18
Judah Siangpahrang Hezekiah
(2 San 29:1-2: 31:1)
1 Elah ih fapa siangpahrang Hoshea in Israel ram a uk kum thumnak ah Ahaz ih fapa Hezekiah cu Judah siangpahrang a cang.
2 Amah cu kum kul hluannga a ti ah siangpahrang a òuan ih Jerusalem in Judah ram cu kum kul hluankua sung a uk. A nu cu Zekhariah ih fanu Abijah a si.
3 Amah cu a pu David dungthlun in Bawipa ih duh zawng a tuah.
4 Khawvelmi ih khawzing biaknak hmun pawl a siatsuah òheh ih an lungphun thianghlim pawl a khuai òheh; khawzingnu Asherah hrangih an phun mi thamzarh òhuam pawl tla a hau òheh. Moses ih a rak tuahmi dar rul Nehustan tiih an kawhmi, cuihsan tiang Israel mi pawl in upatnak thawn a hmaiih rimhmui an urmi cu, a khuai seksek thluh.Ref 18:4 Mipum 21:9;
5 Hezekiah in Bawipa, Israel ih Pathian cu a rinsan a si. A hlanah siseh, a hnu khalah siseh, Judah siangpahrang lakah Hezekiah bangtu siangpahrang zohman an um lo.
6 Bawipa ih hmaiah rin tlak a si ih a thu a el dah lo; Moses hnenih Bawipa ih thupekmi hmuahhmuah fel zet in a thlun.
7 Curuangah Bawipa cu a hnenah a um ih a thiltuahmi hmuahhmuah ah a hlawhtling a si. Assiria siangpahrang tla a do ih siah peknak in a luat.
8 Filistin mi a neh ih an khua le ram pawl cu khua fate bik ihsin khuapi bik tiang, Gaza le a kiangkap khua pawl tla a ram òheh.
9 Hezekiah in Judah siangpahrang a òuan kum linak, le Hoshea in Israel siangpahrang a òuan kum sarih kum ah Assiria siangpahrang Shalmaneser in Israel ram cu a do ih Samaria khuapi cu a kulh òheh.
10 Kum thum sung a kulh hnuah Samaria cu a lak. Himi cu Hezekiah in Judah ram a uk kum ruknak le Hoshea in Israel ram a uk kum kuanak ah a si.
11 Assiria siangpahrang in Israel mi pawl cu Assiria ram ah a hruai hai ih a hrek cu Halah khua, a hrek cu Gozan peng Habor Tiva kiangkap le a hrek cu Media khuapi pawl ah a umter.
12 Israel mi pawl in Bawipa an Pathian ih thukam an ngai lo ruangah Samaria cu Assiria mi in an lak a si. Bawipa salpa Moses hnen ihsin Israel mi thawn Bawipa ih thukamnak a tuahmi cu an siatbal thluh ih an thlun duh lo. A thu an ngai lo ih a thukam khal an thlun lo.
Assiria Ralkap In Jerusalem An Kulh
(2 San 32:1-19; Isa 36:1-22)
13 Siangpahrang Hezekiah in Judah ram a uk kum hleilinak ah Assiria siangpahrang Sennakherib in Judah ram sungah ralhruang ih kulhmi khuapi pawl a do ih tampi a lak.
14 Cutikah Hezekiah in Sennakherib hnenah, Lakhish ih a um lai ah mi a thlah ih, “Ka mawh a si; i do nawn hlah aw; i ngenmi hmuahhmuah ka lo pe thluh ding,” tiah a ti. Assiria siangpahrang in thu a run khirh ih a ngenmi cu ngun tangka a phurh in phurh zahnih le sawmnga le sui phurh kul hluannga a si.
15 Hezekiah in Bawipa ih Biakinn sungih ngun tangka hmuahhmuah le siangpahrang inn ih ngun tangka pawl a kuat;
16 Biakinn sangka sui ih khuutmi le Hezekiah amah rori in sangka òhuam pawl sui in a khuutmi ih sui pawl cu a lak ih Sennakherib a kuat.
17 Assiria siangpahrang cun Lakhish ihsin Jerusalem ih ummi Hezekiah do dingah ralkap tampi a run thlah òhiamòhiam. Cuih ralkap pawl cu a kuthnuai ih bawi tum bik pathuml 18:17 Bawi tum bik pathum: timi hi, Tartan, Rabsaris, le Rabshakeh an si, tiah tla in a um. in an ho. Jerusalem khua cu an thleng ih Tlunta Tili ihsin tidai rung luannak horkuam kiang, hnipuan taktu pawl umnak lamzin ah an um.
18 Cule siangpahrang Hezekiah cu an ko ih anih in a kuthnuai bawi pathum, siangpahrang inn kiltu pawl hotu Hilkiah ih fapa Eliakim, siangpahrang zungih sungòuan Shebna le cazin kaih lamih hotu Asaf ih fapa Joah a thlah.
