8
Thukam Kuang Biakinn Ah An Keng
(2 San 5:2-6:2)
1 Siangpahrang Solomon in Israel hotu pawl, an phun ciar ih hotu pawl le an innsang ciar ih hotu pawl cu, Bawipa Thukam Kuang kha David Khuapi, Zion khua ihsin biakinn ih keng dingah Jerusalem ah a kokhawm.Ref 8:1 2 Sam 6:12-16; 1 San 15:25-29;
2 Thla sarih thla, Ethanimd Ethanim timi hi Tishri ti tla a si. an timi thla sung, Puanthlam Puai tikcu ah an tongkhawm aw.
3 An hotu pawl hmuahhmuah an thlen òheh tikah puithiam pawl in Thukam Kuang cu an la ih,
4 Levi pawl tla in an bawm ih, Bawipa ih Puanthlam cu a sungih thilri pawl hmuahhmuah thawn Biakinn ah an phur.
5 Siangpahrang Solomon le Israel misenpi pawl cu Thukam Kuang hmaiah an pumkhawm aw ih thawinak ah a siar ih siar cawk lo tuu le caw an that.
6 Cule puithiam pawl in Thukam Kuang cu an lak ih biakinn sungta khaan Hmun Thianghlim Bik hmun, cherubim pawl ih thla hnuai ah an ret.
7 A pharh aw mi cherubim thla pawl cun Thukam Kuang le a zawnnak fung pawl cu an khuh òheh.
8 A zawnnak fung pawl cu an sau zet ih, Hmun Thianghlim Bik sungta khaan hmaiih Biakinn khaanpi sungin a zim pawl cu hmuh a theih, asinain a leng cun hmuh a theih lo. A zawnnak fung pawl cu tuih sun tiang cutawkah an um lai.
9 Izipt ram ihsin Israel mi an suak ih Bawipa in an hnenah thukam a tuahnak Sinai Tlang parih Moses in lungpheng pahnih a rak ret mi siar lo Thukam Kuang sungah a dang zianghman a um lo.Ref 8:9 Daan 10:5;
10 Puithiam pawl in Biakinn an taan ih an taan òheh ve tein Biakinn sung cu mero a rung khat lohli.Ref 8:10-11 Suah 40:34, 35;
11 Biakinn cu Bawipa ih sunlawinak huham in a khah thluh ruangah puithiam pawl cu Biakinn ah kir tahrat in an hna an òuan thei lo.
12 Cule Solomon in,
“Maw Bawipa, nangmah in
ni cu van ahkhin na ret,e “Maw Bawipa nangmah in ni cu van ahkhin na ret” timi hi Grik Ca Thianghlim sungih a ummi a si.
Asinan mero sahzet le thimzet sungih
um na hril sawn;
13 Hitawkah biakinn mawi zet
ka lo sah sak zo,
Kumkhua na umnak hrangah,”
tiah thla a cam.
Mipi Hnenih Solomon Thusimmi
(2 San 6:3-11)
14 Cutawkih misenpi an din lai ah siangpahrang Solomon cu anmah lam hoi in a ding ih an hrangah Pathian thluasuah a dil.
15 “Israel ih Pathian Bawipa cu thangòhat in um seh! Ziangahtile ka pa David hnenah,
16 “Izipt ram ihsin ka minung Israel mi pawl ka hruaisuak ni ih thokin tuih sun tiang Israel ram pumpi sungah keimah in biaknak dingah Biakinn an saknak ding hmun le khuapi khui hmanah ka hril lo. Sikhalsehla ka minung pawl uktu dingah nangmah David ka lo hril,” tiih a thukam cu a kimter a si,” tiah a ti.Ref 8:16 2 Sam 7:4-11; 1 San 17:3-10;
17 Cuih tlunah Solomon in, “Ka pa David in Israel ih Pathian Bawipa biaknak ah Biakinn sak a rak duh zet,
18 asinain Bawipa in ka pa David hnenah, “Na tumtahmi parah ka lung a awi zet.Ref 8:17, 18 2 Sam 7:1-3; 1 San 17:1, 2;
19 Sikhalsehla Biakinn saktu cu nang na si lo ding, na fapa a si sawn ding,” tiah a rak ti.Ref 8:19 2 Sam 7:12, 13; 1 San 17:11, 12;
20 Atu ah cuih a thutiam cu Bawipa in a kimter ih ka pa David tonak Israel siangpahrang ih tohkham cu keimah in ka luah zo. Cule Israel ih Pathian Bawipa biaknak ah Biakinn khal ka sak zo.
21 Bawipa in kan pi le kan pu pawl Izipt ram ihsin a rak suahpi lai ih thukamnak a rak tuahmi ngannak lungpheng pahnih retnak kuang khal hi Biakinn sungah ka ret zo a si,” tiah a ti.
