11
Jabin Le A Òanpitu Pawl An Neh
1 Israel in ral an nehnak thu pawl cu Hazor siangpahrang Jabin in a rak theih tikah Madon siangpahrang Jobab, Shimron khua siangpahrang, Akshaf khua siangpahrang,
2 saklam tlang par siangpahrang pawl, Galilee Tili ihsin thlanglam ih ummi Jordan horkuam siangpahrang pawl, tlanghram hmunrawnih ummi siangpahrang pawl le nitlaknak lamih Dor kiangkap siangpahrang pawl thu a cah.
3 Cun Jordan tiva kap hnih ih a ummi Kanaan mi pawl, Amor mi pawl, Hit mi pawl, Periz mi pawl, tlangpar ram ih ummi Jebus mi pawl, le Mizpah ram Hermon Tlang hram hrawngih ummi Hiv mi pawl a cah thluh.
4 A cah vekin an ra ih an ralkap pawl cu tifinriat kap ih vunnel zat an si. Rang le rangleng tampi an keng.
5 Hi siangpahrang pawl cun an ralkap pawl an finkhawm ih Israel do dingah Merom ih ummi Merom Cerh timi kapah an tong khawm aw.
6 Cutikah Bawipa in Joshua hnenah, “Òih hlah, an zate in thai sun atu tikcu ah Israel kut sungah ka lo pe dingih an thi thluh ding. An rang pawl ih kaizatha cu satcat awla an rangleng pawl cu meisa in ur thluh aw,” tiah a ti.
7 Curuangah Joshua le a ralkap pawl cun an rin lo lai ah Merom Cerh kiang ahcun an do ciamco.
8 Bawipa in nehnak cu Israel kut sungah a pek ih an nam tikah an neh ih saklam ah a ummi Sidon le Misrefoth Maim tiang, nisuahnak lamah Mizpah horkuam tiang, an ral pawl cu an dawi. Minung pakhat hman tang nawn lo tiangin an that thluh a si.
9 Bawipa ih thupekmi bangtukin Joshua cun an rang pawl ih kaizatha cu a satcat ih an rangleng pawl cu meisa in a ur òheh.
10 Cule Joshua cu a kirsal ih Hazor khua a neh ih an siangpahrang bawipa tla a that. A cuih san ahcun Hazor khua siangpahrang cu siangpahrang ukmi pawl lakah an hotu bik a si.
11 Hazor khuasung mi pawl cu pakhat hman tang lo in an that thluh ih an khua khal an ur òheh.
12 Cutawk hrawngih siangpahrang pawl le an khuapi pawl cu Joshua in a neh thluh. Bawipa ih siahhlawh Moses ih thupeknak bangtukin Joshua cun a that thluh hai a si.
13 Sikhalsehla tlang fatete parih an tohmi khua lakah Joshua ih urmi Hazor khua siar lo khuapi dang pakhat hman Israel mi in an ur lo.
14 Hi khuapi pawl ihsin an lonmi thil mankhung le òilva pawl hmuahhmuah cu Israel mi pawl in anmah ih hrangah an lak. Asinan minung cu an zate in an that thluh; pakhat hman an luat lo.
15 Bawipa Pathian in a siahhlawh Moses hnenah thu a pe ih Moses in Joshua hnenah cuih thu cu a pek; a cuih thu bangtukin Joshua cun a thlun òheh. Moses hnenih Bawipa ih thupekmi bangtukin Joshua cun a tuah thluh a si.
Joshua In Ram Pumpi A Neh
16 A cuih ram cu Joshua in a neh thluh: Tlangpar ram, Negev ram hmuahhmuah, Goshen ram hmuahhmuah, nitlaklam tlanghram, Jordan phairawn, Israel ram sungih tlangpar ram le hmunrawn pawl,
17 Seir ram lamih a hungfehmi Halak tlang ihsin Hermon Tlang hnuai ih a ummi Lebanon Phairawn ram sungih Baal Gad tiang a neh thluh. Hi ram ih siangpahrang pawl cu a kaih hnuah a vuak ih a that hai.
18 Caan reipi sung siangpahrang pawl cu a do.
19 Gibeon khua ih a ummi Hiv mi pawl siar lo, khui khua hman in Israel mi thawn remnak thukam an tuah lo. An zate in do awk hnu lawng ih nehmi an si thluh.
20 Zangfahnak zianghman um lo in thah thluh le siatsuah thluh an sinak dingah an thinlung cu Israel mi do dingah Bawipa in a khohter. Cutiih tuah dingah Bawipa in Moses cu a rak tiam cia zo a si.Ref 11:20 Daan 7:16;
21 A cuih caan ah tlangpar ram ih a ummi: Hebron khua, Debir khua, Anab khua le Judah le Israel tlangpar ram pawl ih a ummi, mitum zetzet Anak mi pawl cu Joshua in a that thluh. An minung pawl an ci in a mihter ih tlunah an khuapi pawl tla a siatsuah thluh a si.
22 Israel ram sungah Anak mi pakhat hman an tang nawn lo. Asinan Gaza, Gath le Ashdod khua ahcun malte an tanglai a si.
23 Bawipa in Moses hnenih thu a pek bangtukin a cuih ram pumpuluk cu Joshua in a neh thluh. Cule a cuih ram cu Joshua in anmah ih comi ro si dingah Israel mi hnenah a pek; Israel miphun zat in ram cu a òhen ih òhenkhat fingfing a pek a si.
Cuticun an ram cu ral nei lo in a cawl.