22
Judah Siangpahrang Josiah
(2 San 34:1-2)
1 Josiah cu Judah siangpahrang a òuan tikah kum riat a si ih, Jerusalem ihsin kum sawmthum le kum khat sung a uk. A nu cu Bozkath khuami Adaiah ih fanu Jedidah a si.Ref 22:1 Jer 3:6;
2 Josiah cu Bawipa ih duh zawng a tuah; a pu siangpahrang David ziaza a thlun ih Pathian ih daan pawl fel zet in a thlun a si.
3 Siangpahrang Josiah in Judah ram a uknak kum hleiriatnak ah Meshullam ih tupa, Azaliah ih fapa, siangpahrang zungih sungòuan Shafan cu Bawipa ih Biakinn ah a thlah ih,
4 “Puithiam Sang Hilkiah hnenah va feh awla mi pawl ih pekmi paisa cu Biakinn sangka kiltu puithiam pawl in ziangzat an khawl zo, ti va sut aw.
5 Cuih paisa cu Biakinn remtu pawl hotu hnenih pek dingah va sim aw. Hnaòuantu hotu pawl in,
6 zungthiam, inn satu, le lungdawltu pek dingah le inn remnak ih a òulmi zanthing le lungto pawl leinak ah an hmang pei.
7 Hnaòuan hotu pawl cu zum tlak ngaingai an si ih an paisa hmannak pawl zingzoi rero a òul lo ding,” tiah thu a pek.Ref 22:7 2 Siang 12:15;
Daan Cabu An Sar
(2 San 34:8-28)
8 Siangpahrang ih thupekmi cu Shafan in Hilkiah a va sim. Cutikah Hilkiah in Biakinn sungih Daan cabu a sarnak thu a rak sim. Hilkiah in cuih cabu cu Shafan a pek ih Shafan cun a siar.
9 Cule siangpahrang hnenah a kir ih, “ Bawipa ih Biakinn sungih paisa cu na salpa pawl in an lak ih hnaòuan hotu pawl hnenah an pe ko.
10 Cun hinah Hilkiah ih i pekmi cabu a um,” tiah a ti. Cule siangpahrang hnenah ring zet in a siar.
11 Cumi Daan cabu sungih thu cu siangpahrang in a theih tikah a ninghang in a hnipuan a thlek.
12 Puithiam Hilkiah, Shafan ih fapa Ahikam, Mikaiah ih fapa Akbor, sungòuan Shafan le siangpahrang bawmtu Asaiah pawl a ko ih an hnenah,
13 “Feh uhla hi cabu ih zirhmi thu ah keimah le Judah mi pawl ai awh in Bawipa va ron hnik uh. Kan parah Bawipa a thin a heng; ziangahtile hi cabu ih tuah ding, a timi cu kan pupa pawl in an thlun lo a si; kanmah thuhla ah hi cabu sungih nganmi vekin an thlun lo,” tiah thu a pek.
14 Cutikah puithiam Hilkiah, Shafan, Ahikam, Akbor le Asaiah pawl cu Jerusalem vengthar ih a ummi profet nu Huldah tong dingah an feh. (A pasal Shallum, Tikvah ih fapa le Harhas ih tupa, cu Biakinn korfualpi pawl kiltu a si.) An thuhla cu an sim ih,
15 Huldah cun an hnenah, “Siangpahrang hnenah va kir uhla,
16 Bawipa ih òong cu hitiin a si, va sim uh: ‘Siangpahrang ih a siar zomi cabu sungih a um bangin Jerusalem le khuasung mi pawl ka hrem ding.
17 Keimah in hnong ih khawzing dangdang hnenah thawinak an pek; an milem tuahmi hmuahhmuah in ka thin in hengter. Ka thinhennak cu mei-sa bangin a alh ih zianghman in a toihdai thei lo ding.
18 Siangpahrang amah parah cun Bawipa keimah Israel ih Pathian in hitiin ka sim: Cabu sungih nganmi cu na thei ih,
19 Jerusalem le a khuasungmi pawl hmuahhmuah ka hrem ding, ti na theih tikah siir aw in na hnipuan na thlek ih òap phahin ka hmaiah na thinlung a neem ruangah na thlacamnak ka lo theih sak a si. Jerusalem le a khuasungmi pawl ka hrem zia mi tampi in an hmuh tikah tuksumza an ti dingih a hmun cu midang camnak ih hmanmi hmin ah a cang ding.
20 Asinan Jerusalem ka hremnak ding tikcu tiang cu na nung lo ding; hnangamnak thawn na nunnak cu ka cemter ding,’ a ti va ti uh,” tiah a ti.
Cuih thu thawn annih cu Siangpahrang Josiah hnen ahcun an kir.