Solomon Thlacamnak
(2 San 6:12-42)
22 Cule misenpi hmuhhngan ah Solomon cu a feh ih biakòheng hmaiah a va ding. A baan phar tahrat in thla a cam.
23 “Maw Bawipa, Israel ih Pathian, van ah siseh, leilung ah siseh, nangmah bangtuk Pathian khuihmanah an um lo. Na thukammi cu na kimter ringring ih thinlung takte ih a lo thluntu na minung pawl parah cun a cat dah lomi duhdawtnak na langter a si.
24 Ka pa David hnenih na kammi na kimter ih tuih sun ah cuih na thukamnak cu na tuahsuak zo.
25 Maw Bawipa, Israel ih Pathian, ka pa David hnenah, “Ka thu na ngai vekin na tesinfa pawl in ka thu an ngai ve a si ahcun Israel uktu dingah na tesinfa pawl cu siangpahrang ah ka tuah ringring hai ding,” tiih na thukamnak khal kimter hram aw.Ref 8:25 2 Siang 2:4;
26 Maw Israel ih Pathian Bawipa, ka pa David na siahhlawh hnenih na thutiam cu run kimter hramhram aw, tiah ka lo dil a si.
27 “Asinan Pathian cu leilung parah a um thei ngaingai ding maw? Khuaza vanrang hman hi na hrangah cun a fiak tuk a si. Curuangah hi Biakinn ka sakmi ahhin ziangtinso na tlem ding?Ref 8:27 2 San 2:6;
28 Sikhalsehla, Bawipa ka Pathian, ka thlacamnak le ka lo dilnak i ngaihram awla, tuih sun ih ka aunak le ka lo ngennak cu i thei hram aw.
29 Nangmah kan lo biaknak dingah na hril mi hi hmun le hi Biakinn hi a sun a zan in kilveng hram aw. Hi Biakinn sungih ka thlacamnak hi run thei hram aw.Ref 8:29 Daan 12:11;
30 Keimah siseh, ka minung pawl siseh, hi hmunih thla kan cam tikah run ngai hram aw. Vancung ih na umnak ihsin in run ngai awla, in run thei in kan sualnak in ngaithiam hram aw.
31 Mi pakhatkhat midang parah sual an puh ih, “Ka sual lo a si,” tiih siatcam tuah dingah hi Biakinn ih biakòheng ah an rak hruai a si ahcun,
32 Maw Bawipa, an thu cu van ihsin run ngai awla na sal pawl an thu run òhen hram aw. Misual cu a sual vekin hrem awla a mawh lotu cu a mawh lo vekin run thlah hram aw.
33 “Na minung Israel pawl na parih an sual ruangah an ral pawl in an neh tikah sualsir in na hnenah an kir ih nangmah thangòhat phahin sual ngaidam dingah hi Biakinn sungin zangfah an lo dil a si ahcun,
34 vancung ihsin run thei hai aw. Na minung pawl ih sualnak cu ngaidam hram awla an pipu hnenih na pek cia mi ram ah hruaikirsal aw.
35 “Na minung pawl in na parah an sual ih ruah surter lo in na hrem hai tikah, an sual an sir aw ih hi Biakinn lam hoi in le na hmin ko in thla an cam ih nangmah an lo thangòhat a si ahcun,
36 vancung ihsin run thei hram aw. Na siahhlawh pawl, Israel mi pawl sualnak cu ngaidam hram aw. An thlun ding lamzin dik hmuh awla kumkhua an neih dingih na pekmi an ram ahcun ruah surter hram aw.
37 “An ram ah paampi a tlun tikah siseh, pulhnat a thlen tikah siseh, an lo rawl pawl thli hrang le kharbok tla in a siatsuah tikah siseh, na minung pawl ral in an ra siim tikah siseh, an parah natsia asilole tlangrai a thlen tikah siseh,
38 na hnenih an thlacamnak cu run thei hram aw. Na minung Israel mi pakhatkhat thinhar riahsia ngaingai in hi Biakinn lam hoi tahrat in baan phar ih thla a cam a si ahcun,
39 a thlacamnak run ngai hram aw. Na umnak vancung ihsin run ngai awla, a sualnak run ngaidam awla run bawm hram aw. Nangmah lawngin mi hmuahhmuah ih thinlung cu na thei. Mi pakhat fingfing parah an umdan vekin tuah awla,
40 cuticun kan pipu pawl hnenih na rak pekmi ram ih an um sung hmuahhmuah ah na minung pawl in nangmah cu an lo òihzah ding a si.
41-42 “Lam hlatpi ih a ummi ramdangmi in na hmin thannak le na minung pawl hrangih thil maksak na tuahmi pawl an theih ih nangmah biak dingah le hi Biakinn ih thlacam dingah an rat a si ahcun,
43 an thlacamnak cu ngai hram aw. Na umnak vancung ihsin run thei hram awla, an lo dilmi cu tuah sak hram aw. Cuticun na minung pawl bangtukin hi leilungtlun mi hmuahhmuah in nangmah cu an lo thei dingih an lo òihzah ding. Cule hi ka sakmi Biakinn ahhin nangmah cu biak ding na si, ti an thei ding.
