15
A Hlomi Tuu
(Mat 18:12-14)
1 Veikhat ah siahkhongtu pawl le misual tiih hnonmi pawl tampi cu Jesuh thusimmi ngai dingah a hnenah an ra.Ref 15.1-2 Luk 5:29-30;
2 Cutikah Farasi mi pawl le Daanthiam pawl cu an phunzai ih, “Hi pa hin hnonmi misual tla a rak kom ih an hnenah rawl tla a ei a si!” tiah an ti.
3 Curuangah Jesuh in a tanglam tahòhimnak hi a sim.
4 “Thuòhimnak ah nanmah lakah mi pakhat in tuu zakhat nei in tuu pakhat hlo bang sehla ziangsi a tuah ding? Tuu sawmkua le pakua kha hramlak ah a tanta dingih a hlomi a ngahsal hlan lo a hawl ciamco ding.
5 A hmuh tikah a lung a awi tuk ih liangpulut tahrat in,
6 inn ah a tlunpi. Cule a rualpi le a innhnen pawl ko khawm in ‘A hlomi ka tuu ka hmusal ih ka lung a awi ngaingai. Curuangah lungawi in lawm uh si,’ tiah a ti.
7 Cubangtuk in sual sirnak a òul lomi miòha sawmkua le pakua hnakin a sual a sirmi misual pakhat hrangah vancung ah lungawinak a tam sawn ding a si,” tiah a ti.
A Hlomi Tangka
8 “Cu asilole, nunau pakhat in tangka fanghra nei sehla fangkhat a thlau ahcun ziangso a tuah ding? Mei-inn vang tahrat in a inn kha a phiat ih a hmuhsal hlan lo a kel le a kawm tiangin a hawl òheh.
9 A hmuhsal tikah a rualpi pawl le innhnen pawl a ko khawm ih ‘Ka thlaumi tangka ka ngahsal zo; curuangah lungawi in lawm uh si,’ tiah a ti ding.
10 Cubangtuk in sual sirnak a neimi misual pakhat hrangah Pathian ih vancungmi pawl an lung a awi zet a si,” tiah a ti.
A Hlomi Fapa
11 Jesuh in hitiin a sim. “Veikhat ah mi pakhat a um ih fapa pahnih a nei.
12 A nauta sawn cun a pa hnenah, ‘Ka pa, ka co dingmi rothil atu ah i pe aw,’ tiah a dil. Curuangah an pa cun a ro thil hmuahhmuah cu a òhen ih a fapa pahnih cu a zem.
13 Ni rei lo teah fapa nauta sawn cun a comi thilri cu a zuar òheh ih a ngahmi tangka thawn inn ihsin a suak. Ram hlapi ah a feh ih tenrennak zianghman um lo in a tangka cu a duhduh in a thehvorh òheh.
14 A neihmi hmuahhmuah cu a hmang ral òheh. Cule cuih ram sungah paampi a tlung ih neihmi zianghman a nei nawn lo.
15 Curuangah cuih ram ih mi pakhat hnenah a hna òuan sak dingah a feh ih cupa cun vok kilkhawi dingin a lo ah a fehter.
16 Vok ih an eimi bia-hawng kha puar zet in ei sehla a duh zet nain zohman in ei ding zianghman an pe fawn lo.
17 A netabik ah a thinlung a hung fim ih, ‘Ka pa ih hlawhfa pawl cun ei cawk lo in rawl ei ding an nei; asinain kei cu hinah ei ding zianghman nei lo in ka thi cuahco thlang!
18 Ka tho pei ih ka pa hnenah ka feh ding. Ka pa, Pathian parah le na parah ka sual zo.
19 Na fapa si dingah ka tlak nawn lo; na hnaòuantu na sal pakhat ah i tuah hram aw, tiah ka va ti pei,’ tiah a ruat.
20 Curuangah a pa ih hnenah kirsal dingin a pok.
“Lam hlatpi ih a rat rero lai kha inn ihsin a pa in a hei hmu. A zangfah ngaingai ih va tlan tahrat in a fapa cu a kuah ih a hnam.
21 A fapa cun, ‘Ka pa, Pathian parah le na parah ka sual zo. Na fa tiih kawh ding ka tlak nawn lo,’ tiah a ti.
22 Sikhalsehla a pa cun a hnenum pawl a ko ih, ‘Zamrang in ra uh! Hnipuan òha bik rak keng uhla hrukter uh. A kut ah zunghruk hrukter uhla a ke ah kedam dam uh.
23 Cule caw faate a thau bik kha va that uhla lungawinak puai tuah uh si!
24 Ziangahtile hi ka fapa cu a thi zo nain a nungsal; a hlo zo nain hmuhsal a si,’ tiah a ti. Cuticun lungawi puai cu an tuah.
25 “Culaifang ah fapa upa sawn cu lo ah a rak feh. Lo ihsin a ra tlung ih inn kiang a ra thlen tikah hlasak thawm le laam thawm a thei.
26 Cuhrangah hnenum pakhat a ko ih ‘Ziangso an tuah ciamco?’ tiah a sut.
27 Cuih hnenum cun, ‘Na naupa a ra kirsal zo, himdam teih a ra kirsal ruangah na pa in a thaumi caw faate a thah,’ tiah a ti.
28 “A fapa upa sawn cu a thin a heng tuk ih innsung hmanah a lut duh lo. Curuangah a pa a ra suak ih innsung ih rung lut dingin a leem.
29 Asinan a fapa cun, ‘Vun ruat hnik! Kum hizat liangluang sal bangin na hna ka òuan ih na thu veikhat hman ka lo el dah lo. Ziangso kei i pek? Ka rualpi pawl thawn nomnak puai tuahnak ah me pakhat hman i pe dah lo!
30 Sikhalsehla hi na fapa cu hlawhhlang pawl thawn nomnak ah na thilri hmuahhmuah a thehvorh òheh ih na hnenih a ra kirsal tikah a thaumi caw faate na thah sak!’ tiah a pa cu a ti.
31 A pa cun, ‘Ka fapa, nang cu ka hnenah na um ringring ih ka neihmi thil hmuahhmuah hi nangmah ih ta an si.
32 Asinan na naupa cu a thi ih atu ah a nungsal; a hlo zo nain atu cu ka hmusal; cuhrangah lungawi aipuang in puai tuah tlak hrimhrim a si,’ a ti,” tiah Jesuh in a sim.