12
Judah Siangpahrang Joash
(2 San 24:1-16)
1 Israel siangpahrang Jehu in Israel ram a uknak kum sarihnak ah Joash cu Judah siangpahrang a cangih Jerusalem in kum sawmli sung a uk. A nu cu Beersheba khuami Zibiah a si.
2 Joash cu puithiam Jehoiada in a zirh ruangah a dam sung hmuahhmuah ah Bawipa ih duh zawng a tuah.
3 Asinan khawvelmi pawl ih khawzing an biaknak hmun pawl siatsuah lo in a zuah ih mi tampi in cutawk hmun ah raithawinak le mei-ur thawinak pawl cu an pe ringring.
4 Joash in puithiam pawl a ko ih, “Pathian betu pawl in an tuah ringringmi thawinak thawn an pek cihmi paisa siseh, anmah lungtho teih pekmi paisa siseh, Biakinn sungih tuahmi thawinak thawn peh aw ih an pekmi paisa hmuahhmuah cu nan khawl a òul ding.Ref 12:4 Suah 30:11-16;
5 Puithiam in hna nan òuan sakmi Pathian betu pawl ih an pekmi paisa cu òha tein nan kil fingfing pei ih a òul tik poh ah Biakinn remnak ah hman a si pei,” tiah thu a pek.
6 Asinan siangpahrang Joash in ram a uknak kum kul hluanthum a kim tikah puithiam pawl in Biakinn cu a ziang zianghman an rem hrih lo.
7 Cutikah siangpahrang Joash in Jehoiada le a dang puithiam pawl a ko ih, “Ziangruangah atu tiang Biakinn nan rem dah lo? Atu thokin nan ngahmi paisa cu nanmah in nan kil lo pei. Paisa nan ngahmi hmuahhmuah nan ap pei ih Biakinn kan rem pei,” a ti.
8 Anmah in paisa la nawn lo ding le Biakinn khal anmah ih rem lo dingin puithiam pawl an lung a kim.
9 Cun Jehoiada in kuang pakhat a lak ih a siin ah ong a tuah hnuah biakòheng kiang, Biakinn vung luh ih vorhlam kamah a ret. Pathian betu pawl ih an pekmi paisa cu Biakinn sangka ih hnaòuantu puithiam pawl in an rak la ih cuih kuang sungah cun an san.
10 Kuang sungah paisa a tam thlang a si, ti an theih tikah siangpahrang cazi le Puithiam Sang in paisa cu an siar ih òha tein dip in an fun.
11 A zat kha cazin sungah òha tein an ngan hnuah Biakinn remtu pawl hotu ih kut ah an pek. Cuticun Bawipa ih Biakinn ih hnaòuantu zungthiam le inn satu pawl,
12 lung dawltu le lung sertu pawl ih hlawhman ah an pek. Biakinn remnak ih a òulmi thing ah, lungto pawl le a dangdang a cemmi hmuahhmuah leinak ah an hmang.
13 Asinan cuih paisa cu ngun khuathai, kheng, tawtawrawt le mei-inn vannak ih hmanmi thilri le a dangdang sui le ngun ih tuahmi thilri leinak ahcun an hmang lo.
14 Biakinn remnak ih a òulmi thilri le a remtu pawl hlawhman lawnglawng ah an hmang.
15 Cuih hnaòuantu pawl hotu pawl cu rin tlak ngaingai an si ih an paisa hman daan kha zingzoi rero a òul hrimhrim lo.Ref 12:15 2 Siang 22:7;
16 Kuansal thawinak ih pekmi paisa le sualthlah thawinak ih pekmi paisa pawl cu cuih kuang sungah an san lo; puithiam pawl ih covo an si.Ref 12:16 Pui 7:7;
17 Culai ah Siria siangpahrang Hazael in Gath khuapi a do ih a la; cule Jerusalem khuapi do a tum.
18 Cutikah Judah siangpahrang Joash in a hlanih siangpahrang a rak òuantu Jehoshafat, Jehoram le Ahaziah pawl in Pathian hnenih an rak pekmi thawhlawm pawl le Bawipa ih Biakinn tangka retnak sungih a ummi sui hmuahhmuah le siangpahrang inn ih a ummi sui hmuahhmuah cu a la òheh ih siangpahrang Hazael hnenah laksawng ah a kuat. Cutikah Hazael cu Jerusalem do lo in a ralkap pawl thawn an kirsal.
19 Siangpahrang Joash ih tuahmi dangdang pawl cu Judah Siangpahrang Pawl Ih Thuanthu Cabu sungah an ngan a si.
20-21 Siangpahrang Joash cu a kuthnuai ih ummi bawi pawl in an phiar ih, bawi pahnih Shimeath ih fapa Jozakar le Shomer ih fapa Jehozabad in an that. Silla khua ih vung fehnak lamzin, Millo horkuam ih a ummi inn ah Joash cu an that a si. Jerusalem, David khuapi, siangpahrang thlan ah an phum ih a fapa Amaziah in a ai ah siangpahrang a òuan.