19
Simeon Hrin Ih Comi Ram
A pahnihnak ih zemmi cu Simeon hrin an si. An comi ram cu Judah hrin ih comi ram a thleng. An ram sungah Beersheba (asilole Sheba), Moladah, Hazar Shual, Balah, Ezem, Eltolad, Bethul, Hormah, Ziklag, Beth Markaboth, Hazar Susah, Beth Lebaoth, le Sharuhen khuapi pawl an um. Khuapi hlei thum le an kiangkap ih khuate pawl tla an si.
A dang khuapi pawl cu, Ain, Rimmon, Ether, le Ashan an si. Khuapi pali le an kiangkap ih khuate pawl tla an si. Hi khuapi kiangkap ih a ummi khuate hmuahhmuah cu Baalath Beer le Negev ram ih Ramah kiangkap tiangin an tel thluh a si. Himi cu Simeon hrin pawl ih an comi ram a si.Ref 19:8 1 San 4:28-33; Judah ih comi ram cu an hrangih a kauh tuk ruangah an ram sungah Simeon hrin in comi ram an nei.
Zebulun Hrin Ih Comi Ram
10 A pathumnak ih zemmi cu Zebulun hrin pawl ih comi ram a si. An ngahmi ram cu Sarid tiang a thleng. 11 An ramri cu Sarid ihsin nitlaknak lamah a so ih Mareal a thleng; Dabbesheth kap le Jokneam ihsin nisuahnak lamih tiva kap in a feh. 12 Sarid khua ihsin khatlam kapih ramri cu nitlaknak lamah a feh ih Kisloth Tabor ihsin Daberath ah a so ih Jafia a hung thleng. 13 Cutawk ihsin nisuahnak lamah a feh ih Gath Hefer le Eth Kazin a thleng ih Neah lamah a kel ih Rimmon lamzin a tan phah. 14 Saklam ramri cu Hannathon lamah a kel ih Iftah El horkuam ah a netnak a si. 15 An khuapi pawl cu Kattath, Nahalal, Shimron, Idalah, le Bethlehem an si. An zate in khuapi hleihnih an um ih an kiangkap ah khuate pawl tla an um. 16 Hi khuapi le khuate pawl hmuahhmuah cu Zebulun hrin pawl ih comi an si.
Issakhar Hrin Ih Comi Ram
17 A palinak ih zemmi ram cu Issakhar hrin pawl ih comi ram a si. 18 An ram sungah cun Jezreel, Kesulloth, Shunem, 19 Hafaraim, Shion, Anaharath, 20 Rabbith, Kishion, Ebez, 21 Remeth, En Gannim, En Haddah, le Beth Pazzez khuapi pawl tla an um. 22 An ramri cu Tabor, Shahazumah, le Beth Shemesh khua pawl tla a dai phah ih Jordan tiva ah a netnak a si. An zate in khuapi hlei ruk an um ih an kiangkap ah khuate dang pawl khal an um. 23 Hi khuapi le khuate pawl cu Issakhar hrin pawl ih comi ram a si.
Asher Hrin Ih Comi Ram
24 A panganak ih zemmi cu Asher hrin pawl an si. 25 An ram sungah Helkath, Hali, Beten, Aksaf, 26 Allam Melek, Amad, le Mishal khuapi pawl an um. An ramri cu nitlaknak lamah Karmel le Shihor Libnath a thleng. 27 Cun nisuahnak lamah Beth Dagon lamah a kel ih Zebulun ramri dai phahin Iftah El horkuam ihsin saklam ah Beth Emek le Neiel a hung thleng. Cutawk ihsin a sosal ih Kabul, 28 Ebdon, Rehob, Hammon, Kanah, le Sidon khawtumpi tiang a hung thleng. 29 Cule Ramah lamah a kel ih ralhruang in kulhmi Òaiar khuapi a va thleng. Cun a kelsal ih Hosah ihsin Mediterranean Tifinriat ah a netnak a si. Khuapi dang pawl cu Mahalab, Akzib, 30 Ummah, Afek, le Rehob an si. An zate in khuapi kul hluanhnih an um ih an kiangkap ah khuate pawl tla an um. 31 Hi khuapi le khuate pawl cu Asher hrin pawl ih comi ram sungih ummi khua an si.
Naftali Hrin Ih Comi Ram
32 Paruknak ih zemmi cu Naftali hrin pawl an si. 33 An ramri cu Helef ihsin Zaanannim ih a ummi sasua kung in a feh ih Adami-nekeb le Jabneel ihsin Lakkum tiang, cule Jordan ah a netnak a si. 34 Nitlaknak lam ahcun a feh vivo ih Aznoth Tabor tiang a thleng; cutawk ihsin Hukkok ah a kel ih thlanglam ah Zebulun ramri, nitlaknak lamah Asher ramri le nisuahnak lamah Judah ramri Jordan tiva ah a netnak a si. 35 Ralhruang ih kulhmi khuapi pawl cu Ziddim, Zer, Hammath, Rakkath, Khinnereth, 36 Adamah, Ramah, Hazor, 37 Kedesh, Edrei, En Hazor, 38 Yiron, Migdal El, Horem, Beth Anath, le Beth Shemesh tla an si. An zate in khuapi hleikua an um ih an kiangkap ah khuate pawl tla an um. 39 Hi khuapi le khuate pawl cu Naftali hrin pawl comi ram sungih ummi khua an si.
Dan Hrin Ih Comi Ram
40 Pasarihnak ih an zemmi cu Dan hrin pawl an si. 41 An ram sungah Zorah, Eshtaol, Ir Shemesh, 42 Shaalabbin, Aijalon, Ithlah, 43 Elon, Timnah, Ekron, 44 Eltekeh, Gibbethon, Baalath, 45 Jehud, Bene Berak, Gath Rimmon, 46 Me Jarkon, le Rakkon khuapi pawl le Joppa khua ralkhat ih a ummi ram tla an tel. 47 Dan hrin pawl ih ram cu lon a si tikah Leshem ah Dan hrin pawl cu an feh ih an va do. A cuih khua cu an neh ih khuasungmi pawl an thah thluh. Anmah ih hrangah an ham ih an luahta. Cule an pu Dan ih hmin suangin cuih khuapi hmin cu Leshem ihsin Dan ah an thleng.Ref 19:47 Thuò 18:27-29; 48 Hi khuapi le khuate pawl cu Dan hrin pawl ih comi ram sungih ummi khua an si.
Ram Zem Netnak
49 Israel mi pawl ram an zem awk òheh tikah, Nun ih fapa Joshua khal a co dingah ram an pek ve. 50  Bawipa ih thupekmi thlun in amah Joshua ih dilmi Efraim tlangpar ram ih khuapi Timnath Serah an pek. Cuih khuapi cu Joshua in a saksal ih cunah a umta.
51 Shiloh ih an sakmi Bawipa umnak Puanthlam sangka kiangah puithiam Eleazar, Nun ih fapa Joshua le Israel miphun pawl ih sungkhat ciar hotu pawl cun camcawhfung zuk in Bawipa ih duhnak vekin ram cu an zem aw. Cuticun ram an zemawknak cu an òheh a si.