15
Judah Comi Ram
A hnuailam ih ram cu Judah hrinmi innsang khat ciar ih comi ram a si:
An ram cu thlanglam ah Edom ramri ihsin thlanglam bik ih Zin nelrawn tiang a si. Hi thlanglam an ramri cu Tipi Thi ih thlanglam tikel ihsin, thlanglam ah a vung ih Akrabbim tlangkawn ihsin Zin tiang a si. Cule Negev ihsin Kadesh Barnea tiang a hung ih Hezron a lan ih Addar tiang; cule Karka lamah a feh ih, Azmon lamih a feh hnuah Izipt ramri ih tiva thlun in Mediterranean Tifinriat a thleng ih cutawkah a net. Judah ram ih thlanglam ramri cu, cubangtuk in a si.
Nisuahnak lamih an ramri cu Tipi Thi a si ih saklam ah Tipi Thi sungih Jordan tiva a vung luhnak kaa tiang a si. Cutawk tikel ihsin saklam ramri a thok ih, Beth Hoglah le saklam sin ah Beth Arabah tiang a si. Cutawk ihsin saklam ah Bohan ih Lungpi tiang, Bohan cu Reuben ih fapa a si; cule Akhor, Harsatnak Horkuam an timi ihsin Debir tiang saklam ah a hung so ih horkuam thlanglam kapih a ummi Adummim tlangkawn a vun hoihtu Gilgal lamah a kel. Cutawk ihsin Enshemesh ih cerh pawl le Enrogel lamah a phei ih, Hinnom fapa ih phairawn an timi ihsin a so ih Jerusalem khua a umnak Jebus tlangtluan ih thlanglam ah a hung. Cule Refaim phairawn ih saklam zimah nitlaknak lam Hinnom phairawn thawn a zawn aw mi tlangzim ihsin a hung. Cutawkih tlangzim ihsin Neftoah ih Cerhti umnak ah a hung ih Efron Tlang kiangih khuapi pawl a hung thleng. Cule Baalah, asilole Kiriath Jearim, lamah a keel ih, 10 Baalah ih nitlaknak lam ihsin Seir tlang a vel ih Jearim, asilole Khesalon, Tlang ihsin Beth hemesh a vung thleng ih Timnah a lan. 11 Cule an ramri cu Ekron ih saklam tlangtluan ah a hung feh ih Shikkeron lamah a keel ih Baalah Tlang a lan hnuah Jabneel a thleng. An ramri cu Mediterranean Tifinriat a thleng ih cutawk cu a netnak a si.
12 Nitlaknak lam ramri cu Mediterranean Tifinriat a si. Judah hrin sungkhat pawl ih ramri cu a tlunih kan timi bangtukin a si.
Kaleb In Hebron Le Debir A Neh
(Thuò1:11-15)
13  Bawipa in Joshua hnenih a sim bangtukin Judah hrin Jefunneh ih fapa Kaleb hnenah Judah mi pawl ih ram a hrekkhat cu pek a si. A cuih khua pakhat cu Hebron a si. Hebron cu Anak ih pa Arba ih khuapi a si. 14 Cutikah Anak ih fapa pathum, Sheshai, Ahiman, le Talmai pawl cu hi khua ihsin a dawisuak.Ref 15:13, 14 Thuò 1:20; 15 Cuih hnuah Kaleb cu a feh ih Kiriath Sefer tiih an rak kawh òheumi, Debir khuami pawl a do. 16 Cutikah Kaleb cun, “Kiriath Sefer khua a neh theitu cu ka fanu Aksah ka pe ding,” tiah a ti. 17 Cule Kaleb ih unau Kenaz ih fapa Othniel in cuih khua cu a lak; curuangah Kaleb in a fanu Aksah cu a pek. 18 A pasal Othniel hnenih a thlen tikah a pa Kaleb hnen ihsin lo pakhat dil dingah a pasal Othniel cun a rak fial. A fial vekin a pa Kaleb hnen ahcun laak in a va feh. Laak par ihsin a òum tikah a pa cun, “Ziangso na poi?” tiah a rak sut. 19 Cutikah Aksah in, “Thil ka lo dil duhmi a um. Negev ramcar ih ram i pek ruangah tikhur kan òul ih i zangfah hram aw,” tiah a ti. Curuangah a pa cun saklam tikhur le thlanglam tikhur a rak pek.
