12
Titer Aw Pawl Hi Ralring Uh
(Mat 10:26-27)
Miburpi a thawngthawng in an tong aw ih an pal awk cupco lai ah Jesuh cun a dungthlun pawl hnenah a hmaisa ah hitiin a sim: “Farasi pawl ih thilnu hi ralring uh; an titerawknak thilnu hi!Ref 12.1 Mat 16:6; Mar 8:15; Ziangkhal siseh, khuhmi pohpoh cu on thluh an si dingih thuthup hmuahhmuah cu phuan òheh an si ding.Ref 12.2 Mar 4:22; Luk 8:17; Cuticun khawthim lakih nan simmi thuthup pohpoh kha sun khawvang lakah theihter thluh an si dingih inn kharhkhum in thup teih nan simmi cu inn tlun luanglu ihsin aupi a si ding,” tiah a ti.
Zoso Òih Ding A Um
(Mat 10:28-31)
Jesuh in, “Ka rualle uh, ka lo sim hai: Taksapum lawng a that thei ih cuhnakih besia dang a tuah thei lotu cu va òih hlah uh. Zoso òih ding sawn, ti ka lo sim hai ding: A thah lawng si lo in hell sungih thlak theinak khal thu a neitu Pathian lawng òih uh. Fiang tein ka lo sim: Amah hi nan òih dingmi cu a si!
Sunòam panga kha piahnih ah an zuar a si lo maw? Asinan pakhat hman Pathian in a hngilh lo a si. Nan lu parih samphang hman a siar òheh. Curuangah nan thinphang hlah uh; sunòam tam zet hnakin nan sunglawi sawn a si.
Jesuh Khrih Phuannak Le Hnonnak
(Mat 10:32-33; 12:32; 10:19-20)
“Hitiin ka lo sim: Zokhal sisehla keimah ih ta a sinak kha mi hmaiah a phuang ngamtu cu Milai Fapa in Pathian ih vancungmi pawl hmaiah cubangtuk in a phuang ve ding. Sikhalsehla mi hmaiah i hnongtu cu Milai Fapa in Pathian ih vancungmi pawl hmaiah a hnong ve ding.
10 “Zokhal siseh, Milai Fapa a simsiatu cu ngaihthiam an si pei; sikhalsehla Thlarau Thianghlim a simsiatu cu ngaihthiam a si lo pei.Ref 12.10 Mat 12:32; Mar 3:29;
11 “Sinakok ah siseh, ram uktu asilole hotu bawi hmaiah siseh, khiing dingih an lo hruai tikah ziangtinso ka òan dingih ziangso ka òong ding tiah va helhkam hlah uh.Ref 12.11-12 Mat 10:19-20; Mar 13:11; Luk 21:14-15; 12 Ziangahtile a cuih caan ah nan òong dingmi cu Thlarau Thianghlim in a lo sim ding a si,” tiah a ti.
Milian Mi-aa Pa Tahòhimnak
13 Misenpi lakih mi pakhat in, “Sayapa, ka pa ih in roh tami rothil in zem ve dingah ka u in sim sak aw,” tiah Jesuh kha a ti.
14 Cutikah Jesuh in, “Ka rual, nan karlak ih thuòhentu si dingah le nan rothil zemsaktu dingah zo in so thu i pek?” tiah a let.
15 Cule mi zapi hnen ahcun, “Duhhamnak a phunphun kha ralring uhla fimkhur zet in um uh; ziangahtile mi pakhat ih nunnak taktak cu, ziangtluk milian a si hmanah, a thilri neihmi ahhin a um lo,” tiah a ti.
16 Cuih hnuah Jesuh in hi tahòhimnak hi a sim: “Veikhat ah milian pakhat a um ih a ramsung ihsin rawl tampi a suak. 17 Cutikah a thinlung tein ‘Ka lo sungsuak rawl retnak ka nei nawn lo. Ziang ka tuah ah so a òhat ding? 18 Hitiin ka tuah pei: Ka rawl inn pawl ka bal pei ih tum deuh in ka sak pei. Cunah ka rawl le ka thilri hmuahhmuah ka ret pei. 19 Cule keimah le keimah cu: Mi vannei pa! Kum tampi sung na òul dingmi thilri na nei zo. Na duhduh in nung huahho aw; ei aw, in awla nuam zet in nung aw, ka ti aw ding,’ tiah a ruat. 20 Sikhalsehla Pathian in a hnenah, ‘Mi-aa pa! Tuih zan rori ah na nunnak hi a cem ding; cule na hrangih na khawlcia mi na thil hmuahhmuah hi zo in so a co ding?’ a ti,” tiah a sim.
