25
Jerusalem An Lak
(2 San 36:13-21; Jer 52:3b-11)
1 Babilon siangpahrang Nebuchadnezzar cu a kuthnuai ih ummi Judah siangpahrang Zedekiah in a do. Curuangah Nebuchadnezzar cu a ralkap pawl thawn a ra ih Zedekiah in Judah ram a uk kum kua-nak, thla hra-nak ih ni hra ni ah Jerusalem cu a do. Jerusalem khua an kulhr Jerusalem khua an kulh hi January thla, BC 587 ah a si ih thla hleiriat sung an kulh. ih a leng kimvel in phardawl lan theinak ah leilung an khahsilh ih cutiin òanhmun an khuar.Ref 25:1 Jer 21:1-10; 34:1-5; Ezk 24:2;
2 Cuticun Zedekiah in ram a uk kum hleikhatnak tiang an kulh.
3 Cule cuih kum, thla linak ih ni kua ni ah, khuasung mi pawl cu zianghman ei ding an neih nawn lo tikah,
4 khuapi kulhnak hruang cu an bauhs Khuapi kulhnak hruang an bauh hi July thla, BC 586 ah a si. ih Babilon ralkap pawl cun an kil òhepòhep nain zan ah Zedekiah le a ralkap pawl cu an suak thluh. Siangpahrang hmuan ih lamzin zawh in phar pahnih karlak kot in an suak ih Jordan Phairawn lamah an tlan.Ref 25:4 Ezk 33:21;
5 Asinan Babilon ralkap pawl in siangpahrang Zedekiah cu an duum ih Jerikho khua kiangih hmunrawn ah an man ih an kai; a ralkap pawl cun an tlansan thluh.
6 Zedekiah cu Babilon ralkap pawl in an hruai ih Riblah khua ih siangpahrang Nebuchadnezzar a rak um lai ah a hnenah an thlenpi. Cutawkah Nebuchadnezzar in a thu a òhen.
7 Zedekiah mithmuh hngan rori ah a fapa pahnih cu an that; cule Zedekiah ih mit cu a pahnih in an phorh ih dar cikcin in an khih hnuah Babilon khua ah an hruai.Ref 25:7 Ezk 12:13;
Bawipa Ih Biakinn An Siatsuah
(Jer 52:12-33)
8 Siangpahrang Nebuchadnezzar in Babilon ram a uk kum hleikuanak, thla nganak ih ni sarih ni ah siangpahrang ralkap pawl hotu le siangpahrang ruahnak petu a simi Nebuzaradan cu Jerusalem khuasung ah a lut.
9 Bawipa ih Biakinn, siangpahrang inn le Jerusalem ih bawi le upa deuhdeuh pawl ih inn pawl a ur òheh.Ref 25:9 2 Siang 9:8;t 25:9 Jerusalem Biakinn, siangpahrang inn an ur hi August thla, BC 586 ah a si.
10 Cule a ralkap pawl in khuapi ralhruang cu an bal òheh.
11 Cun Nebuzaradan in Jerusalem ih a tangmi senpi pawl, zungthiam pawl le Babilon mi hnenih a rak òangtu pawl cu Babilon ah a hruai òheh.
12 Judah ram sungih a tantami pawl cu thilri zianghman a nei lomi farah bik pawl an si ih cupawl cu sabit hmuan le lo sungah hna a òuanter.
13 Babilon ralkap pawl cun Bawipa ih Biakinn sungih a ummi dar ih tuahmi òhuam pawl le òhuam dinnak pawl cu an khiak an khuai òheh. Dar ih tuahmi tidai retnak maihum tumpi cu an khuai òheh ih dar pawl cu Babilon ah an phur òheh.Ref 25:13 2 Siang 7:15-26; 2 San 3:15-17; 4:2-5;
14 Cawhlek pawl, biakòheng ih vutcam lawhnak kheng pawl, mei-inn kilkhawinak ih hmanmi thilri pawl, thawinak ih pekmi òilva ih thisen donnak maihum pawl le rimhmui urnak kheng pawl le Biakinn sungih hmanmi dar ih tuahmi thilri dangdang pawl tla an lak òheh.Ref 25:14 2 Siang 7:45; 2 San 4:16;
15 Cuih tlunah sui le ngun ih tuahmi thilri hmuahhmuah, maihum fatete pawl le meivam kennak kheng pawl tla an lak.
16 Bawipa ih Biakinn hrangih Solomon in dar ih a tuahmi òhuam pahnih, òhuam dinnak pawl le tidai retnak maihum tumpi pawl cu an tum zetzet ih a cuai khai thei ding pawl an si lo.