Judah Ram Ih Khuapi Pawl
20 Judah hrin an innsang ciar ih an comi ram cu hihi an si: 21 An comi khuapi pawl, Edom ram kiangih a ummi, thlanglam bik khuapi pawl cu, Kapzeel, Eder, Jagur, 22 Kinah, Dimonah, Adadah, 23 Kedesh, Hazor, Ithnan, 24 Zif, Telem, Bealoth, 25 Hazor Hadattah, Kerioth Hezron (asilole Hazor), 26 Amam, Shema, Moladah, 27 Hazar Gaddah, Heshmon, Beth Pelet, 28 Hazar Shual, Beersheba, Biziothiah, 29 Baalah, Iim, Ezem, 30 Eltolad, Khesil, Hormah, 31 Ziklag, Madmannah, Sansannah, 32 Lebaoth, Shilhim, Ain le Rimmon an si. A kiangkap ih khuate pawl thawn an zate in khua kul hluankua an si.
33 Tlang hramih khuapi pawl cu, Eshtaol, Zorah, Ashnah; 34 Zanoah, En Gannim, Tappuah, Enam, 35 Jarmuth, Adullam, Sokoh, Azekah, 36 Shaaraim, Adithaim, Gederah, le Gederothaim an si. An kiangkap ih khuate pawl thawn an zate in khua hleili an si.
37 Cuih tlunah Zenan, Hadashah, Migdal Gad, 38 Dilean, Mizpah, Joktheel, 39 Lakhish, Bozkath, Eglon, 40 Kabbon, Lahmam, Khitlish, 41 Gederoth, Beth Dagon, Naamah, le Makkedah khuapi pawl tla an tel. An kiangkap ih khuate pawl thawn an zate in khua hleiruk an si.
42 Khuapi dang pawl cu Libnah, Ether, Ashan, 43 Iftah, Ashnah, Nezib, 44 Keilah, Akzib, le Mareshah an si. An kiangkap ih khuate pawl thawn an zate in khua kua an si.
45 Cun Ekron khuapi, a kiangkap ih ummi khuapi le khuate pawl le, 46 Ekron le Tifinriat karlak ih ummi, Ashdod khua kiangih khuate pawl tla an tel.
47 Cule Ashdod le Gaza tla, an kiangkap ih khuate pawl thawn an tel ih Izipt ramri ih tiva le Mediterranean Tifinriat a thleng.
48 Tlangpar ram ih khuapi pawl cu Shamir, Jattir, Sokoh, 49 Dannah, Kiriath Sefer (asilole Debir), 50 Anab, Eshtemoa, Anim, 51 Goshen, Holon, le Giloh an si. An kiangkap ih khuate pawl thawn khua hleikhat an si.
52 Cule a dang khuapi pawl cu Arab, Dumah, Eshan, 53 Janim, Beth Tappuah, Afekah, 54 Humtah, Kiriath Arba (asilole Hebron) le Zior an si. An kiangkap ih khuate pawl thawn khua kua an si.
55 Cule Maon, Karmel, Zif, Juttah, 56 Jezreel, Jokdeam, Zanoah, 57 Kain, Gibeah, le Timnah tla an si. An kiangkap ih khuate pawl thawn khua hra an si.
58 A dang khuapi pawl cu Halhul, Bethzur, Gedor, 59 Maarath, Beth Anoth, le Eltekon an si. An kiangkap ih khuate pawl thawn khua ruk an si.
60 Cuih tlunah Kiriath Baal (asilole Kiriah Jearim) le Rabbah tla an tel. An kiangih khuate pawl thawn khua hnih an si.
61 Nelrawn ram ah Beth Arabah, Middin, Sekakah, 62 Nibshan, Ci khuapi timi le Engedi khuapi pawl an um. An kiangkap ih khuate pawl thawn khua ruk an si.
63 Asinan Jerusalem ih a ummi Jebus mi pawl cu Judah mi pawl in an dawisuak thei lo. Curuangah Jebus mi le Judah mi pawl cu tuih san tiangin Jerusalem khua ah an um tlang a si.Ref 15:63 Thuò 1:21; 2 Sam 5:6; 1 San 11:4;