9
Solomon Hnenah Pathian A Langsal
(2 San 7:11-22)
Siangpahrang Solomon in Biakinn le siangpahrang inn le sak a duhmi hmuahhmuah a sak òheh tikah, Bawipa cu Gibeon khua a hnenih a rak lang vekin, a hnenah a langsal.Ref 9:2 2 Siang 3:5; 2 San 1:7; Bawipa in a hnenah, “Na thlacamnak ka thei zo. Keimah biaknak hrangih na sakmi hi Biakinn cu ka thianghlimter ih hi inn ah ka hmin ka ret zo. Ka kilveng dingih kumkhua in ka hum ding a si. Na pa David in dik zet le fel zet in ka hna a òuan vekin nang khal keimah i rian ih ka thupekmi le ka daan pekmi hmuahhmuah na thlun a si ahcun, na pa David hnenah, “Na tesinfa pawl in Israel an uk ringring ding,” tiih ka rak kammi cu ka kimter ding.Ref 9:5 2 Siang 2:4; Asinan nangmah siseh, na tesinfa pawl siseh, keimah in thlun lo ih ka daan pekmi le ka thupekmi pawl nan bal ih khawzing dangdang nan rian ih nan biak a si ahcun, ka minung Israel mi pawl cu ka pek cia mi ramsung ihsin ka òhio thluh hai ding a si. Keimah biaknak hrangih ka thianhlimtermi hi Biakinn hi ka hnong dingih leilungtlun mi hmuahhmuah in Israel mi pawl cu an hmuhsuam dingih an nautat zet ding. Hi Biakinn cu innrop ah a cang dingih a kiangkap ih a fehtu hmuahhmuah an mang a bang zet dingih, “Ziangahso hi ram le hi Biakinn parah Bawipa in hi lawmmam in a tuah?” tiah an ti rero ding.Ref 9:8 2 Siang 25:9; 2 San 36:19; Cutikah midang pawl in, “Israel mi pawl in an pipu pawl Izipt ram ihsin a hruaisuaktu Bawipa an Pathian an dungtun ih khawzing dangdang an rian ih an biak ruangah an parah Bawipa in hibangtuk siatsuahnak a thlenter a si,” an ti ding,” tiah a ti.
Solomon Le Hiram Lungkimnak
(2 San 8:1-2)
10 Solomon in Biakinn le a siangpahrang inn cu kum kul sung a sak ih a òheh. 11 A hnaòuannak hrangih a òulmi sidar thing, farthing le sui pawl hmuahhmuah cu Òaiar Siangpahrang Hiram in a pek. Inn pawl a sak òheh hnuah Galilee peng ih khua khawkul cu Solomon in Hiram a pek. 12 Cuih khua kul pawl zoh dingah Hiram cu a feh ih a zoh tikah a duh lem lo. 13 Curuangah Solomon hnenah, “I pekmi khua pawl cu a hi so maw an si, unaupa!” tiah a ti. Curuangah cuih ram cu Kabul f Kabul timi cu Hebru òong ih “ke-bal,” timi òongfang thawn a aw-suak a bangrep ih a tican cu “santlai lo,” tinak a si. tiah tuih san tiangin an kota. 14 Hiram in Solomon cu sui phurh za le phurh kul hluannga a rak kuat a si.
Solomon Hnaòuanmi Dangdang
(2 San 8:3-18)
15 Siangpahrang Solomon in hramhram hnekcop ih hnaòuan a fialmi hnaòuantu pawl in Biakinn le siangpahrang inn cu an sak. Khuapi in nisuahnak lamah leilung khahsilh tahrat in Millo a din suah ih khuapi kulhnak phar khal an dawl. Cule Hazor khua, Megiddo khua le Gezer khua pawl tla an dinsal. 16 Izipt ram siangpahrang in Gezer khua cu a rak do ih a rak la. Khuasung mi pawl a that ih an khua cu mei in a ur òheh. Cule a fanu in Solomon a pasal tikah a pasal neihnak laksawng ah cuih khua cu a fanu a òhen. 17 Cule Solomon in a dinsal a si. Cuih tlunah hramhram ih hnekmi hnaòuantu pawl hmangin Thlanglam Beth Horon, 18 Baalath le Judah hramlak ih a ummi Tamar khua, 19 a rawl retnak khua pawl le a rang le a rangleng retnak khua pawl, Jerusalem ah siseh, Lebanon ah siseh, a ukmi ramsung hmundang hmuahhmuah ah siseh, dinsal a duhmi khua pawl cu Solomon in a dinsal thluh a si. 20-21 Cutiih a hmanmi a hnaòuantu pawl cu Israel mi pawl in Kanaan ram an lak tikah an rak thah lomi Kanaan mi pawl ih tesinfa pawl an si. Cumi pawl cu Amor mi, Hit mi, Periz mi, Hiv mi le Jebus mi an si ih an tesinfa pawl cu tuih san tiangin sal an si lai hrih. 22 Solomon in Israel mi pawl cu sal ah a hmang lo. Annih cu a ralkap pawl, a kuthnuai bawi pawl, a ralkap hotu pawl, a leng mawng hotu pawl le a rang ralkap pawl ah a hmang a si.
23 Solomon in a sakmi inn a phunphun a òuantu pawl hmuahhmuah hotu dingah hotu zanga le sawmnga a ret.
24 Izipt ram siangpahrang fanu, Solomon ih nupi cu David khuapi ihsin a suak ih Solomon in a hrangih a sakmi siangpahrang inn ah a òhawn; cuih hnuah Solomon in leilung khahsilh tahrat in Millo khuapi a sak.
25 Kum khat ah vei thum Solomon in mei-ur thawinak le remnak thawinak pawl Bawipa hrangih a dawlmi biakòheng parah a pek. Bawipa ih hnenah rimhmui khal a ur ih a pek. Cuticun Solomon in Biakinn sak cu a òheh.Ref 9:25 Suah 23:17; 34:23; Daan 16:16;
26 Siangpahrang Solomon in Eziongeber khua ah tangphawlawng tampi a tuah. Eziongeber cu Edom ram, Aqaba Tifinriat tikel ih um Elath khua kiangih a ummi khua a si. 27 Siangpahrang Hiram in a tangphawlawng ralkap thiam zet pawl cu Solomon ih tangphawlawng ralkap pawl thawn òuantlang dingah a kuat. 28 Cupawl cu Ofir ram ah an feh ih Solomon hrangah sui phurh zali hrawng an rak phurh a si.