19 Cutikah Assiria bawi pakhat in an hnenah, “Ziangahso siangpahrang Hezekiah hi hiti lawmmam ih a rinsan awk tihi kan siangpahrang ih theih duhmi a si!
20 Raldonak lamih thiamnak le cahnak hi kaa lawngin a ai rawl thei ding, tiah nan zum maw si? Assiria do dingah zo ih òanpinak so nan rinsan?
21 Izipt in, in bawm ding nan ti maw? Rinsan duh hlah uh! Nan rinsan asile phaikung kianghrol hmang vek nan si ding, a kiak dingih nan kut riangri a lo at hai ding. A rinsantu hrangah Izipt cu cuti ringring a si ko.
22 “A si lo talle, ‘ Bawipa kan Pathian kan rinsan a si,’ in ti ding maw? Nan siangpahrang Hezekiah amah a si lo maw, Bawipa ih biakinn pawl le biakòheng pawl cu a siatbal thluh ih Jerusalem ih biakòheng lawngah Pathian nan biak ding, tiah Judah mi le Jerusalem khuasungmi pawl a titu cu?
23 Nan ngam ngai maw? Assiria siangpahrang hmin in ka lo zuam hai a si: Rang to theitu milai thawnghnih nan um a si ahcun rang thawnghnih ka lo pe thei hai ding!
24 Assiria ralkap sungih ralbawi nauta bik hman nan tluk lo ih nannih cun Izipt mi pawl in rangleng le rang ralkap pawl in kuat hai sehla, nan hei ti.
25 Bawipa ih bomnak tel lo in nan ram hi kan do ih kan siatsuah ah maw si nan ruat? Thungai ih ti ahcun, Bawipa amah rori in nan ram hi do ding le siatsuah dingah thu i pek sokhaw,” tiah a ti.
26 Cutikah Eliakim, Shebna le Joah cun Siria bawi hnenah, “Bawipa, kannih hnen ahcun Aramaikm 18:26 Aramaik òong in: timi hi Aramaik òong cu Hebru òong thawn a naih aw mi a si ih, a cuih san hrawng ahcun ram tampi in pursumnak òong ih an hmangmi ah a cang zo. Jerusalem khuami pawl cun culai ahcun an thei tuk lo; Hebru òong an hmang sawn. òong in òong aw. Kan thei ko a si. Hebru òong cun òong hlah aw; khuapi kulhnak lungdawl parih minung pawl in, in ngai a si,” an ti.
27 Cule anih in, “Siangpahrang in i thlah tikah, hi pawl hi nanmah le nan siangpahrang hnen lawng ih òong dingah i thlah ah maw si nan ruat? A si lo sokhaw! Nanmah le ralhruang parih a tomi, mah ih eek a ei ding le mah ih zun a in dingmi pawl, nan zate hnenih òong dingah a si i thlah,” a ti.
28 Cule ding tahrat in Hebru òong in, “Maw milai pawl, Assiria siangpahrang ih a lo simmi hi ngai uh!
29 Hezekiah hin lo bum rero hlah seh, tiah ralrinnak a lo pe a si. Hezekiah cun a lo run thei hrimhrim lo ding.
30 Bawipa rinsan dingih a lo simmi tla hi zum hlah uh. Bawipa cun in run dingih Assiria ralkap pawl in kan khuapi cu an la lo ding, tiah ruat duh hlah uh.
31 Hezekiah ih thu cu ngai hlah uh. Assiria siangpahrang in thu a lo pek hai a si: Khuapi sungin ra suak uhla remnak ra tuah uh. Assiria siangpahrang in nanmah ih ram a bangmi ram sungah, sabit ngahnak dingah sabit hri a umnak, sang tuahnak dingah fang a umnak, olif umnak le olif hriak le khuaitizu umnak ram sungih a lo umter hlan lo cu,
32 nanmah ih sabit hri in sabit rah nan ei ding, nanmah ih theipi kung in theipi nan ei dingih nanmah ih tikhur in tidai nan in ko ding. Bawipa in, in hum ding, tiah Hezekiah hin lo bum rero hlah seh.
33 Assiria siangpahrang ih neh lo dingin khawzing ih a runsuakmi miphun dang pawl an um maw? I sim hnik uh!
34 Khuiahso Hamath khawzing le Arpad khawzing pawl an si òheh? Khuiahso Sefarvaim khawzing, Hena khawzing le Ivvah khawzing pawl an hlohral òheh? Zotal in Samaria khuapi an hum thei maw?
35 Ziangtikah so hi ram pawl hi an khawzing pawl in an hum ih Assiria siangpahrang kut in an luat, ti nan theih dah? Jerusalem cu Bawipa in a hum ding, tiah ziangtinso nan zum thei?” tiah a au ciamco.
36 Misenpi pawl cu an dai khepkhep! Siangpahrang Hezekiah ih a sim hai vekin zohman in zianghman an òong lo.
37 Cule Eliakim, Shebna le Joah cu an riahsia in an hnipuan an thlek ih Assiria ralbawi ih òong cu siangpahrang hnenih sim dingin an ra.