2
Jesuh Suahnak
(Mat 1:18-25)
1 Cuih caan ah Siangpahrang Augustasc 2:1 Augustas timi hi a hmin ngai cu Gaius Octavius a si ih Emperor tiin Rom rampumpi a uk; AD 31 - AD 14 tiang a uk. Cule BC 27 ah Augustas timi hmin an pek; “Upat tlak” tican a si. a um ih a ukmi Rom ramsung hmuahhmuah ah mipum siar ih hmin lak thluh dingin thu a pek.
2 Hi mipum siarnak hmaisabik caan ahhin Kuirinias cu Siria ram uktu a si.
3 Curuangah zozo khal mipum siar ih hmin khum dingah anmah ih suahnak khua ciar ah an feh.
4 Josef cu Galilee ram Nazareth khua ihsin Siangpahrang David suahnak Judea ram Bethlehem khua ah a feh. Josef cu David tesinfa a si ruangah cutawk khua ih a fehnak cu a si.
5 Mipum siar hmin khum ding ahcun òhit dingih a ham cia mi Mari thawn an feh. Mari cu nau a pai ih,
6 Bethlehem khua an um lai ah nau hrin tikcu a kim.
7 A fatir ah fapa a hring ih puan in an tuam hnuah caw rawl einak kuang sungah an hlum; ziangahtile riahbuk ah riahnak khaan an co lo.
Tuukhal Pawl Le Vancungmi Pawl
8 Cutawk ram sungah cun tuukhal òhenkhat pawl cu zan ah an tuu pawl kil in an um.
9 Bawipa ih vancungmi pakhat cu an hnenah a lang ih Bawipa ih sunlawinak cu an parah a rung tleu. An òih ngaingai;
10 asinain vancungmi cun, “Òih hlah uh! Nan hrangah thuthangòha ka run keng; cuih thuthangòha cu mi hmuahhmuah hrangah lungawinak ngaingai a si.
11 Tuih zan rori ah David khuasung ah nanmah Runtu Bawi Khrih a suak zo.
12 Cumi hminsinnak ah hitiin a si ding: Naute cu puan in an tuam dingih caw rawl einak kuang sungah an hlum nan hmu ding,” tiah a ti.
13 Hmakhat teah cuih vancungmi thawn hmunkhat ah vancung ihsin vancungmi burpi an rung lang ih Pathian thangòhatnak hla an sak.
14 “A sang bik van ahkhin
Pathian cu thangòhat si ko seh;
A duhdawtmi minung pawl umnak
leilung ahhin remnak
leeng ko seh,” tiah an ti.
15 Vancungmi cu van ih an kirsal tikah tuukhal pawl in, “Bethlehem khua ah va feh in Bawipa ih in simmi cu va zoh hnik uh si,” tiah pakhat le pakhat an ti aw.
16 Cuticun manhlap zet in an feh ih Mari le Josef le caw rawl einak kuang sungih a itmi naute cu an va hmu.
17 Tuukhal pawl in naute an hmuh tikah vancungmi in cuih naute thuhla an simmi cu an hnenah an sim.
18 Tuukhal pawl ih simmi thu a theitu hmuahhmuah cu an mang a bang ngaingai.
19 Mari in hi thu hmuahhmuah cu òha zet in a ciing ringring ih thuk zet in a ruat.
20 Cule tuukhal pawl cu an kir ih an hmuhmi le an theihmi pawl ruangah Pathian thangòhatnak hla sak phahin an tlung. Vancungmi ih a rak sim cia vekin a kim òheh a si.
Jesuh Hmin An Sak
21 Zarh khat hnuah naute cu a serhtan caan a kim tikah Jesuh tiah a hmin an sak. Cuih hmin cu a nu ih a vun hlan ihsin vancungmi in a rak sim cia mi hmin a si.Ref 2.21 Pui 12:3; Luk 1:31;
Biakinn Ah Jesuh An Fehpi.
22 Moses daan sungih a um bangtukin thianter awknak hrangih tuah òulmi pawl kha Josef le Mari in an tuah ding tikcu a thleng. Curuangah naute cu Bawipa hnenih hlan dingin Jerusalem ah an fehpi.
23 Bawipa ih daan cabu sungah, “Fatir mipa pohpoh cu Bawipa ih hnenah nan hlan pei,” tiah ngan cia mi a um.Ref 2.23 Suah 13:2, 12;
24 Cuih tlunah Bawipa ih pekmi daan sungih a um vekin thuro khuah khat asilole laileng note pahnih thawn thawinak pe dingah an fehpi.Ref 2.22-24 Pui 12:6-8;
25 Cule Simeon an ti mipa pakhat cu Jerusalem khua ah a rak um. Amah cu miòha le Pathian a òihzahtu a si ih Israel mi hnemnak an ngahnak ding kha a hngak ringringtu a si. Thlarau Thianghlim a hnenah a um ih,
26 “ Bawipa ih tiammi Messiah na hmuh ngah hlanah cun na thi lo ding,” tiah fiang tein a phuan.
