9
Israel Siangpahrang Jehu
Culai ah profet Elisha in profet pawl lakih mino pakhat a ko ih, “Na timtuah awla Gilead ram Ramoth ah va feh aw. Hi olif hriak thawl hi pai awla, cutawk na thlen tikah Nimshi ih tupa Jehu, Jehoshafat ih fapa va hawl aw. A rualpi pawl um lonak khaan pakhat ah ko awla, hi olif siti hi a lu ah toih in, “Israel siangpahrang dingah Bawipa in hriak a lo culh a si,” ti aw. Cule zamrang tein ra tlan aw,” tiah a ti.
Cuticun tlangval no profet pakhat cu Ramoth ahcun a feh ih, bawi pawl an tonkhawm awk laifang a va tong. Cutikah profet in, “Bawipa ka lo tongta duh a si,” a ti. Jehu cun, “Zo sawn so in biak?” a ti.
Cutikah profet cun, “Bawipa nangmah,” a ti. Cule an pahnih cun inn sungah an lut ih profet in olif hriak cu Jehu lu ah a toih ih, “ Bawipa, Israel ih Pathian in “Ka miphun Israel mi siangpahrang ah hriak ka lo culh a si.Ref 9:6 2 Siang 19:16; Ka profet pawl le ka hnaòuantu pawl Jezebel in a thah ruangah amah ka hrem theinak dingah Ahab fapa, siangpahrang na bawipa cu na that pei. Ahab innsang le a tesinfa pawl cu an thih a òul a si; a no siseh, a tar siseh, a innsang ih mipa hmuahhmuah ka cimit thluh hai ding. Nebat fapa siangpahrang Jeroboam innsang le Ahijah fapa siangpahrang Baasha innsang parih thil ka tuah vekin Ahab innsang par khalah ka tuah ve ding. 10 Jezebel cu zohman in an phum lo ding; a ruak cu Jezreel ram ah uico in an ei ding,” a ti,” tiah a sim. Cumi a sim òheh ve tein profet mino pa cu a suak ih a tlan.Ref 9:10 2 Siang 21:23;
11 Jehu cu a rualpi bawi pawl hnen ahcun a vakir. Annih in, “Ziang thuhla so a um? Kha mi-aa pa cun ziangahso a lo ton duh?” tiah an sut.
Jehu cun, “Ziangvek minung a si, ti le ziang a duh ti cu nan thei ko a si lo maw?” a ti.
12 Annih in, “A si lo, kan thei lo ngaingai sokhaw. A lo timi cu in sim hnik aw,” tiah an ti.
Cutikah Jehu cun, “ Bawipa in ‘Israel siangpahrang ah hriak ka lo culh,’ a lo ti, i ti,” tiah a sim.
13 Cuve tein a rualpi bawi pawl cun an korfual pawl an hlit ih Jehu dinnak dingah kailawn tlunta bik ah an phah ih tawtawrawt an tum hnuah, “Jehu cu siangpahrang a si,” tiah an aw neih patawp suah in an au ciamco.
Siangpahrang Joram An That
14-15 Cun Jehu in siangpahrang Joram cu a phiar. Siangpahrang Joram cu Siria siangpahrang Hazael a do ih Ramoth ah hriamhma a pu ih a hma dam tum in Jezreel ah a fehnak ihsin khui hmanah a suak hrih lo. Jehu in a rualpi bawi pawl hnen ahcun, “Ka lam òangtu nan si ahcun Jezreel khuami pawl va sim dingah zohman Ramoth khuapi ihsin nan suak lo pei,” tiah a ti. 16 Cule a rangleng parah a to ih Jezreel lam ahcun a suak. Joram cu a dam ngah hrih lo ih Judah siangpahrang Ahaziah in a rak veh laifang a si.
17 Jezreel khua kotka kiltu in Jehu le a milai pawl an rat kha a hmu ih, “Rangpar in mi an ra ka hmu,” tiah a au.
Joram cun, “Kanmah ih rualpi an si, ti le kan ral pawl an si, ti zingzoitu ah rang ralkap pakhat in hei thlah aw,” tiah thu a pek.
18 An thlah mipa cun Jehu cu a tong ih a hnenah, “Rualpi òha in na ra maw, tiah siangpahrang in theih a duh,” a ti.
Cutikah Jehu in, “Cumi cu nang ih hnaòuan a si lo, ka dungin i thlun sawn aw!” a ti.
Kotka kiltu cun, “Kan thlah mipa cun a va tong nain a ra kirsal nawn lo,” a ti. 19 Midang an thlahsal ih a hmaisa vek thotho in Jehu cu a va sut ve. Jehu cun, “Cumi cu nang ih hnaòuan a si lo; ka dungin i thlun sawn aw!” a ti.
