16
Bawipa in Hanani fapa profet Jehu hnenah, Baasha va sim dingah hitiin thu a sim: “Leivut lak ihsin ka lo cawisang ih ka minung Israel mi pawl ih siangpahrang ah ka lo tuah. Asinan na sual ih Jeroboam vekin Israel mi pawl na hruaisual a si. An sualnak in ka thin i hengter ruangah, Jeroboam parih ka tuah zo vekin na par khalah ka tuah dingih, nangmah le na sungkhat pawl cu ka lo hlon òheh ding. Khuapi sungih a thimi na sungkhat pawl cu uico in an ruak an ei ding. Hramlak ih a thimi pawl cu langta in an ruak an ei ding a si,” tiah a ti.
Baasha ih tuahmi dang hmuahhmuah le a ralòhatnak thu pawl cu Israel Siangpahrang Pawl Ih Thuanthu Cabu sungah an ngan òheh. Baasha cu a thi ih Tirzah ah an phum. Cule a fapa Elah in siangpahrang a run òuan.
Baasha le a sungkhat pawl parih Bawipa ih siatserhnak òongkam a thlentu cu profet Jehu a si. Baasha cu Bawipa ih parih a sual ruangah hibangtuk siatserhnak a hnenih a thlennak a si. Amah hlanih siangpahrang a òuantu Jeroboam vekin Baasha khalin òhatlonak a tuah ruang lawng ah si lo in Jeroboam le a innsang pawl an zate ih a thah òheh ruangah Bawipa ih thin a hengter a si.
Israel Siangpahrang Elah
Judah Siangpahrang Asa in ram a uknak kum kul hluanruk kum ah Baasha fapa Elah cu Israel siangpahrang a òuan ih Tirzah ihsin kum hnih sung a uk. Cule a kuthnuai ih bawi pakhat, siangpahrang rangleng hrek khat hotu Zimri in a phiar. Siangpahrang cu a inn kiltu pawl hotu Arza inn ih zu a rit lai ah, 10 Zimri cu a ra lut ih Siangpahrang Elah a thah hnuah amah in siangpahrang a run òuan. Himi cu Judah siangpahrang Asa in ram a uknak kum kul hluansarih kum ah a si.
11 Zimri cu siangpahrang a òuan ve tein Baasha ih innsang pawl hmuahhmuah a that òheh. A sungkhat le a rualpi òha mipa hmuahhmuah khal a that òheh. 12 Profet Jehu hmangin Baasha parih Bawipa ih òongkam a rak ummi vekin Baasha ih innsang pawl cu Zimri in a that òheh a si. 13 Baasha le a fapa Elah in milem an bia ih Israel an hruaisual ruangah Israel ih Pathian Bawipa a thin an hengter. 14 Elah ih tuahmi dang pawl hmuahhmuah cu Israel Siangpahrang Pawl Ih Thuanthu Cabu sungah an ngan a si.
Israel Siangpahrang Zimri
15 Judah Siangpahrang Asa ih ram uknak kum kul hluansarih kum ah Tirzah khua ihsin Israel ram cu Zimri in ni sarih sung a uk. Israel ralkap pawl in Filistin ram Gibbethon khuapi an do ih an kulh òheh fangah, 16 Zimri in an siangpahrang a phiar ih a that ti kha an theih tikah, cutawk rori ahcun anmah hotu ralbawi Omri cu Israel siangpahrang ah an tuah. 17 Omri le a ralkap pawl in Gibbethon khua cu an tlansan ih Tirzah khua sawn an kulh. 18 Zimri in a ral pawl kut ah a khuapi Tirzah a thleng zo ti a hmuh tikah, a innsung ral òannak sungtakhaan ah a lut ih siangpahrang inn cu meisa in a ur ih amah khal a kang that a si. 19 Hibangtuk vanduainak thil cu Bawipa parih a sual ruangah a suakmi a si. A ai awh mi Jeroboam bangtukin anih khal a sual ih Israel mi pawl khal a sualter thluh ruangah Bawipa cu a lungawiter lo. 20 Zimri ih tuahmi dang hmuahhmuah cu, mi a phiarnak thu thawn, Israel Siangpahrang Pawl Ih Thuanthu Cabu sungah an ngan a si.
Israel Siangpahrang Omri
21 Israel mi pawl cu òhenhnih ah an òhen aw: A hrekin Ginath fapa Tibni siangpahrang canter an duh, a hrekin Omri an òan. 22 A netnak ah Omri òantu pawl in an neh. Tibni cu a thi ih Omri siangpahrang ah a cang. 23 Cuticun Judah siangpahrang Asa in ram a uknak kum sawmthum le kum khat kum ah Omri cu Israel siangpahrang ah a cang. Israel ram kum hleihnih sung a uk. A hmaisa kum ruk sung cu Tirzah khua ihsin a uk. 24 Cuih hnuah Shemer timi pa hnen ihsin Samaria tlang cu tangka thawngruk in a lei. Omri in Samaria tlang cu ralhruang in a kulh ih cunah khuapi a din. A tlang rak neitu Shemer hmin suangin cuih khuapi hmin cu Samaria tiah a sak.
25 A hlanih siangpahrang a rak òuantu pawl hnakin Omri cu Bawipa ih parah a sual sinsin. 26 A hlanih siangpahrang a rak òuantu Jeroboam vekin, amah ih sualnak ruangah le Israel mi pawl milem biaknak le sualnak sungih a hruailut ruangah, Israel ih Pathian Bawipa cu a thin a hengter. 27 Omri ih tuahmi dang hmuahhmuah le a san sungih thil a cangmi pawl cu Israel Siangpahrang Pawl Ih Thuanthu Cabu sungah an ngan a si. 28 Omri a thi ih Samaria ah an phum. Cule a fapa Ahab in siangpahrang a run òuan.
Israel Siangpahrang Ahab
29 Judah siangpahrang Asa in ram a uknak kum sawmthum le kum riat kum ah Omri fapa Ahab cu Israel siangpahrang a cang ih Samaria khua ihsin kum kul hluanhnih sung a uk. 30 Amah hlanih siangpahrang a rak òuantu pawl hnakin Bawipa ih parah a sual sawn. 31 Siangpahrang Jeroboam vekih sualnak tuah cu tawk a ti hrih lo ih Sidon siangpahrang Ethbaal ih fanu Jezebel a òhi ih Baal khawzing tiangin a biak. 32 Samaria khuapi ah Baal khawzing hrangah biakinn a sak ih biakòheng a dawl ih biakinn sungah cun Baal khawzing cu a ret. 33 Zingnu Asherah biaknak ah a zarhmi thingserh khal a ret. Amah hlanih Israel siangpahrang a rak òuantu pawl hmuahhmuah hnakin amah pakhat in Israel ih Pathian Bawipa cu a luar in a thin a hengter. 34 Amah in Israel ram a uk sungah Bethel khuami Hiel in Jerikho khua cu a dinsal. Cutikah Nun ih fapa Joshua hmangin Bawipa in a rak sim cia vekin Jerikho khua din salnak an thok tikah Hiel ih fapa upa bik Abiram a thi ih kotka pawl an tuah lai ah a fapa nauta bik Segub a thi lala.Ref 16:34 Jos 6:26;