19
Sinai Tlang Ah Elijah
Elijah ih a tuahmi hmuahhmuah, Baal profet pawl a thah òhehnak thu pawl cu siangpahrang Ahab in a nupi Jezebel a sim òheh. Cule Jezebel in Elijah hnenah thu a cah ih, “Baal profet pawl parih na tuah vekin thai sun atu tikcu ah na parih ka tuah ve lo a si ahcun khawzing pawl in keimah i that hai seh,” a ti. Cutikah Elijah cu a thin a phang ih a tlan. A hnenumpa thawn Judah ram Beersheba ah an feh.
Cutawkah a hnenumpa taan tahrat in, Elijah cu hramlak ah ni khat sung a feh. Thingpi hnuai ah a cawl ih a to; thih a duh sawn. “ Bawipa, tawk thlang seh, ka zuam nawn lo. Ka nunnak hi run la aw. Ziangahtile ka pu le ka pa pawl hnakih ka òhat deuh cuang si lo!” tiah thla a cam.
Thingpi hnuai ahcun a zau ih a it-thatta. Rinlopi ah vancungmi pakhat in a rung tham ih, “Tho awla rawl ei aw,” a ti. Cule a kiangkap a zoh tikah a lu kiangah em tharte sang zawlkhat le tidai thawl khat a hmu. A ei a in ih a itsal. Bawipa ih vancungmi cu a rasal ih a vei hnihnak a ra thamsal ih, “Tho awla rawl ei aw; lamzin ah na har tuk pang ding,” tiah a ti. Elijah cu a tho ih a ei a in hnuah a tha a umsal ih, ni sawmli le zan sawmli, Pathian ih tlang, tlang thianghlim, Sinai Tlang ah a feh. Cutawkih lungpuk sungah zan ah a riak.
Hmakhat teah Bawipa in a hnenah, “Elijah, hinah ziangso na tuah?” tiah a ti.
10 Elijah in, “ Bawipa, Ziangkimtithei Pathian, nangmah lawnglawng ka lo rian ih na hrangah ka òangzet a si. Sikhalsehla Israel mi pawl in nangmah thawn an thukammi cu an balsiat zo; na biakòheng pawl an bal ih na profet pawl an that òheh. Keimah lawnglawng ka tang ih atu ah keimah hman cu a thah in tum a si,” tiah a ti.
11 Cutikah Bawipa in, “Va suak awla tlang parah khin ka mithmuh ah va ding aw,” tiah a ti. Cule Bawipa cu a kiangte in a lan ih, thlisia a hranter ih tlang tla a hnin òheh ih lungto pawl tla an kuai òheh. Asinan Bawipa cu thli sungah a um lo. Thli a reh hnuah ling a hnin ciamco; asinain Bawipa cu linghnin sungah a um lo. 12 Linghnin a reh hnuah meisa a kang ciamco; asinain Bawipa cu meisa sungah a um lo. Cule meisa hnuah aw dimte pakhat a ra. 13 Cumi cu Elijah in a theih tikah a puan in a hmai a hup ih lungpuk sung ihsin a va suak ih a kaa kiangah a va ding. Cule aw in, “Elijah, hinah ziangso na tuah?” tiah a ti.
14 Elijah in, “ Bawipa, Ziangkimtithei Pathian, nangmah lawnglawng ka lo rian ih na hrangah ka òangzet a si. Sikhalsehla Israel mi pawl in nangmah thawn an thukammi cu an balsiat zo; na biakòheng pawl an bal ih na profet pawl an that òheh. Keimah lawnglawng ka tang ih atu ah keimah hman cu a thah in tum a si,” tiah a ti.Ref 19:10, 14 Rom 11:3;
15 Cutikah Bawipa in, “Kir awla Damaskas khua kiangih thlaler ramòhing in va feh aw. Khuapi sung na thlen tikah Hazael cu Siria i Siria timi hi Aram ti tla in an ti ih a hmin hlun a si. siangpahrang ah hriak culh awla,Ref 19:15 2 Siang 8:7-13; 16 Nimshi fapa Jehu cu Israel siangpahrang ah hriak culh aw. Nangmah a lo ai awhtu dingah Abel Meholah khua mi Shafat fapa Elisha cu hriak culh aw.Ref 19:16 2 Siang 9:1-6; 17 Hazael in ralnam thawn a that hai dingih a thah ngah lomi pawl cu Jehu in a that ding; cule Jehu ih a thah ngah lomi pawl cu Elisha in a that ding. 18 Asinan Israel ram sungah minung thawngsarih ka zuah ding, keimah i rinsantu, Baal khawzing hnenih lu a kun hrih lotu le a Baal lemzuk a hnam hrih lotu pawl an si,” tiah a ti.Ref 19:18 Rom 11:4;
Elisha Kawhnak
19 Elijah cu a va feh ih Shafat ih fapa Elisha kha cawcang pawl thawn lei a let rero a va hmu. Lei lettu cawcang pawl cu an zate in haal hleikhat an si ih Elisha cu a netabik haal thawn a òuan. Elijah in a puan a hlit ih Elisha parah a vun sin. 20 Cule Elisha in a cawcang haal cu a taan ih Elijah cu a hei dawi ih a hnenah, “Ka nu le ka pa cibaibuk in ka va hnamta dingih cuih hnuah ka lo thlun ding,” tiah a ti.
Elijah in, “A òha, va feh aw; ka lo kham lo,” a ti.
21 Elisha cu a cawcang haal khat umnak ah a va feh ih a that hai ih, cawsa cu a suang; caw hngawngkol cu a suannak zanthing ah a hmang. A suanmi cawsa cu misenpi a pek ih an ei. Cule Elijah cu a thlun ih a bawmtu ah a cang.