16
Judah Siangpahrang Ahaz
(2 San 28:1-27)
1 Remaliah ih fapa Pekah in Israel ram a uk kum hleisarih kum ah Jotham ih fapa Ahaz cu Judah siangpahrang a cang.
2 Siangpahrang a òuan ah Ahaz cu kum kul a si ih Jerusalem in Judah ram cu kum hleiruk sung a uk. A pu David ih tuahmi thilòha pawl cu a tuah lo; Bawipa a Pathian ih duh lo zawng a tuah ih,
3 Israel siangpahrang dang pawl ih dung a thlun. Israel mi pawl Kanaan ram an luh lai ah Kanaan ram ih a rak ummi, Bawipa ih a dawihlomi pawl ih tuahmi thil fihnungza pawl a tuah ve. Amah ih fapa rori hman milem hnenah mei-ur thawinak ah a pek.Ref 16:3 Daan 12:31;
4 Tlangzim parah le thingpi niim hnuai kipih khawvelmi pawl khawzing biaknak hmun kipah Ahaz cun rai a thawi ih rimhmui a ur vivo.
5 Siria siangpahrang Rezin le Israel siangpahrang Pekah in Jerusalem khua an do ih an kulh òheh; asinain Ahaz cu an neh thei lo.Ref 16:5 Isa 7:1;
6 Culai ah Edom siangpahrang in Elath khuapi a laksal ih cutawkih a ummi Judah mi pawl cu a dawi thluh. Elath khua ah Edom mi an um ih tuih san tiangin an um lai a si.
7 Cutikah Ahaz in Assiria siangpahrang Tiglath Pileser hnenah thu a cah ih, “Kei cu a lo riantu na siahhlawh le na fapa ka si. Siria siangpahrang le Israel siangpahrang in, in do ruangah in ra run hram aw,” tiah a ti.
8 Cuih tlunah Ahaz in Biakinn ih sui le ngun le siangpahrang inn ih sui le ngun pawl a lak ih Assiria siangpahrang hnenah laksawng ah a kuat.
9 Ahaz ih dil vekin Tiglath Pileser cu a ralkap pawl thawn an pok ih Damaskas a do ih a lak; Siangpahrang Rezin cu a thah ih khuasung mi pawl cu Kir khua ah sal ah a hruai hai.
10 Cun Siangpahrang Ahaz cu siangpahrang Tiglath Pileser tong dingin Damaskas khua ih a feh tikah cutawkah biakòheng a hmu ih cumi vek cekci ih don dingah a ruangrai zingmi pawl kim tein puithiam Uriah hnenah a kuat.
11 Cumi ruangrai vek cun Uriah in biakòheng pakhat a dawl ih Ahaz a kirsal hlanah a òheh thluh.
12 Ahaz cu Damaskas ihsin a rungkir tikah biakòheng an òheh zo ti a hmu ih,
13 a parah cun thawinak ih pekmi òilva pawl a ur ih sangphut thawinak pawl tla a pek; cuih tlunah in ding thawinak ih pekmi sabitti in a toih ih remnak thawinak ih pekmi sathi a theh.
14 Bawipa ih hrangih thiantermi, darih tuahmi biakòheng cu biakòheng thar le Biakinn karlak ah a ummi a si ih cumi cu biakòheng tharih saklam ah a òhawn.Ref 16:14 Suah 27:1, 2; 2 San 4:1;
15 Cule Uriah cu, “Hi ka biakòheng tumpi cu zinglam mei-ur thawinak le zanlam sangphut thawinak ah hmang awla, siangpahrang le misenpi pawl ih mei-ur thawinak le sangphut thawinak hrangah hmang aw; misenpi ih pekmi in ding thawinak hrang tla ah a si ding. Thawinak ih pekmi òilva hmuahhmuah ih sathi cu a parah toih aw. Asinan dar biakòheng cu keimah ih hrang lawngah a si pei ih tinzohnak ah ka hmang ding,” tiah thu a pek.
16 Uriah cun siangpahrang ih thupekmi vekin a tuah òheh.
17 Cun Siangpahrang Ahaz in Biakinn sungih ummi lengke pawl a bal ih a parih ummi maihum pawl a lak; cule dar cawcang hleihnih dunglam ih ummi dar tikuang a lak ih lungpheng phahmi parah a ret.Ref 16:17 2 Siang 7:23-39; 2 San 4:2-6;
18 Cuih tlunah Assiria siangpahrang lungawiternak dingah Ahaz cun Biakinn sungih ummi siangpahrang tohkham retnak donhleisang cu a lak hlo ih Biakinn sungih siangpahrang luhnak lamzin cu a phit òheh.
19 Siangpahrang Ahaz ih hnaòuan mi dangdang cu Judah Siangpahrang Thuanthu Cabu sungah an ngan.
20 Ahaz cu a thi ih Jerusalem, David khuapi ih siangpahrang thlan ah an phum. Cule a fapa Hezekiah in a ai ah siangpahrang a run òuan.Ref 16:20 Isa 14:28;