20 Cule kotka kiltupa cun, “Kan thlah mipa in a va tong nain a rakir nawn ve lo. An hotupa in a rangleng cu thli bangin a zamter a si, Jehu a va bang so!” tiah a ti lala.
21 Cuve tein Joram cun, “Ka rangleng rak kengzang uh!” tiah thu a pek. An rak keng ih Joram le siangpahrang Ahaziah cu anmah ih rangleng veve in Jehu tong dingah an suak. An feh ih Naboth hmuan ah Jehu cu an tong. 22 Cutikah Joram in, “Thu òha in na ra maw?” tiah Jehu cu a sut.
Jehu cun, “Na nu Jezebel ih thokmi milem biaknak le polsia leennak in kan ram a khah sungah cun ziang thuòha so a um thei ding?” tiah a sawn.
23 Cuve tein Joram cu dunglam ah a her ih tlan phahin, “In phiar a si hi, Ahaziah!” tiah a au. 24 Cutikah Jehu cun a li le thal a suah ih a tha neih patawp in a nawp ih Joram cu a zaang ah a hei sai ih a thal in a lung a hei ngah. Joram cu a rangleng sungah cun a sawn ih a thi. 25 Jehu in amah bawmtu Bidkar hnenah, “A ruak khi la awla Naboth hmuan ah vun hlon aw. Joram ih pa Ahab dung ka thlun lai ah nangmah thawn rangpar in hi hrawngah kan feh tlang ih Bawipa in Ahab dodalnak a òong ih, 26 “Mizan ah Naboth le a fapa pawl an that ih an thisen ka hmu a si. Hi hmun thotho ahhin an phu ka la ding, tiah ka lo kam a si,” a ti kha na ciing lai a si lo maw! Curuangah Bawipa ih sim cia mi vekin Joram ih ruak cu la awla Naboth hmuan ah vun hlon aw,” tiah thu a pek.Ref 9:26 2 Siang 21:19;
Judah Siangpahrang Ahaziah An That
27 Cumi cu siangpahrang Ahaziah in a hmuh tikah a rangleng in Beth Haggan khua lamah a tlan; a dungin Jehu in a dawi. “Anih khal that uh!” tiah Jehu in a ralkap pawl cu thu a pe; Ahaziah cu Ibleam khua kiang, Gur lamzin ih a rangleng thawn a tlan lai ah an hriam. Asinan Megiddo khuapi cu a thleng thei ih cutawk khua ahcun a thi. 28 A ruak cu a kuthnuai ih bawi pawl in rangleng in Jerusalem ah an phur ih David khuapi Jerusalem, siangpahrang thlan ah an phum.
29 Ahaziah cu Ahab ih fapa Joram ih Israel siangpahrang a can kum hleikhatnak ah Judah siangpahrang a cang.
Siangpahrang Bawinu Jezebel An That
30 Cun Jehu cu Jezreel khua a thleng. Jezebel in thuhla cu a thei thluh ih a mittlang a dumter, a sam a tuah ih siangpahrang inn ih sangkate in a hnuai ih lamzin hrawng a cuan. 31 Jehu cu khuapi kotka in a vung lut ih Jezebel cun, “Maw Zimri!c Zimri cu Israel ralkap sungah ralbawi pakhat a si ih siangpahrang thattu a si. maw mithat pa, hinah ziangso na tuah?” tiah a vun auh.Ref 9.31 2 Siang 16:8-12;
32 Cutikah Jehu cun a hun zoh ih, “Ka lamah zoso a òang?” tiah a au. Siangpahrang inn ih bawi pahnih thum in sangkate in an vun zoh; 33 cule Jehu in, “Kha nu kha run hlon uh!” tiah a hun ti. Jezebel cu an vun hlon ih a thisen in phar pawl le an rang pawl cu a òeh òheh. A ruak par cun Jehu in a rangleng cu a hei mawng ih, 34 siangpahrang inn ah lut in rawl a ei. Cuih hnu lawngah, “Kha nunau sualral kha hei sar uhla hei phum uh, siangpahrang fanu a rak si awk hek!” tiah a ti. 35 A ruak sar dingah mi hrekkhat an feh ih an zoh tikah a luruh, a keruh le a baanruh lawng an hmu. 36 Cumi cu Jehu an va sim tikah anih in, “Hitiin a cang ding, tiah Bawipa in a rak sim cia mi a si ko; a salpa profet Elijah hnenin “Jezebel ih sa cu Jezreel ram sungah uico in an ei ding.Ref 9:36 2 Siang 21:23; 37 A ruak cu eek bangin an òhekdarh dingih zohman in Jezebel a si, ti an theithiam lo ding,” a rak ti a si,” tiah a ti.