5
Solomon In Biakinn Sak A Tum
(2 San 2:1-18)
1 Òaiar khua Siangpahrang Hiram cu David ih rualpi òha zet a si. David ih ai ah a fapa Solomon siangpahrang a cang ti a theih tikah Hiram in Solomon hnenah palai a thlah.
2 Cule Solomon in Hiram hnenah hitiin thu a cah,
3 “Ka pa David in Bawipa a Pathian hrangah Biakinn sak a duh nain a kiangkap ram pawl thawn an do awk ringring ruangah a sak thiam lo a si, ti cu na rak theih cia mi a si. A ral pawl parih nehnak Pathian in a pek hlanah cun Bawipa ih inn saknak cu a um thiam lo.
4 Asinan atu ahcun Bawipa ka Pathian in himnak i pe ih ka ram sungah daihnak a um. Ral ka nei lo. Do i tumtu khal an um lo.
5 Bawipa in ka pa David hnenah, “Na ai ih siangpahrang a òuantu na fapa in ka hrangah Biakinn a sak ding,” tiah thu a rak kam. Atu ah cuih biakinn cu Bawipa ka Pathian hminthannak ah sak dingin ka ruatcat zo.Ref 5:5 2 Sam 7:12, 13; 1 San 17:11, 12;
6 Curuangah Lebanon ih sidar thing hau dingin na milai pawl rak kuat awla, ka milai pawl thawn an òuantlang pei. Cule na khiahmi vekin na milai pawl ih hlawhman cu ka pe ding. Na theih vekin kei ih milai pawl cu na milai pawl bangtukin thing hau an thiam lo a si,” a ti.
7 Solomon thucah mi cu Hiram in a theih tikah a lung a awi ngaingai ih, “A mak zetmi miphun uktu siangpahrang si dingah David hnenih hibangtuk fapa fim a petu Bawipa cu tuih sun ahhin thangòhat si ko seh,” tiah a ti.
8 Cule Hiram in Solomon hnenah hitiin thu a cah, “Na thucahmi ka rak thei ih i dil bangtukin sidar thing le far thing pawl cu ka lo pe ding.
9 Ka milai pawl in thingtum cu Lebanon ihsin tifinriat ah an run tholh pei ih puum ih an tuah hnuah tifinriat kap in na duhnak hmun tiang an run fehpi ding. Cutawkah ka milai pawl in an òemnak hri cu an phoih pei ih na milai pawl in thingtum cu an lak ding. Cule nang in, in tuah sak dingmi cu ka milai pawl hrangah tirawl in ngaihtuah sak ve pei,” tiah a ti.
10 Curuangah Hiram in Solomon cu a duhmi sidar thing le farthing pawl cu a pek ih,
11 Solomon in kumtin tein Hiram ih milai pawl hrangah sangvut haan thawng za le kul hluannga le olif hriak òha bik pung thawng kul hluansarih le zanga a pek.
12 Bawipa in a thukammi a kimter ih Solomon cu fimnak a pek. Hiram le Solomon karlak ah remnak a um ih òangtlang dingin lungkimnak cakhen khal an tuah.
13 Siangpahrang Solomon in hna òuantu ah Israel ram pumpi sungin minung thawng sawmthum a la ih,
14 Adoniram cu anmah hotu ah a ret. Cuih minung pawl cu thawnghra in òhenthum ah a òhen ih òhenkhat cu a ha a ha in Lebanon ah thla khat, inn ah thla hnih fingfing in an um.
15 Cuih tlunah tlangpar ram ih lungto latu dingah minung thawng sawmriat a re ih, cuih lungto phurtu dingah minung thawng sawmsarih a ret.
16 Cuih hnaòuantu pawl a khawngtu ah minung thawngthum le zathum a ret fawn.
17 Siangpahrang Solomon ih thupeknak vekin biakinn hramòohnak lungphum hrangah sermi lungto tum pipi òha zet in an la.
18 Solomon milai, Hiram milai le Byblosc Byblos khuami timi hi Gebal mi ti khalin an ti. khuami pawl in biakinn saknak hrangah lungto an ser ih thing tla an salh.