SIANGPAHRANG
(1 Kings)
Thuhmaihruai
1 Siangpahrang cabu sungah hin Samuel cabu sungih Israel thuanthu kha a pehzommi a si. Hi cabu hi òhen thumih òhen a theih.
(1) Solomon ih Israel le Judah siangpahrang a sinak le a pa David ih thihnak thu.
(2) Solomon ih uknak le nehnak. A hleice ih hminsin tlakmi cu Jerusalem Biakinnpi thu a si.
(3) Rampi saklam uknak le thlanglam uknak tiih an òhen awk thu. Cule a cuih ram cu BC 850 tiang a uktu siangpahrang pawl ih thuanthu khal a um.
Siangpahrang cabu uk hnih sungah cun uktu pawl kha Pathian hnenah rin an tlak maw tlak lo timi in lai a rel ih an hnaòuannak an hlawhtlin le hlawhtlin lo ding khal cumi parah a òhum aw. Milem biaknak le thungai lonak hin siatralnak a thlenpi. Saklam ram siangpahrang pawl cun himi pawl hi an tlolh thluh. Thlanglam Judah siangpahrang pawl cu hlawhtling le tling lo an um.
Siangpahrang pakhatnak cabu ahhin a langlaar deuh pawl cu Bawipa ih profet pawl ih hnaòuannak a si ih cupawl cun ralòha zet in milem biak lo ding le Pathian thu ngai ding kha an forh. Cumi pawl lakih hminsin tlak hminthang cu Elijah a si ih Baal profet pawl thawn in an zuamawknak kan hmu.
1
David A Tar Zo
Siangpahrang David cu a tar zet zo ih puan an thuah rero nain a khua a hlum thei lo. Curuangah a kuthnuai ih bawi pawl in, “Siangpahrang bawipa, na hnenih um dingah le a lo tuamhlawmtu dingah fala pakhat kan hawl pei. Na hnenah a it pei ih na khua a hlum ding,” tiah an ti. Israel ramsung hmuahhmuah ah fala mawi an hawl ih Shunem khua ah Abishag timi fala an hmu ih siangpahrang hnenah an rak hruai. Abishag cu fala mawi zet a si ih siangpahrang bawipa cu òha tein a zoh ih a tuamhlawm. Asinan siangpahrang bawipa cun nupi vekin a ihpi lo.
Adonijah In Siangpahrang A Cuh
Absalom a thih hnuah David le Haggith ih fapa AdonijahRef 1:5 2 Sam 3:4; cu a nungmi lakah fapa upa bik a si. Mi piang zet a si ih siangpahrang can a tum ringringmi a si ih “Siangpahrang ka si ding” a ti òheu. Asinan ziangthu hmanah David in a kawk dah lo. Adonijah in amah ih hrangah rang le rangleng pawl a ret ih, amah kilvengtu dingah minung sawmnga a ret. Adonijah in Zeruiah fapa Joab le puithiam Abiathar tla a tong ih annih khalin a tummi cu an lungkimpi. (Zeruiah cu Joab ih nu a si.) Asinan puithiam Zadok, Jehoiada fapa Benaiah, profet Nathan, Shimei, Rei le David kilvengtu ralkap pawl cu Adonijah lamah an òang lo.
Veikhat ah Adonijah in Enrogel tikhur kiangih a ummi Roheleth Lungpi an timi hmunah thawinak a pek ih tuu le caw le a thau zetmi caw faate tampi a that ih, rawl ei dingah a unau dang pawl le siangpahrang David kuthnuai ih bawi pawl a sawm thluh. 10 Asinan a nau Solomon le profet Nathan le Benaiah cu a sawm lo. Siangpahrang kilvengtu pawl khal zohman a sawm lo.
Solomon Siangpahrang A Cang
11 Cule Nathan cu Solomon ih nu Bathsheba hnenah a feh ih, “Haggith fapa Adonijah siangpahrang a cang zo a si tihi na thei zo lo maw? Cuih thu cu siangpahrang David in zianghman a thei lo.Ref 1:11 2 Sam 12:24; 12 Nangmah ih nunnak le na fapa Solomon ih nunnak na hum duh a si ahcun na tuah dingah thu ka lo sim ding. 13 Siangpahrang David hnenah zamrang tein va feh awla a hnenah, “Maw Siangpahrang bawipa, ka fapa Solomon cu nangmah ih ai awhtu si dingah thu i kam zo a si lo maw? Ziangtinso atu ah Adonijah sawn siangpahrang ih a can riangri?” tiah va ti aw. 14 Cutiih siangpahrang bawipa na biak lai ahcun keimah khal ka rung lut dingih na thusimmi a dik a si tinak ka ra sim ve ding,” tiah a ti.