21 Cun Jesuh in, “Anmah ih hrangah thilri an khawl ih an lian zet nain Pathian mithmuh ah a lian lomi cu himi pa bangtuk an si,” tiah a netnak ah a sim.
Pathian Rinsan Uh
(Mat 6:25-34)
22 Cuih hnuah Jesuh in dungthluntu pawl hnenah, “Cu a si ruangah nan ei dingmi rawl hrangah siseh, nan sinfen ding hnipuan hrangah siseh, donhar in um hlah uh, tiah ka lo sim. 23 Ziangahtile nunnak cu rawl hnakin a thupi sawn ih taksapum cu hnipuan hnakin a thupi sawn a si. 24 Tlangak khi zoh hnik uh; annih in thlaici an tuh lo ih rawl khal an khawm fawn lo. Rawl inn le cuam khal an nei lo. Asinan Pathian in a cawm hai. Nannih tla cu vate hnakin a let tampi in nan sunglawi sawn a si. 25 Nanmah lakah zotal in ei-in le sinfen thu a helhkamnak in a nunnak malte a sauter theitu nan um maw? 26 Cutluk thil fate hman nan tuah thei lo a si ahcun ziangahso thil dangdang thu cu nan helhkam duh rero? 27 Hramlak pangpar tla khi ziangvekin an òhang ti zoh hnik uh: Hna an òuan lo, sinfen an zaal fawn lo. Sikhalsehla thungai in ka lo sim: Siangpahrang Solomon ih lennak le sunlawinak hmuahhmuah hman in hi pangpar pakhat ih mawinak hi a tluk lo.Ref 12.27 2 Siang 10:4-7; 2 San 9:3-6; 28 Tuih sun ah a um nain thai sun ahcun a um nawn lomi, meisa sungih paihmi hramlak hrampi hman khi a thuamtu cu Pathian a si. Nannih tla cu a lo thuam sinsin lo ding maw si? Nan zumnak a mal tuk lawmmam!
29 “Ei ding le in ding thu lawng ruat le helhkam ringring in um hlah uh. 30 Ziangahtile leilungtlun ih khawvelmi pawl in cubangtuk thil cu an ruah ringringmi a si. Nan Pa in hibangtuk thil nan òul ti cu a thei. 31 Curuangah nan Pa ih Uknak kha helhkam in hawl sawn uhla thil dang pawl cu a lo pe leh ding,” tiah a ti.
Vancung Ih Lennak
(Mat 6:19-21)
32 “Tuurun tete tla, nan thinphang hlah uh; ziangahtile nan hnenah Uknak pek cu nan Pa ih lungawi zawng a si. 33 Nan neihmi thilri pawl zuar òheh uhla nan ngahmi tangka cu mifarah pawl òhen uh. A siat thei lomi tangka bawm nan hrangah ngaihtuah uhla vancung ah nan sumsaw pawl khawl uh. Cutawkah cun fifir in an dai thei lo dingih a tlap thei fawn lo ruangah ziangtik khalah a hloral dah lo ding. 34 Ziangahtile nan sumsaw umnak ah nan thinlung khal a um ve ding,” tiah a ti.
Ralrinnak A Nei Mi Hnenum
35 “Ziangbangtuk thil a ra thlen khalle ralring cia in um uhla nan mei-inn vang in timlam cia in um uh.Ref 12.35 Mat 25:1-13; 36 Mopuai ihsin a rakir dingmi an bawipa a hngaktu hnenum pawl bangin ralring zet in um uh. An bawipa cu a rat ih sangka a king tikah hmakhat teah sangka cu an ong ding.Ref 12.36 Mar 13:34-36; 37 An bawipa a rakir tikah itthat lo teih ralrinnak a neimi hnenum pawl cu ziangtluk lungawiza so an si. Thungai in ka lo sim: A tim a tuah hnuah a toter dingih amah rori in a tuamhlawm hai ding. 38 Zanòim ih a ra kirah siseh, cuhnak tlai ih a kir khalah siseh, ralrinnak nei ih a ra hmuhmi pawl cu an hrangah ziangtluk lungawiza so a si! 39 Cule hihi ciing uh: Inn neitu pa in fifir ratnak ding tikcu kha a theih cia ahcun a inn kha a bauhter hrimhrim lo ding.Ref 12.39-40 Mat 24:43-44; 40 Cuvekin nannih khal ralring tein um uh, ziangahtile a ra ding tiih nan zum lo lai ah Milai Fapa cu a ra thleng ding a si,” a ti.
