21
Levi Mi Ih Khuapi Pawl
1 Levi hrin hotu pawl cu puithiam Eleazar, Nun ih fapa Joshua le Israel miphun an hrin ciar ih hotu pawl hnenah an ra ih,
2 Kanaan ram ih an riahnak Shiloh ahcun an hnenah, “Moses hnen ihsin Bawipa ih thupekmi bangtukin kan umnak hrangah khuapi pawl le kan òilva hrangah tlimno umnak ram cu in pe ve hram uh,” tiah an ra dil.Ref 21:2 Mipum 35:1-8;
3 An dil vek le Bawipa ih thupekmi bangtukin Israel mi pawl cun anmah ih comi ramsung ihsin khuapi le òilva tlannak ram pawl cu Levi mi hnenah an pek.
4 Levi mi lakah hmaisabik ih khuapi pekmi pawl cu Kohath hrin an si. Puithiam Aaron ih cithlahmi Levi mi pawl cu Judah, Simeon, le Benjamin hrin pawl ih ram ihsin khuapi hleithum an pek.
5 A tangmi Kohath hrin pawl cu Efraim, Dan le Nitlak lam Manasseh hrin a hrek pawl ih ram ihsin khuapi pahra an pek.
6 Cun Gershon mi pawl cu Issakhar, Asher, Naftali le Bashan ih a ummi Nisuah lam Manasseh hrin pawl ih ram ihsin khuapi hleithum an pek.
7 Merar hrin pawl cu Reuben, Gad le Zebulun hrin pawl ih ram sungin khuapi hleihnih an pek.
8 Cuticun Moses hnenih Bawipa ih thupek bangtukin camcawhfung zuuk in Israel mi pawl cun an khuapi pawl le òilva tlannak ram pawl tla cu Levi mi hnenah an pek a si.
9 Judah le Simeon phun pawl ih khuapi pawl lak ihsin Levi mi,
10 Aaron tefa pawl lakih Kohath sungkhat pawl an pekmi khuapi cu hihi an si. Anmah cu hmaisabik ih pekmi an si.
11 Judah tlangpar ram Hebron timi Kiriath Arba khua le a kimvel ram cu Kohath mi hnenah an pek. Arba cu Anak ih pa a si.
12 Asinan Kiriath Arba khua kiangih lo le khuate pawl cu Jefunneh ih fapa Kaleb an pek.
13 Cun puithiam Aaron ih tefa pawl hnenih an pekmi khua (mithattu rolnak) Hebron khua tlunah Libnah,
14 Jattir, Eshtemoa,
15 Holon, Debir,
16 Ain, Juttah, le Beth Shemesh khua pawl, an kiangkap òilva tlannak ram pawl thawn an pek a si. Judah le Simeon phun pawl ih ram sungin khuapi pakua pek an si.
17 Cule Benjamin hrin pawl ih ram sungin Gibeon, Geba,
18 Anathoth le Almon khua pawl, khuapi pali cu an òilva tlannak ram pawl thawn an pek.
19 Puithiam Aaron ih tefa pawl puithiam hna a òuantu pawl hnenah an òilva tlannak ram pawl thawn a zate in khuapi hleithum an pek.
20 Levi miphun Kohath ih hrin pawl cu Efraim hrin ram sungin khuapi hrekkhat pek an si.
21 An pekmi cu Efraim tlangpar ram ih ummi Shekhem khua le a kiangkap ram pawl (Shekhem cu mi thattu rolnak ih hrilmi khua a si), Gezer khua,
22 Kibzaim khua le Beth Horon khua, an òilva tlannak ram thawn a zate in khuapi pali an si.
23 Dan hrin pawl ih hnenin Eltekeh, Gibbethon,
24 Aijalon, le Gath Rimmon, a zate in khuapi pali cu an òilva tlannak ram pawl thawn an pek.
25 Nitlaknak lam Manasseh a hrek ram in Taanak le Gath Rimmon khuapi pahnih cu an òilva tlannak ram pawl thawn pek an si.
26 Curuangah Kohath ih hrin pawl cun an òilva tlannak ram pawl thawn khuapi pahra an co.
27 Levi hrin a si vemi Gershon mi pawl cun nisuahnak lamih ummi Manasseh hrin pawl hnen ihsin khuapi pahnih an co. Bashan pengah mi thattu rolnak khua Golan khua le, Beeshterah khua, an òilva tlannak ram pawl thawn an co.
28 Issakhar hrin hnen ihsin Kishion, Daberath,
29 Jarmuth, le En Gannim khuapi pawl, an kiangkap ih òilva tlannak ram pawl thawn, khuapi pali an co.
30 Asher hrin hnen ihsin, Mishal, Abdon,
31 Helkath le Rehob khuapi pawl, khuapi pali, an kiangkap ih òilva tlannak ram pawl thawn an ngah a si.
32 Naftali hrin hnen ihsin, Galilee pengih Kedesh khua (Kedesh cu mithattu rolnak khua a si), Hammoth Dor khua le Kartan khua pawl, khuapi pathum, an kiangkap ih òilva tlannak ram pawl thawn an ngah.
33 Curuangah Gershon hrin pawl ih ngahmi khuapi pawl cu a kiangkap ih òilva tlannak ram pawl thawn a zate in hleithum a si.
34 Levi hrin thotho a simi Merari mi pawl cun Zebulun hrin hnen ihsin Jokneam, Kartah,
35 Dimnah le Nahalal khuapi pawl, a zate in khuapi pali, an kiangkap ih òilva tlannak ram pawl thawn an ngah.
36 Reuben hrin hnen ihsin Bezer, Jahaz,
37 Kedemoth, le Mefaath khua pawl, khuapi pali, an kiangkap ih òilva tlannak ram pawl thawn an ngah.
38 Gad hrin hnen ihsin Gilead pengah Ramoth (Ramoth cu mithattu rolnak khua) le Mahanaim,
39 Heshbon, le Jazer khua pawl, khuapi pali, an kiangkap ih òilva tlannak ram pawl thawn an ngah.
40 Curuangah Levi hrin Merari mi pawl in a zate in khuapi hleihnih an co a si.
41 Israel ih comi ramsung ihsin a zate in khuapi sawmli le pariat cu Levi mi hnenah an pek a si.
42 Hi khuapi pawl kiangkap ah òilva tlannak ram a um thluh.
Israel Mi In Kanaan Ram An Luah
43 Bawipa in an pupa pawl hnenih a rak tiam cia bangtukin Israel mi hnenah Kanaan ram cu a pek. Ram an lak òheh tikah umhmun an khuar ih an um.
44 Cule an pupa pawl hnenih a rak tiam cia bangtukin an ramsung le an kiangkap hmunkipah daihnak a um. Bawipa in nehnak a pek ruangah an ral ziangbangtuk hman in Israel mi cu an neh dah lo.
45 Bawipa in Israel mi hnenih a tiamkammi hmuahhmuah cu pakhat hman a pelh mi a um lo; a zate in a kim thluh a si.