13
Israel Siangpahrang Jehoahaz
Ahaziah fapa Joash cu Judah siangpahrang a òuan kum kul hluanthumnak ah Jehu fapa Jehoahaz Israel siangpahrang a cang ih Samaria in kum hleisarih sung a uk. A hlanih siangpahrang a òuantu, Israel mi pawl sualnak ih a hruailuttu siangpahrang Jeroboam bangtukin Bawipa parah sualnak a tuah ih a thilsual tuahmi cu a thlah thei dah lo. Curuangah Bawipa cu Israel tlunah a thin a heng ih Siria siangpahrang Hazael le a fapa Benhadad in Israel cu vei tampi an neh. Cun Jehoahaz in Bawipa ih hnenah thla a cam ih, Israel mi pawl Siria siangpahrang in siava tuk ih a hrem kha Bawipa in a hmuh ruangah a thlacamnak cu a theih sak. Bawipa in Israel mi hnenah hotu a pek ih cuih hotu cun Siria kut sungin a luatter hai ih a hlan bangtukin Israel mi pawl cu hnangam in an umsal. Sikhalsehla siangpahrang Jeroboam in Israel a sualternak ih sualnak cu annih khalin tlansan lo in an tuah rero thotho; khawzingnu Asherah ih lem cu Samaria ah a um lai ringring.
Jehoahaz cun ralkap tampi a nei lo; Siria siangpahrang in a cimit thluh ih fangcil caan ih leivut bangin a ke hnuai ih a pal beek òheh hai ruangah a neihmi zate cu rang ralkap sawmnga, rangleng pahra le ke ralkap thawnghra lawng an si.
Jehoahaz hnaòuanmi dangdang le ralòha zet ih a tuahmi pawl cu Israel Siangpahrang Pawl Ih Thuanthu Cabu sungah an ngan a si. A thi ih Samaria ah an phum. Cule a fapa Jehoash in a ai ah siangpahrang a òuan.
Israel Siangpahrang Jehoash
10 Judah siangpahrang Joash in Judah ram a uk kum sawmthum le kum sarihnak ah Jehoahaz fapa Jehoash cu Israel siangpahrang a cang ih Samaria in kum hleiruk sung a uk. 11 Anih khal Israel a hruai sualtu siangpahrang Jeroboam ih sualnak cu a tuah ve ih Bawipa ih parah a sual a si. 12 Jehoash hnaòuannak hmuahhmuah Judah siangpahrang Amaziah thawn an do awk lai ah ralòha zet ih a donak pawl cu Israel Siangpahrang Pawl Ih Thuanthu Cabu sungah an ngan a si. 13 Jehoash cu a thi ih Samaria khua, siangpahrang thlan ah an phum. Cule a fapa Jeroboam pahnihnak in a ai ah siangpahrang a òuan.
Elisha Thihnak
14 Profet Elisha cu besia zet in a na ih a thih zik zawng ah Israel siangpahrang Jehoash in a va veh. “Maw ka pa, maw ka pa; rangleng le rang ralkap bangin Israel hum theitu!” tiah òah phahin a ti.Ref 13:14 2 Siang 2:12;
15 Cutikah Elisha in, “Li le thal pawl va la aw,” a ti. A tivek cun Jehoash in a lak ih, 16 Elisha in “Sai aw,” a ti ih siangpahrang in a sai tum tikah Elisha in a kut cu siangpahrang ih kut parah a vun ret. 17 Cule profet ih fial vekin siangpahrang cun Siria lamih a ummi sangkate a vun ong. “Na thal cu sai thlang aw,” tiah Elisha cun a ti. Siangpahrang in thal a vun sai ve tein profet cun, “Nangmah hi Bawipa ih thal na si ih nangmah hmangin Siria cu a neh ding. Siria pawl cu Afek an timi hmun ah na do dingih na neh hai ding,” tiah a ti.
18 Cun Elisha in siangpahrang cu, “Na thal dang pawl la awla leilung ah sai aw,” a ti. A tivek cun siangpahrang in leilung cu vei thum a sai. 19 Cutikah Elisha cu a thin a heng ih, “Vei nga, vei ruk tluk sai cila Siria pawl na neh lanta ding nain! Atu cu vei thum tiang lawng na neh ding a si,” tiah siangpahrang cu a ti.
20 Elisha cu a thi ih an phum.
Kumtinte Moab mi, a burbur ih ummi damiah pawl in Israel ram cu an ram òheu. 21 Veikhat cu mithi an phum lai ah cubangtuk damiah burkhat an hmu. Mithi phumtu pawl in an miruak cu Elisha ih thlan sungah an hlonta ih an tlan. Cule miruak le Elisha ih ruh pawl an dai awk ve tein mithi cu a nungsal ih a hung ding.
Israel Le Siria An Do Aw
22 Jehoahaz in Israel ram a uk sung hmuahhmuah ah Siria siangpahrang Hazael in Israel mi pawl cu siava zet in a hrem. 23 Sikhalsehla Bawipa cu Israel parah zangfahnak le lainatnak a nei ih an zawn a ruat; an siat thluh ding cu a siang lo; Abraham, Isaak le Jakob hnenih a thukamnak ruangah Israel mi pawl a bawm ringring. A minung pawl a hngilh dah lo.
24 Siria siangpahrang Hazael a thih tikah a fapa Benhadad siangpahrang a cang. 25 Cun Israel siangpahrang Jehoash in Benhadad cu vei thum tiang a neh ih Jehoash ih pa Jehoahaz siangpahrang a si lai ih Benhadad in a rak lakmi khuapi pawl cu a longsal òheh a si.