6
Solomon In Biakinn A Sak
1 Izipt ram ihsin Israel mi an suah hnu kum zali le sawmriat, Israel ram a uknak kum li kum, thla hnih thla, Ziv thla ah Solomon in Biakinn sak a thok.
2 Biakinn cu a sunglam in pi sawmkua a sau, pi sawmthum a kau ih, pi sawmli le pi nga a sang.
3 Biakinn sung vung luhnak ih a ummi khaan cu pi hleinga a sau ih biakinn tia in pi sawmthum a kau.
4 Biakinn phar ahcun tukvirh an um ih cuih tukvirh ong pawl cu a lenglam ah a fate ih a sunglam ah a tum.
5 Phar ih lenglam ah, a siirlam le a dunglam ah inn khaan dang dot thum in an sak ih, dot khat cu pi sarih le a hrek fingfing a sang.
6 Hnuaita bik khaan cu pi sarih le a hrek a kau, a laita khaan cu pi kua a kau ih, tlunta bik khaan cu pi hra le a hrek a kau. Biakinn phar cu dot khat hnu dot khat a tlunta a paa vivo ih, inn khaan zial donnak khansuk pawl cu phar sungih dawl cih òul lo in phar parah cun a khan in an khang.
7 Biakinn saknak lungto pawl cu lungto laknak hmunah ser cia mi an si ruangah Biakinn an sak tikah sobul, hreitlung le a dang thir hriamhrei ih tuah le ser rero an òul lo ih thawmvang awn ruri zianghman a um lo.
8 Innpeh hnuaita bik dot luhnak sangka cu biakinn thlanglam kap in a si ih dot hnihnak le dot thumnak tiang kailawn kel a um.
9 Siangpahrang Solomon in Biakinn sak cu a òheh. A tlun diphun cu sidar thing in an tuah ih innbo pawl khal sidar thing hlir an si.
10 Phar lenglam ih inn khaan dang dot thum a sakmi, pi sarih le a hrek ciar a saangmi cu sidar thing in Biakinn parah cun an hreng.
11 Bawipa in Solomon hnenah,
12 “Ka daan le ka thukham pawl na thlun thluh a si ahcun na pa David hnenih ka kammi hmuahhmuah na parah ka kimter ding.
13 Ka minung Israel mi lakah hi na sakmi Biakinn ahhin ka um dingih ziangtik hmanah ka dungtun hai lo ding,” tiah a ti.
14 Cuticun Solomon in Biakinn cu a sak òheh.
Biakinn Sunglam Mawiternak
15 Biakinn phar sunglam cu zial ihsin siling tiang sidar thingpheng in an khuh. A zial cu farthing in an don.
16 A sungta khaan, Hmun Thianghlim Bik, timi cu Biakinn sung dunglam bik ah a um. Cuih khaan cu pi sawmthum a sau ih, sidar thingpheng in zial ihsin siling tiang an dan.Ref 6:16 Suah 26:33, 34;
17 Biakinn khaanpi cu pi sawmruk a sau.
18 Sidar thingpheng par ahcun uum mum le uum par zuk pawl cuangin an ceimawi. Inn sunglam hmuahhmuah cu sidar thing in an khuh òheh ih phar ih lungdawl pawl cu pakhat hman an lang lo.
19 Bawipa ih Thukam Kuang retnak ah sungta khaan cu Biakinn sung dunglam bik ah an tuah.
20 Hi khaan cu pi sawmthum a kau, pi sawmthum a sau ih, pi sawmthum a sang. A zate in sui in an khuut. Biakòheng cu sidar thingpheng in an khuh.
21 Biakinn a sunglam cu sui in an khuut; sungta khaan khal sui in khuutmi a si ih a luhnak sangka ahcun sui òhi rual an thlai.
22 Biakinn sunglam cu Hmun Thianghlim Bik khaan le a khaanpi thawn, sui lawnglawng in an khuut a si.Ref 6:22 Suah 30:1-3;
23 Cherubim timi thla nei ramnung lem zuk pahnih cu olif thing in an tuah ih Hmun Thianghlim Bik ahcun an ret. Pi hleinga an sang veve.
24-26 An pahnih in an tia aw ih an bangrep fawn. Thla pahnih veve an nei ih an thla pakhat cu pi sarih le a hrek a sau ih khatlam thla zim ihsin khatlam thla zim tiang pi hleinga a sau.
27 Hmun Thianghlim Bik ahcun artlang in an ret ih an thla cu a khaan laifangah an dai aw. Cule an thla dang in phar an dai veve.
28 Cuih cherubim cu an pahnih in sui khuutmi an si.Ref 6:23-28 Suah 25:18-20;
29 Biakinn sung khaanpi le sungta khaan pawl ih phar cu cherubim zuk le tuumkung zuk le pangpar zuk in an ceimawi.
30 A zial khal sui in an khuut òheh a si.
31 Hmun Thianghlim Bik luhnak sangka cu kap hnih nei a si ih olif thing in an tuah ih sangka ih lu lam cu a fate vivo ih a zik cu a zum. Kil nga nei sangka a si.
32 Sangka par ahcun cherubim zuk le tuumkung zuk le pangpar zuk in mawiternak an tuah. Sangka kap hnih le cherubim le tuumkung pawl cu sui in an khuut.
33 Biakinn khaanpi sung luhnak sangka pahnih cu kil li nei veve an si ih olif thing in tuahmi an si.
34 Cuih sangka cu a kap hnih in bil theimi an si ih farthing in tuahmi an si.
35 Cherubim le tuumkung le pangpar zuk in ceimawi mi a si ih bangran tein sui in khuutmi an si.
36 Biakinn hmaiih inn khaan pakhat an sakmi cu phar in an kulh ih cuih phar cu lungto thuah thum ah sidar thing thuah khat in an thlak.
37 Hi Biakinn ih lungphum an thoknak cu Solomon in siangpahrang a òuannak kum li kum, thla hnih thla, Ziv an timi thla ah a si.
38 Solomon siangpahrang a òuannak kum hleikhat kum, thla riat thla, Bul an timi thla ah biakinn cu an tumtah vekin kim tein an sak òheh. Hi Biakinn cu Solomon in kum sarih sung a sak a si.