44 “Na minung pawl cu an ral pawl do dingih thu na pek tikah hi na hril zomi khuapi le na hrangih ka sak zomi hi Biakinn lam hoi in thla an cam a si ahcun,
45 an thlacamnak cu ngai hram aw. Vancung ihsin run thei awla an ral pawl ih parah nehnak pe hram aw.
46 “Milai ziangbangtuk an si khalle an sual òheh vekin, na minung pawl khal na parah an sual ih na thinheng in an ral pawl kut sungah na pek, sal ah an kai ih ramdang ih an hruai tikah ziangvek ram hla a si khalle,
47 na minung pawl ih thlacamnak cu ngai hram aw. Cutawk ram ah sual sir in na hnenah thla an cam ih an rak sual zia le an rak òhat lo zia na hnenih an phuan a si ahcun, Maw Bawipa, zangfah an lo dilnak cu ngai hram aw.
48 Cuih ram ihsin thungaite le thinlung tak tein an sir aw ih an pipu hnenih na pek zomi hi ram le, na hril zomi hi khuapi le, na hrangih ka sak zomi hi Biakinn lam hoi in thla an cam ahcun,
49 an thlacamnak run ngai hram aw. Na umnak vancung ihsin run thei awla run zangfah hram aw.
50 An sualnak hmuahhmuah le an lo dodalnak hmuahhmuah ngaidam awla, an ral pawl khal an parah zangfahnak thinlung neihter hram aw.
51 An hrangah thir vaamternak somei bangtuk a simi Izipt ram ihsin na suahter zomi pawl hi na minung le na ta an si ko.
52 “Maw Bawipa Pathian, na minung Israel mi le an siangpahrang parah na mithmai òha langter ringring hram awla bomnak an lo dil tikah an lo dilnak cu theih sak hram aw.
53 Leilungtlun miphun hmuahhmuah lakin anmah cu na ta si dingah na hril zo ih, cuih thu cu na siahhlawh Moses hnen ihsin Izipt ram in kan pipu pawl na hruaisuak tikah na rak sim zo a si,” tiah thla a cam.
Netabik Thlacamnak
54 Solomon cu Bawipa ih hnenah van lamah baan phar le, biakòheng hmaiah khuk bil ih thla a camnak hmun ihsin a hung ding.
55 Cutawkih a khawm aw mi misenpi pawl hrangah ring zet in Pathian thluasuah a dil.
56 “Ka lo pe hai ding, tiah na kam cia vekin na minung pawl hnenih daihnak a petu Bawipa cu thangòhat uh. A siahhlawh Moses hnen ihsin famkim zet ih a thukammi hmuahhmuah cu a kimter òheh a si.Ref 8:56 Daan 12:10; Jos 21:44, 45;
57 Bawipa kan Pathian cu kan pipu pawl hnenih a rak um vekin kan hnen khalah um hram seh. In dungtun in, in tanta hram hlah seh.
58 Amah ih duhnak vekih kan nun theinak dingah le kan pipu pawl hnenih a rak pekmi daan le thukham pawl kan thlun theinak dingah a thu thlun theitu in siter hram seh.
59 Bawipa kan Pathian in tuih sun ih ka thlacamnak le ka dilnak cu a kumkhua in ciing ringring hram seh. Israel mi pawl le an siangpahrang parah nitin ih an òulmi vekin zangfahnak nei hram seh.
60 Cuticun leilungtlun miphun hmuahhmuah in Bawipa lawng hi Pathian a si ih Pathian dang an um lo, ti an thei ding.
61 Nannih amah ih minung pawl khalin tuih sun ih a thu nan ngai vek hin a daan le a thupekmi hmuahhmuah cu thlun uhla Bawipa kan Pathian ih rin tlak in um ringring uh,” tiah a ti.
62 Cule Siangpahrang Solomon le Israel misenpi pawl in cutawkah Bawipa ih hnenah thawinak an pek.
63 Solomon in remnak thawinak ah cawcang thawng kul hluanhnih le tuu thawng zakhat le thawng kul a that. Cuticun Siangpahrang Solomon le Israel misenpi pawl in Biakinn cu Bawipa Biaknak inn ah an hlan a si.
64 Cuih ni ah Biakinn hmaiih a ummi a laita bik tual khal Solomon in a hlanih, cutawkah mei-ur thawinak, thlairawl thawinak le remnak thawinak ih sathau pawl tla a pek. Hi thawinak pawl cutawk tual laifangih a peknak cu Biakinn sungih daar biakòheng cu hi thawinak pekmi hmuahhmuah hrangah a fatet tuk ruangah a si.
65 Cule Solomon le Israel mi hmuahhmuah, saklam Hamath Tlangkawn ihsin thlanglam Izipt ramri tiang, an zate in Bawipa Pathian mithmuh ah Puanthlam Puai ni sarih sung an tuah.
66 Niriat ni ah Solomon in senpi pawl cu an inn ciar ah a tlunter. An zate in Solomon cu an lawm ciamco. Bawipa in a siahhlawh David le a minung Israel mi pawl parih malsawmnak a pek ruangah lungawi aipuang zet in an inn ciar ah an tlung.