a nungmi pawl an thih òheh hlanah hi thil hmuahhmuah cu a thleng kim òheh ding ti kha ciing òha uh.
33 Van le lei cu a hloral leh ding nain ka thu cu a hloral dah lo ding,” tiah a ti.
Ralrin A Òul
34 Jesuh in, “Ralring in um uh! Puai tuah ih zu in le sa ei in siseh, nun khawsaknak helhkam in siseh, va um hlah uh; nan um asile rin lopi ah cuih Ni cu a ra thleng dingih,
35 thang bangin a lo awk ding. Ziangahtile cuih Ni cu leilungtlun mi hmuahhmuah parah a ra thleng ding.
36 Ralring zet in um uhla, a ra thleng dingmi thil hmuahhmuah hi him teih nan pahsuak theinak dingah thazang nei dingin le Milai Fapa hmaiih nan din theinak dingah cat lo in thlacam uh,” tiah a ti.
37 Cuih caan hrawngah Jesuh cu Biakinn ah thu a zirh ih zanlam a si tikah a suak ih Olif tlang ah a va riak òheu.Ref 21.37 Luk 19:47;
38 Mi hmuahhmuah in a thu zirhmi ngai duh ah zingpit tein Biakinn ah an feh òheu.