23
Joshua Ih Thucahmi
Tikcu a hung rei ih an kiangkap ih an ral pawl thawn daihnak Bawipa in Israel mi hnenih a pek hnuah Joshua cu a tar zet thlang. Cutikah Israel mi hmuahhmuah an upa pawl, an hruaitu pawl, thureltu pawl le an bawi pawl thawn a ko ih, “Kei hi ka tar zet thlang. Bawipa nan Pathian in nanmah ih ruangah hi ram ih a rak ummi miphun pawl parah thil a tuahmi cu nan hmu thluh zo. Nanmah lam òang in Bawipa nan Pathian in ral a do a si. Ngai uh; kan neh hrih lomi miphun pawl siseh, kan neh zomi nisuahnak lamah Jordan ihsin nitlaknak lamah Mediterranean Tifinriat tiang a ummi miphun pawl siseh, nanmah pawl ih nan co dingah ka lo pe zo a si. Bawipa nan Pathian in hi miphun pawl cu nan hmai ihsin a dawi dingih an tlan vivo ding. Cule Bawipa nan Pathian ih a lo tiamkam vekin an ram cu nan luah ding. Curuangah cak zet le fimkhur zet in nung uh. Moses ih pekmi Daan cabu sungih an ngan vekin tuah uhla thlun uh; malte hman vorhlamah siseh, kehlamah siseh, pial hlah uh. Nanmah lakih a tang hrihmi hi ram minung pawl thawn cawkrawi aw in òhi aw hlah uh; an khawzing pawl ih hmin tla saal hlah uh, an hmin in siatcamnak khal tuah hlah uh, an hna khal òuan hlah uhla an hmaiah nan lu khal kun hlah uh. Tuih sun tiang Bawipa nan pomhnget bangin hmailam khalah pomhnget ringring uh. Bawipa in a cakmi le a nasa zetmi miphun cu, hmailam nan nor vivo tikah, a rak dawi ih a lo do theitu zohman an um hrih lo. 10 A lo tiamkam bangtukin nanmah òan in Bawipa nan Pathian in a do ruangah nanmah lakih mi pakhat hman in nan ral thawngkhat nan dawi thei a si.Ref 23:10 Daan 3:22; 32:30; 11 Cuti a si ruangah Bawipa nan Pathian duhdawtu si dingah fimkhur zet in nung uh. 12 Dunglet her tahrat in nan kiangih a um hrihmi miphun pawl hi nan kom ih nan òhitawk a si ahcun, 13  Bawipa nan Pathian in hi miphun pawl cu a dawi nawn lo ding, ti kha atu ihsin thei cia uh. Nan hrangah kawrhrum bangtuk le thang bangtukin òihnungza an si pei ih nan zaang vuaknak fung le nan mit sungih hling bangin nan tuar ding. Bawipa nan Pathian in a lo pekmi hi ramòha ihsin nan cem thluh lai hlan lo cuticun nan tuar ding a si.”
14 “Kei cu ka thi cing ding. Bawipa nan Pathian in thil òha a lo tiamkammi hmuahhmuah cu a zate in tlamtling zet in a kimter thluh zo, ti cu nan thinlung zate in nan theih kerker thluhmi a si. A tiamkammi hmuahhmuah cu a kimter thluh zo, pakhatte hman a pelh lo. 15  Bawipa nan Pathian in tuahsuak dingih a lo tiamkam mi hmuahhmuah cu a tuah òheh zo a si. Sikhalsehla nan tlunih thil òha a tuahsuaktu Pathian ih thu nan thlun lo a si ahcun nan parah thil òha lo a thlenter ding. 16  Bawipa nan Pathian in thlun ding tiih thu a lo pekmi thukamnak cu nan thlun lo ih khawzing dangdang tla nan thlun ih nan biak sawn a si ahcun nan parah a thin a heng dingih a lo pek cia mi hi ramòha ahhin milai pakhat hman tang lo in nan cemral thluh ding a si,” tiah a ti.