Rin Tlak Le Rin Tlak Lo Hnenum
(Mat 24:45-51)
41 Piter in, “ Bawipa, hi tahòhimnak hi kanmah ih hrangah na timi a si maw, asilole misenpi hrangah so?” tiah a sut.
42  Bawipa in, “Zoso rinsan tlak le a fimmi hnenum cu a si? Rinsan tlak le a fimmi hnenum cu a bawipa in a innpi kilkhawitu dingah le a dang hnenum pawl kha a tikcu caan teih an covo rawl pe dingah a ret dingmi hnenum kha a si. 43 A bawipa inn ih a rakir tikah hna a rak òuan rerotu hnenum cu ziangtluk lungawiza so a si! 44 Thungai in ka lo sim: Cuih hnenum cu a bawipa in a thilri hmuahhmuah kilkhawitu ah a ret ding. 45 Sikhalsehla cuih hnenum in, ‘Ka bawipa cu a rei hrih ding,’ a ti ih hnenum dang nunau siseh, mipa siseh, a thawi vivo ih a ei a in ih a rit a bah ahcun, 46 cuih hnenum in a ra ding ti a zum lo caan le a theih lo ni ah a bawipa cu a ra thleng ding. A bawipa in a satcip seksek dingihj a satcip seksek dingih timi hi ‘a hlon dingih,’ ti tla a si thei. thulung lo le rin tlak lo pawl lakah a re ding.
47 A bawipa in tuahter a duhmi hnaòuan a thei nain timlam a tuah lotu hnenum cu nasa zet ih vuak a tong ding. 48 Asinan a bawipa in tuahter a duhmi a thei lo nain thil pakhatkhat a tuahtu hnenum cu vuak tlak a si khalle dimte deuh ih vuak a tong ding. Tampi a ngahtu hnen ihsin tampi dilsal a si ding. Tam ngaingai pek a simi hnen ihsin tam ngaingai dilsal a si ve ko ding,” a ti.
Jesuh Cu Òhenòhektu A Si
(Mat 10:34-36)
49 Jesuh in, “Leilungtlun ahhin meisa kangter dingah ka ra thleng; atu ahhin alh thlang sehla ka va duh so! 50 Baptisma lak ding ka nei ih cumi tuah òheh a si hlan cu ka thinlung a baang zet.Ref 12.50 Mar 10:38; 51 Leilungtlun ahhin remnak a run keng tiah maw si in ruat? A si lo, remnak si lo in òhenòheknak sawn ka run keng a si. 52 Atu thok ihsin innsungsang pakhat ih mi panga a ummi pawl cu an òhen aw ding; pathum in a dang pahnih kha an engtai dingih pahnih in pathum kha an engtai ve ding. 53 Pale in an fapa pawl an engtai dingih fapa pawl in an pale pawl an engtai ve ding. Nule in an fanu pawl an engtai dingih an fanu pawl in an nule pawl an engtai ve ding. Nile pawl in an vahle pawl an engtai dingih an vahle pawl in an nile pawl khal an engtai ve ding,” a ti.Ref 12.53 Mik. 7:6;
Caan Theihthiamnak
(Mat 16:2-3)
54 Jesuh in misenpi hnenah, “Nitlaknak lam ihsin khawdur a suah tikah hmakhat teah ‘Ruah a sur ding,’ nan tiih a sur ngaingai. 55 Cule thlanglam ihsin thli a hran nan theih tikah ‘Thaw a sa ding,’ nan tiih a sa ngaingai. 56 Nannih titer awk thiam pawl! Van le leilung nan zoh ih ni khua òhat ding le siat ding nan sim thei! Cuti asile ziangahso tuih san ih thu um zia nan theih thiam lo?” tiah a ti.
Nan Ral Thawn Rem Aw Uh
(Mat 5:25-26)
57 “Ziangahso thil dik tuah dingah nan thinlung nan òhen cat thei lo? 58 Mi pakhat in a lo khiing ih zung a lo thlenpi tum a si ahcun zung a lo thlenpi ngah hlanah amah thawn remnak tuah dingah va zuam aw. Cuti na tuah lo ahcun thuòhentu hmai tiang a lo dir dingih thuòhentu in palik kut ah a lo pe dingih cuticun thawng ah thlak na si ding. 59 Fiang tein ka lo sim: Na kuan dingmi a netabik piakhat tiang na kuan òheh hlan lo cutawk ihsin na suak hrimhrim lo ding,” tiah a ti.