17 Òhuam pahnih cu an tia aw ih pi kul hluansarih an sang ih òhuam pakhat ih lubo cu pi li le a hrek a sang. Cuih òhuam lubo kimvel cu dar in an tuah ih taleti zuk cuangin an mawiter.
Judah Mi Pawl Babilon An Thleng
(Jer 52:24-27)
18 Cun ralkap hotu ralbawipa Nebuzaradan cun Puithiam Sang Seraiah, a sangtu puithiam Zefaniah le a dang Biakinn upa bikbik pathum pawl a kai ih a hruai.
19 Cuih tlunah khuapi sungih ralkap hotu ralbawipa, siangpahrang ruahnak petu panga, ralkap lamih cazin kaitu, ralkap hotu bawipa bawmtu le a dangdang mi upa sawmruk pawl tla a kai.
20 Cupawl cu Babilon siangpahrang, Hammath ram Riblah khua ih a um lai ah,
21 Nebuzaradan in a fehpi ih siangpahrang ih thupek vekin cutawkah an hrem ih an that òheh.
Cuticun Judah mi pawl cu an ram ihsin an thawng tlaknak ram ah an hruai hai a si.
Judah Ram Uktu Bawi Gedaliah
(Jer 40:7-9; 41:1-3)
22 Babilon siangpahrang Nebuchadnezzar in Ahikam fapa, Shafan ih tupa, Gedaliah cu Babilon ram ih thawng thlak lomi, Judah ram ih a tangmi pawl hotu ah Judah ram uktu bawi ah a tuah.
23 Cumi cu siangpahrang Nebuchadnezzar kuthnuai ih a lut lomi Judah ralbawi pawl le ralkap pawl in an theih tikah Gedaliah hnenah Mizpah khua ah an ra. Cuih ralbawi pawl cu Nethaniah fapa Ishmael, Kareah fapa Johanan, Netofah khuami Tanhumeth ih fapa Seraiah le Maakath mi Jezaniah an si.
24 Cule Gedaliah in anmah le an ralkap pawl hnen ahcun, “Thungai in ka lo sim: Babilon bawi pawl òih ding zianghman a um lo. Judah ram ahhin um uhla Babilon siangpahrang hna cu òuan uh. Cuticun ziang hmuahhmuah a rem ko ding,” tiah a ti.Ref 25:22-24 Jer 40:7-9;
25 Asinan cuih kum, thla sarih thla ah Nethaniah fapa, Elishama ih tupa, Judah siangpahrang ih sungkhat a simi Ishmael cu ralkap pahra thawn Mizpah ah an feh ih Gedaliah cu an that. Gedaliah hnenih a ummi Israel mi le Babilon mi pawl tla an that òheh.Ref 25:25 Jer 41:1-3;
26 Cule Israel misenpi pawl cu a lian siseh, a farah siseh, ralbawi pawl thawn Babilon mi an òih ruangah an suak ih Izipt ram ah an tlan.Ref 25:26 Jer 43:5-7;
Jehoiakhin Thawng In A Suak
(Jer 52:31-34)
27 Evilmerodakò Evilmerocak in Babilon a uk kum cu BC 562 - 560 tiang hrawng a si. cu Babilon ram siangpahrang a cang ih a can kum rori ah Judah siangpahrang Jehoiakhin cu a zangfah ih thawng ihsin a suah. A suah ni cu Jehoiakhin thawng a tlaknak kum sawmthum le kum sarihnak, thla hleihnih thla ih ni kul hluansarih ni ah a si.
28 Evilmerodak in Jehoiakhin cu òha zet in a zoh ih amah thawn Babilon ram ih thawng an thlakmi siangpahrang dangdang hnakin upatnak a pek cuang a si.
29 Jehoiakhin cu a thawngtla hnipuan a thlengter òheh ih a nunsung hmuahhmuah ah Babilon siangpahrang thawn rawl an ei tlang.
30 A dam sung cu nitin tein a òulmi leinak ah paisa tla a pek ringring.