8
Shunem Nunau Nu A Rakir
1 Shunem khua ih um, a fapa a nuntersal mi nunau hnenah, “Tho awla Bawipa in a zonzon in kum sarih sung paam a tlunter ding ruangah, nangmah le na innsang pawl thawn hmundang ah feh in nan um le a òha ding” tiah Elisha in a ti.Ref 8:1 2 Siang 4:8-37;
2 A thusimmi cu ngai in a innsang pawl thawn Filistin ram ah an feh ih cutawkah kum sarih sung an um.
3 Kum sarih hnuah cuih nunaunu cu Israel ram ah a ra kirsal ih a inn le a lo pawl ngah theisal dingah siangpahrang dil dingin a feh.
4 Culai ah siangpahrang cu Elisha hnenumpa Gehazi thawn thu an rak ruah aw rero. Elisha ih mangbangza tuahmi pawl cu siangpahrang in theih a duh zet.
5 Elisha in nauhakpa a nuntersalnak thu cu Gehazi in siangpahrang a sim rero lai ah Shunem nunaunu cun siangpahrang hnenih a ngenmi thu cu a hun sim. Cutikah Gehazi in, “Maw siangpahrang bawipa, ka lo simmi nunaunu le Elisha ih a nuntersalmi a fapa te cu hinah an ra,” tiah a ti.
6 Siangpahrang in thu a suh vivo tikah Gehazi ih simmi cu thudik a si kha a thei vivo. Cule siangpahrang in a kuthnuai ih bawi pakhat a ko ih cuih nunaunu hnenah a hlanih a ta a rak simi hmuahhmuah le a um lo kum sarih sung a lo sung suak rawl man hmuahhmuah tla pe thluh dingin thu a pek.
Elisha Le Siria Siangpahrang
7 Veikhat ah Elisha cu Damaskas khua ah a feh. Culai ah Siria siangpahrang Benhadad cu a rak na ngelcel. Elisha cu Damaskas khua sungah a um, ti kha siangpahrang in a theih tikah,
8 a kuthnuai bawi pakhat Hazael a ko ih, “Profet cu laksawng va pe awla ka nung ding maw, nung lo ding Bawipa i sut sak hram seh,” tiah a ti.
9 Curuangah Hazael cun Damaskas in a suakmi thilri a òha bik pawl a phunkim in a la ih kalauk sawmli a phurhter ih Elisha hnen ahcun a feh. Hazael in Elisha a ton tikah, “Na siahhlawh Siria siangpahrang Benhadad in a natnak in a dam ding maw, dam lo ding ti lo sut dingah i thlah a si,” tiah a ti.
10 Cutikah Elisha in, “Nan siangpahrang bawipa cu a thi ding, tiah Bawipa in ka hnenah a phuang zo a si; asinain va feh awla na nung ding, tiah va sim aw,” a ti.
11 Cule Elisha cun a mithmai sia in Hazael a met ringring ih Hazael cu a um a nuam lo ih a hmai tiangin a sen òheh. Cun Elisha cu rinlopi in a òap.
12 Cutikah Hazael in, “Bawipa, ziangahso na òah?” tiah a sut.
Elisha in, “Israel mi parih thil siava na tuah dingmi hi ka hmuh ruangah ka òap a si. An ralhruang na ur òheh ding, an tlangval pawl ralnam in na cimit thluh ding, an faate pawl leilung ah na vua that thluh dingih nau keng nunau pawl na zaithlek thluh hai ding a si,” tiah a sawn.
13 Cutikah Hazael cun, “Ziangtinso cutiih tuah theinak huham ka neih ding? Kei cu uico tluk fang ka sisi; zianghman ka si ual lo,” a ti.
Elisha cun, “ Bawipa in i hmuh zo ih Siria ram siangpahrang na si ding,” a ti.Ref 8:13 2 Siang 19:15;
14 Hazael cu a kir ih Benhadad cun, “Elisha in ziang a lo ti so?” tiah a rak sut.
Cutikah Hazael in, “A nung ding, a lo ti,” tiah a sim.
15 Asinan a thai sun ah Hazael in puan sahzet pakhat a la ih tidai sungah a ciah hnuah siangpahrang ih hmai a tuam ih siangpahrang cu a that.
Cuticun Hazael cu Siria siangpahrang ah a cang.
Judah Siangpahrang Jehoram
(2 San 21:1-20)
16 Ahab fapa Joram cu Israel siangpahrang a sinak kum, kum nganak ah Jehoshafat ih fapa Jehoram cu,
17 Judah siangpahrang òuan a thok. Siangpahrang a si tikah kum sawmthum le kum hnih a si ih Jerusalem khua in kum riat sung a uk.
18 A nupi cu Ahab ih fanu a si ih Ahab innsung sang vekin Jehoram khal cun Israel siangpahrang pawl ih tuahmi thil òha lo a thlun ve. Bawipa ih parah sualnak a tuah;
19 asinain Judah ram cu Bawipa in a siatsuah siang lo, ziangahtile a salpa David hnenah a tefa pawl in ram an uk ringring ding, tiih thu a rak kam zo ruangah a si.Ref 8:19 2 Siang 11:36;
20 Jehoram siangpahrang a si lai ah Judah do dingin Edom mi pawl ral an tho ih anmahte ukawknak an ngah.Ref 8:20 Sem 27:40;
21 Cutikah Jehoram cu a rangleng pawl thawn Zair ah a feh ih cutawkah Edom ralkap pawl in an kulh òheh. Zanòim ah Jehoram le a rangleng mawng hotu pawl cun anmah kulhtu Edom ralkap pawl cu an pahsuak ih an luat; an ralkap pawl cu an inn ciar ah an tlan òheh.
22 Cuih thokin Edom cu Judah ram thawn peh aw nawn lo in mahte ukawknak a ngahta. Cuih òum thotho ah Libnah khuapi tla ral an tho a si.
23 Jehoram ih hnaòuan mi dangdang pawl cu Judah Siangpahrang Pawl Ih Thuanthu Cabu timi sungah an ngan.
24 Cule Jehoram cu a thi ih Jerusalem David khuapi, siangpahrang thlan ah an phum. Cuih hnuah a fapa Ahaziah in a ai ah siangpahrang a òuan.
Judah Siangpahrang Ahaziah
(2 San 22:1-6)
25 Ahab ih fapa Joram in Israel siangpahrang a òuan ih kum hleihnihnak ah Jehoram ih fapa Ahaziah in,
26 Judah siangpahrang a òuan thok. Siangpahrang a òuan tikah amah cu kum kul hluanhnih a si. A ram cu Jerusalem in kum khat a uk. A nu Athaliah cu Israel siangpahrang Omri ih tunu a si.
27 Ahaziah cu òhitawknak in siangpahrang Ahab thawn an pehawk ruangah Ahab innsang vek thotho in Bawipa ih parah sualnak a tuah a si.
28 Siangpahrang Ahaziah in Israel siangpahrang Joram a òanpi ih Siria siangpahrang Hazael cu an do. Gilead ram Ramoth ah an tawng aw ih Joram cu hriamhma a pu.
29 Curuangah Jezreel khuapi ah dam duh ah a kirsal. Cutawkah Judah siangpahrang Ahaziah cun a vung veh.