27 Thlarau hruainak in Simeon cu Biakinn sungah a feh tikah daan vekin a hrangih tuah dingah Jesuh cu a nu le a pa in Biakinn sungah an ratpi.
28 Simeon in naute cu a òaang ah a cawi ih Pathian a thangòhat,
29 “ Bawipa, tuih sun ahhin
na thukammi cu na kimter ih,
Na salpa cu dai tein a nunnak ni
na liamter thei thlang a si.
30 Na rundamnak cu
ka mit rori in ka hmu zo;
31 Mi hmuahhmuah mit hmuh ih
na timtuahmi rundamnak cu!
32 Cuih rundamnak cu Zentail mi hnenah
na lamzin langtertu tleunak a si ih,
Na minung Israel mi pawl hnenah
sunlawinak thlengtertu a si,” tiah a ti.Ref 2.32 Isa 42:6, 49:6, 52:10;
33 Simeon ih òongmi cu naute nu le pa in an theih tikah an mang a bang ngaingai.
34 Cutikah Simeon cun thluasuah a pe hai ih a nu Mari hnenah, “Hi naute cu Israel mi lakah mi tampi tluknak dingah le mi tampi tungdingtu dingah Pathian ih hrilmi a si. Amah hi mitampi in an engtaimi le Pathian hnenin a rami hmuhsaknak mak a si dingih,
35 cutiih an relsiat ruangah anmah thinlung sungih thuthup pawl an neihmi langtertu ah a cang ding. Cule nangmah khal a hriammi ralnam ih sun vekin riahsiat ninghannak in na thinlung a lo sun ding a si,” tiah a ti.
36 Anna an timi nunau profet pakhat a um ih amah cu nuhmei a si ih Asher hrin Fanuel ih fanu a si. Kum sarih sung lawng pasal a nei ih,
37 amah cu kum sawmriat le kum li a si. Nitin Biakinn ah a um ih a sun a zan in Pathian a biak ih rawl ul in thla a cam ringringtu a si.
38 Culaifang ah a ra thleng ve ih Pathian a thangòhat ngaingai. Cule Pathian in Jerusalem a luatter ding a si tiih a hngaktu pawl hmuahhmuah hnenah naute thu cu a sim ciamco.
Nazareth Ah Jesuh An Kirpi
39 Josef le Mari in Bawipa ih daan ih a fialmi vekin tuah òulmi pawl an tuah òheh hnuah Galilee ram Nazareth khua an inn ah an tlung.Ref 2.39 Mat 2:23;
40 Naute cu a òhang vivo ih a cak ngaingai. Amah cu fimnak in a khat ih Pathian thluasuahnak a parah a um.
Nauhak Jesuh Cu Biakinn Sungah A Um
41 Jesuh ih nu le pa cu kumtinte Lantak Puai ah Jerusalem ah an feh òheu.Ref 2.41 Suah 12:1-27; Daan 16:1-8;
42 Jesuh kum hleihnih a kim tikah an daan vekin puai ahcun an feh.
43 An puai a cem tikah inn ah an tlung, asinain nauhakpa Jesuh cu Jerusalem ah a tangta. A nu le a pa in cumi cu an thei lo;
44 mizapi lakah a tlung ve hmang tiah an ruat. Sun nihlawh an feh hnuah an sungkhat le rualpi pawl lakah an hawl vivo.
45 Asinan an hmu thotho lo; curuangah amah hawl in Jerusalem ah an kirsal.
46 A ni thumnak ah Biakinn sungah an hmu. Judah mi zirhtu saya pawl an tokhawm ih an thu ngai phahin thu khal a sut phah rero.
47 Thu a theihdan le fim zet ih a thu lehdan an hmuh tikah a theitu pawl cu an mang a bang zet.
48 A nu le a pa in cutawkih Jesuh an hmuh tikah an lau an khawruah a har ngaingai ih a nu in, “Ka fapa, ziangahso hibangtuk hin in tuah? Na pa thawn awloksong in kan lo hawl rero!” tiah a ti.
49 Jesuh in, “Ziangahso in hawl duh rero? Ka Pa ih inn ah um ding ka si, ti nan thei lo maw?” tiah a ti.
50 Asinan cutiih a thu lehnak cu a tican an thei lo.
51 Cuih hnuah Jesuh cu a nu le a pa thawn Nazareth ah an kir ih an thu ngai in a um. A nu in hi thuhla hmuahhmuah cu a thinlung ah fel tein a ciing ringring.
52 Jesuh cu taksa in siseh, fimnak in siseh, a òhang vivo ih Pathian hmai le minung hmaiah mithmai òha a ngah.Ref 2.52 1 Sam 2:26; Thuf 3:4;