15 Curuangah Bathsheba cu siangpahrang ihnak khaan ah David tong dingah a feh. David cu a kum a upa zet thlang a si ruangah Shunem mi falanu Abishag cun a rak tuamhlawm rero. 16 Bathsheba cu Siangpahrang David hmaiah a kun ih David in, “Ziangso na hai?” tiah a rak sut.
17 Cutikah Bathsheba in, “Siangpahrang bawipa, ka fapa Solomon cu nangmah ih ai awhtu siangpahrang si dingah Bawipa na Pathian hmin saal in thu na kam zo a si. 18 Sikhalsehla atu ah Adonijah siangpahrang a cang zo ih nang in cuih thu cu zianghman na thei lo. 19 Caw tampi le tuu le a thaumi caw faate tampi that in, thawinak a pe ih, rawl eitlangnak ah na fapa pawl, puithiam Abiathar le ralkap hotu bawi Joab pawl a sawm a si. Asinan na fapa Solomon cu a sawm lo. 20 Maw Siangpahrang bawipa, nangmah hnuah zoso siangpahrang a òuan ding ti theih duh ah, ziangtikah so siangpahrang bawipa in thu in than ding tiah Israel mi hmuahhmuah in nangmah lawng an lo zoh a si. 21 Na simta lo a si ahcun, na thih hnuah keimah le ka fapa Solomon cu mi zuarthlaitu tluk ah in tuah ding a si,” a ti.
22 Cutiih a òong rero lai ahcun, 23 profet Nathan a ra thleng, tiah siangpahrang bawipa cu an sim. Cule Nathan cu a vung lut ih, siangpahrang hmai ahcun a kun ih, 24 siangpahrang bawipa cu, “Maw Siangpahrang bawipa, Adonijah cu nangmah ai awh dingah na than zo maw si? 25 Tuih sun ah thawinak hmunah a feh ih caw tampi le tuu le a thaumi caw faate tampi that in, thawinak a pe; na fapa pawl, na ralkap hotu bawi Joab le puithiam Abiathar a sawm. Atu ahhin rawl einak puai an tuah ih, “Siangpahrang Adonijah a nunkhua sauseh,” tiah an au ciamco. 26 Asinan keimah le, puithiam Zadok le, Benaiah le, Solomon cu in sawm lo. 27 Na kuthnuai bawi pawl hman nangmah ih ai awhtu zo a si ding ti na sim hrih lo ih hibangtuk thil an tuah hi siangpahrang bawipa nangmah ih lungkimmi a si maw?” tiah a ti.
28 Cutikah Siangpahrang David in, “Bathsheba hei kosal uh,” a ti. Bathsheba cu a rung lut ih David ih hmai ahcun a ding. 29 Cule Siangpahrang David in Bathsheba hnenah, “Harsatnak a phunphun ihsin i humhimtu Bawipa hmin saal in thu ka lo kam a si: 30 Na fapa Solomon cu keimah ai awhtu siangpahrang a si ding, tiah Israel ih Pathian Bawipa hmin saal in thu ka lo kam cia mi cu tuih sun ah ka kimter ding,” tiah a ti.
31 Cutikah Bathsheba cu a kun ih, “Siangpahrang ka bawipa cu a nunkhua sau hram seh,” tiah a ti.
32 Siangpahrang David in Zadok, Nathan le Benaiah ko dingin thu a pek. An ra thleng ih, 33 an hnenah, “Ka kuthnuai ih bawi pawl thawn feh uhla ka fapa Solomon cu ka rang parah toter uhla, Gihon Tivate ah vun thlun uh. 34 Cutawkah puithiam Zadok le profet Nathan in Solomon cu Israel siangpahrang ah hriak nan culh pei. Cule tawtawrawt nan tum pei ih, “Siangpahrang Solomon a nunkhua sau hram seh,” tiah nan au pei. 35 Cun hitawkah nan hun thlunsal pei ih ka siangpahrang tohkham parah a to pei. Solomon cu Israel le Judah uktu dingih ka hril zomi a si ruangah keimah ai awhtu a si pei,” tiah a ti.
