13
Neh Hrih Lomi Ram Pawl
Joshua cu a tar zet thlang. Bawipa Pathian in, “Na tar zet thlang; asinain neh dingmi ram tampi a um lai. Neh hrih dingmi ram pawl cu: Filistin ram hmuahhmuah le Geshur ram hmuahhmuah, Izipt ramri ih a ummi Shihor tiva ihsin saklam ih Ekron ramri tiang a zate in Kanaan mi ram ah siar a si; Filistin mi uktu pawl cu Gaza, Ashdod, Ashkelon, Gath le Ekron khua pawl ah an um; thlanglam ah Avvim peng hmuahhmuah, Kanaan mi ram, le Mearah peng (Mearah cu Sidon mi ram a si), Amor ramri kiangih a ummi Afek tiang; Gebal ram, nisuahnak lamah Lebanon ram hmuahhmuah, Hermon Tlang hramih a ummi Baal Gad ihsin Lebo Hamath tlangkawn tiang an si. Hi sungah hin tlangpar ram: Lebanon tlang pawl le Misrefoth Maim karlak ih a ummi Sidon mi hmuahhmuah an tel a si. Israel mi ih an nor ve tein himi pawl cu ka dawi thluh ding. Thu ka lo pek zo bangtukin hi ram cu Israel mi ih co dingah òhen awla zem aw.Ref 13:6 Mipum 33Mip54; Atu ihsin an co dingah Israel miphun phun kua le Manasseh phun a hrek pawl hnenah hi ram cu òhen awla zem aw,” tiah a ti.
Manasseh, Reuben Le Gad Comi Ram
Reuben hrin, Gad hrin le Manasseh hrin a hrek pawl ih comi ram cu Jordan tiva ihsin nisuahnak lamah a si. Bawipa ih siahhlawh Moses ih a pekmi ram cu hi ram pawl hi an si.Ref 13:8 Mipum 32:33; Daan 3:12; An ram cu Arnon Horkuam ri ih a ummi, Aroer ihsin horkuam laifangih a ummi khuapi le Medeba rawn a zate in Dibon tiang a si. 10 Heshbon khua ihsin ram uktu Amor siangpahrang Sihon ih ukmi khuapi pawl a zate in Ammon ramri tiang a tel. 11 Gilead ram, Geshur mi le Maakah mi an umnak ram, Hermon Tlang a zate in, Bashan ram a zate in Salekah tiang a tel thluh. 12 Ashtaroth le Edrei ihsin ram uktu Og siangpahrang ih ukmi ram tla a tel. Og cu Refaim miphun sungih a tangsunmi a si. Himi pawl cu Moses ih rak nehmi le dawihlomi an si. 13 Asinan Geshur mi le Maakah mi pawl cu Israel mi in an dawi lo. Israel ram sungah an um lai a si.
14 Moses in Levi hrin pawl cu ram a pe lo. Ziangahtile Bawipa in Moses hnenih a rak tiamcia bangtukin, Israel mi pawl in Bawipa ih hnenah mei-ur thawinak an pekmi pawl an co ding a si.Ref 13:14 Daan 18:1;
Reuben Hnenih Pekmi Ram
15 Moses in Reuben hnam pawl cu an hrin ciar in ram a pek. 16 An ram cu Arnon tiva kuam ri ih a ummi, Aroer ihsin horkuam laifangih a ummi khuapi le Medeba kiangkap ih a ummi hmunrawn hmuahhmuah a si; 17 cun Heshbon le hmunrawnih khuapi: Dibon, Bamoth Baal, Beth Baalmeon, 18 Jahaz, Kedemoth, Mefaath, 19 Kiriathaim, Sibmah, hmunrawnih a ummi tlangpar khua Zereth Shahar, 20 Beth Peor, Pisgah tlangtluan hmuahhmuah, Beth Jeshimoth, 21 hmunrawnih khuapi dang pawl le Heshbon ah a um ih ram uktu Amor siangpahrang Sihon ih ukmi khuapi hmuahhmuah pawl an tel thluh a si. Siangpahrang Sihon cu Moses in a neh ih Midian ram uktu Evi, Rekem, Zur, Hur, le Reba pawl tla a neh. Hi bawi pawl cu siangpahrang Sihon kuthnuai ih ram uktu an si. 22 Israel mi ih an thahmi lakah Beor ih fapa, pol a simi Balaam khal a tel a si. 23 Reuben hrin ih ramri cu Jordan tiva a si. Hi khuapi pawl le khuate pawl cu Reuben hrin pawl an innsang tam le mal zoh in an zemmi a si.
Gad Hnenih Pekmi Ram
24 Moses in Gad hrin pawl khal an innsang zoh in an co dingah ram a pek. 25 An ram sungah cun Jazer le Gilead pengih khuapi hmuahhmuah; Ammon ram hrek, Rabbah ihsin nisuahnak lamih a ummi Aroer khua tiang; 26 Heshbon ihsin Ramath Mizpah le Betonim tiang; Mahanaim ihsin Lodebar ramri tiang an tel. 27 Cule Jordan phairawn ah Beth Haram, Beth Nimrah, Sukkoth, Zafon le Heshbon siangpahrang Sihon ih ukmi ram a tangmi hmuahhmuah an tel thluh. Nitlaknak lamah an ramri cu Jordan tiva a si ih saklam ah Galilee Tili tiang a si. 28 Hi khuapi pawl le khuate pawl cu Gad hrin innsang pawl ih comi ram an si.
Manasseh Hnenih Pekmi Ram
29 Moses in Manasseh hrin a hrek innsang pawl hnenah an co dingin ram a pek. 30 An ram cu Mahanaim ihsin Bashan peng a zate le Bashan siangpahrang Og ih ukmi ram hmuahhmuah le Bashan peng sungih Jair ih khuate sawmruk pawl tla an tel. 31 Gilead ram a hrek, Bashan ramsung Og siangpahrang ih ukmi khuapi Ashtaroth le Edrei pawl an tel a si. Hi ram le khuapi pawl cu Manasseh ih fapa Makhir ih tefa hrekkhat innsang pawl hnenih pekmi an si.
32 Cuticun Jordan tiva le Jerikho khua ihsin nisuahnak lam ram cu Moab hmunrawn ah Moses in a òhen a si. 33 Sikhalsehla Levi hrin pawl co dingah Moses in ram a pek lo. “Israel ih Pathian Bawipa ih hnenah pekmi cu nan covo a si,” tiah a ti.Ref 13:33 Mipum 18:20; Daan 18:2;