16
Thil Kilkhawitu Mi Hrokhrawl
Jesuh in a dungthluntu pawl hnenah, “Veikhat ah milian zet pakhat a um ih a thilri kilkhawitu dingah siahhlawh pakhat a nei. Cuih a siahhlawh pa cun na tangka a thehvorh a si, tiah a bawipa cu an sim. Cuhrangah a hnenah a ko ih ‘Na thu ka theihmi hi ziangtinso a si? Ka thilri na kilnak cazin kim tein i pe aw; ziangahtile ka thilri kilkhawitu na si thei nawn lo ding,’ tiah a ti. Cutikah a siahhlawh pa cun ‘Ka bawipa in ka hnaòuan ihsin i dawi tum a si hi! Ziangso ka tuah pei? Leilung lai ding le ka ti thei lo; mi thil dil ih um ding le ka ning a zak fawn. Asinan thil pakhat tuah ding ka thei! Ka hnaòuan a cem tikah an inn ih i umter siangtu rualpi òha ka neih a òul ding,’ tiah a thinlung in a ruat.
Cuhrangah a bawipa hnenih leiba a neitu hmuahhmuah a ko khawm. Pakhatnak pa cu ‘Ziangzatso ka bawipa na baak?’ tiah a sut. Anih in ‘Olif hriak pung zakhat,’ tiah a let. Thilri kilkhawitu pa cun ‘Hihi na cazin a si ding: To awla pung sawmnga, tiah ngan aw,’ tiah a ti. Cule a dang pakhat pa cu, ‘Nangteh ziangzatso na baak?’ tiah a sut. Anih in, ‘sangvut dip thawngkhat,’ tiah a let. Thilri kilkhawitu pa cun, ‘Hihi na cazin a si ding: Dip zariat, tiah ngan aw,’ tiah a ti.
Hi mihrokhrawl thilri kilkhawitu pa hi cubangtuk in fimvar zet ih thil ti a thiam ruangah a bawipa in a porh zet, ziangahtile hi leilungtlun mi pawl hi anmah ih thu tawlrelnak ahcun tleunak sungih a ummi pawl hnakin an fimvar sawn a si,” tiah a ti.
Cule Jesuh in, “Cuti a si ruangah hitiin ka lo sim: Leilungtlun ih sumsaw hmangin rualpi tuah uh, ziangahtile leilung thilri a cem tikah kumkhua a hmunmi inn ah luhter nan si ding. 10 Thil fate ih rin tlak a simi cu thil tumpi khalah rin tlak a si ding; thil fate thu ah zum tlak lo a simi cu thil tumpi thu khalah zum tlak lo a si ding. 11 Leilung thilri nan tawlrelnak hmanah rin tlak lo nan si ahcun ziangtinso lennak taktak cu nan hnenah pek nan si thei ding? 12 Cule midang thilri par hmanah rinsan tlak nan si lo ahcun nanmah ih co dingmi ngaingai cu zo in so a lo pek duh ding?
13 Mi pakhat cu bawi pahnih ih sal a si thei lo. Pakhat a hua dingih pakhat kha a duh ding; pakhat hnenah rinsan tlak in a nung dingih pakhattu cu a nautat ding. Pathian le sumsaw cu nan rian tlang thei lo,” tiah a ti.Ref 16.13 Mat 6:24;
Jesuh Ih Òongmi Pawl
(Mat 11:12-13; 5:31-32; Mar 10:11-12)
14 Cuih thu pawl cu Farasi mi pawl in an theih tikah tangka duh tuk pawl an si ruangah Jesuh kha an hnihsan. 15 Jesuh in an hnenah, “Misenpi hmai ahcun miding bik ah nan lang awter; asinain Pathian cun nan thinlung a thei òheh. Ziangahtile minung in man nei zet ih nan ruahmi cu Pathian mithmuh ahcun zianghman a si lo.
16 “Moses ih Daan le profet ih canganmi pawl cu baptisma petu Johan san tiang hrang lawngah a si. Cuih hnu cun Pathian Uknak Thuthangòha cu phuan a si ih zozo khal hramhram ih luh an tum.Ref 16.16 Mat 11:12-13; 17 Sikhalsehla Daan sungih cafang fate bik hloh hnakin van le leilung hloh òheh a ol sawn.Ref 16.17 Mat 5:18;
18 “Zokhal a nupi a mak ih nunau dang a òhitu cu òaangòawm sualnak a tuah; cule maakmi nu a òhitu cu òaangòawm sualnak a tuah ve a si,” tiah a ti.Ref 16.18 Mat 5:32; 1 Kor 7:10-11;
Milian Pa Le Lazaras Thu
19 “Veikhat ah milian zet pakhat a um ih hnipuan mankhung bik in a thuam aw ih nitin rawl thawthaw ei in nuam zet in a nung. 20 Lazaras an timi mifarah zet pakhat a um ve ih a pumpuluk in hma a khat òheh. 21 Milian pa ih cabuai ihsin a tlami rawl òilfuan sar dingah milian pa ih sangka ah an hruai òheu. Uico an ra ih a hma cu an ra liak òheu. 22 Mifarah pa cu a thi ih vancung ih rawl ei-nak puai ah Abraham kiangih to dingah vancungmi pawl in an fehpi. Milian pa cu a thi ve ih an phum; 23 cule Hell sungah a tla ih har zet in a tuar. Cuphah in tlunlam a hun zoh ih lamhlat zet ah Abraham le a kiangih Lazaras kha a hun hmu. 24 Cule a au ih, ‘Ka pa Abraham, i zangfah hram aw. Lazaras kha fial awla a kutzung kha tidai ah hnim sehla ka lei daiter dingah ti i run forh seh; ziangahtile hi meisa sungah ka tuar a har tuk a si!’ tiah a ti.
25 Sikhalsehla Abraham in, ‘Ka fapa, vun ruat hnik! Na nun sungah khan thil òha hmuahhmuah na ngah òheh zo ih Lazaras cun thil òha lo lawnglawng a co. Asinan atu ahcun anih cu hitawk ahhin nunnuam in a um ih nang cu harnak na tuar a si! 26 Cuih tlunah kan karlak ah Kawhrum tluan thukpi a um ih curuangah hitawk ihsin na hnenah rat a duhmi zohman an ra thei lo ih na umnak ihsin kan umnak khalah hin rat duhtu an um khalle an ra thei lo a si,’ a ti. 27 Cutikah milian pa cun ‘Cuti a si ahcun, maw ka pa Abraham, ka pa ih inn ah Lazaras kha hei thlah hram aw. 28 Cutawkah unau panga ka nei. Lazaras kha va feh sehla annih tal cu hitawk tuarnak hmunah hin an ra thlen lonak dingah ralrinnak va pe seh, tiah zangfah ka dil a si,’ a ti.
29 Abraham cun, ‘Na unau pawl ralrinnak petu dingah Moses le profet pawl an um a si. An simmi kha rak ngai hai seh,’ a ti. 30 Milian pa cun, ‘Ka pa Abraham, cuti lawng cun a tawk lo. Mi pakhat thihnak ihsin a tho ih an hnen a thlen ahcun an nunsualnak cu an òhin ding,’ tiah a ti. 31 Sikhalsehla Abraham cun, ‘Moses le profet pawl ih thu an ngai duh lo a si ahcun mi pakhat thihnak ihsin tho hmansehla an lung duh cuang lo ding,’ a ti,” tiah Jesuh in a sim.