36 Cutikah Jehoiada fapa Benaiah in, “Na sim vekin tuah a si pei. Bawipa na Pathian in hngetter hram seh. 37  Bawipa Pathian cu nangmah siangpahrang bawipa hnenih a um vekin Solomon hnen khalah um hram sehla, a uknak cu nangmah ih uknak hnak hman in òhangso sin hram seh,” tiah a ti.
38 Cule Zadok le Nathan le Benaiah le siangpahrang kiltu ralkap pawl in Solomon cu Siangpahrang David ih rang parah an toter ih Gihon Tivate ahcun an vun fehpi. 39 Puanthlam thianghlim sung ihsin a rak kenmi olif hriak dur cu Zadok in a la ih Solomon hriak a culh. Cuthluh in tawtawrawt an tum ih an zate in, “Siangpahrang Solomon a nunkhua sau hram seh,” tiah an au. 40 Siangpahrang Solomon cu an zate in siangpahrang inn ah an hun thlunsal ih, phirivau tum phahin, lungawi aipuang in an au ciamco ih cuih an thawmvang ruangah leilung tiang a hnin òheh.
41 Adonijah le a sawmmi pawl in an rawl ei an òheh zawng ah cuih thawmvang cu an thei. Joab in tawtawrawt tummi cu a theih tikah, “Khuasung ih thawmvang cu ziangso a si?” a ti. 42 A òong hman a cem hlanah puithiam Abiathar ih fapa Jonathan a ra thleng. Cule Adonijah in Jonathan hnen ahcun, “Rung lut aw. Nang cu rinsan tlak na si ih thu òha na rak keng hmang ding,” a ti.
43 Jonathan in, “Thu òha a si lo. Siangpahrang bawipa David in Solomon cu siangpahrang ah a tuah zo. 44 David in Zadok le Nathan le Benaiah le siangpahrang kiltu ralkap pawl a thlah ih Solomon an thlun. Siangpahrang ih rang an toter ih, 45 Gihon Tivate ah Zadok le Nathan in hriak an culh. Cule an kir ih mi hmuahhmuah lungawi in an au ih khuapi sung cu a buai celcel a si. Nan theihmi cu cuih thawmvang a si. 46 Solomon cu siangpahrang a si zo. 47 Cuih tlunah siangpahrang kuthnuai ih bawi pawl siangpahrang David hnenah an feh ih upatnak an pek hnuah, “Na Pathian in Solomon cu nangmah hnakih hminthang deuh ah tuah hram seh. A uknak cu nangmah ih uknak hnakin òhangso hram seh,” an ti. Cule Siangpahrang David cu Pathian upat in a ihkhun parah a lu a kun ih, 48 “Ka sungsuak ka faate pakhat cu keimah ai awhtu siangpahrang ih a tuah ruangah le cumi hmuta dingih ka nunnak i zuah ruangah Israel ih Pathian, Bawipa cu thangòhat in um seh,” tiah thla a cam,” tiah a ti.
49 Cutikah Adonijah ih rualpi pawl cu thinphang in an pok ih anmah ih duhnak ciar ah an tlung. 50 Adonijah khal Solomon a òih ruangah a thin a phang ih Puanthlam Thianghlim sungah a feh ih biakòheng ki pawl a va pom.a Biakòheng ki a pom Biakòheng kilah ki vek a simi thingzum pali an bun ih cumi pomtu cu thah daan a si lo. 51 Adonijah in Solomon a òih ruangah biakòheng ki a pom ti kha Siangpahrang Solomon an sim. Adonijah in, “Hmaisabik ah, keimah that lo dingin Siangpahrang Solomon in ka hnenah thu kamseh,” tiah a ti ih cumi khal Siangpahrang Solomon hnenah an sim.
52 Cutikah Solomon in, “Ka hnuai ih a dor a si ahcun a lu parih samphang khat hman dai a si lo pei. Asinan ka hnuai ih a dor lo ahcun a thi pei,” tiah a ti. 53 Cule Siangpahrang Solomon in Adonijah cu a ko ih biakòheng ihsin an va hruai. Adonijah cu a ra ih siangpahrang hmai ahcun a kun. Solomon in, “Inn ah va tlung aw,” a ti.