50
Babilon An Lak Ding
Bawipa in Babilon khuapi le a minung pawl thu ahRef 50.1-51:64 Isa 13:1-14:23; 47:1-15; hibangtuk in i sim:
“Mi phunkip hnenah hi thuthang cu
sim awla than vivo aw.
Thantar tuah awla tlang-aupi aw;
Dai tein umpi hlah.
Babilon a tlu zo a si;
A khawzing Marduk cu
a kuai òheh zo!
Babilon ih milem pawl cu
ningzak in an um zo,
Fihnungza an milem pawl cu
rialdip òheh an si zo.
“Saklam ihsin miphun phunkhat Babilon do dingah a rung zo ih Babilon cu ramòhing ah a cangter ding. Milai le òilva pawl an tlan hlo òheh dingih minung zohman an um lo ding,” a ti.
Israel Kirnak Ding
Bawipa in, “Cuih tikcu a ra thlen tikah Israel le Judah mi pawl an ra dingih Kei an Pathian hi òap phahin, in ra hawl ding. Zion fehnak lamzin an sut dingih cuih lamzin in an ra ding. Kumkhua hrangin thukamnak keimah thawn an tuah dingih ziangtik hmanah an siatbal nawn lo ding.
“Ka minung pawl hi tuukhaltu pawl in tlangsang hramlak ih an hlohtermi tuu bangtuk an si. A hlomi tuu vekin tlang pakhat hnu pakhat ah an vak ih an inn hman an thei nawn lo. A hmutu hmuahhmuah in an do ih an that. An ral pawl in, ‘An tlannak tlimno a simi le an pupa pawl ih an ruahsanmi an Bawipa ih hnenah an sual ruangah hibangtuk thil kan tuahmi hi kan sual lo a si,’ an ti.
“Maw Israel mi pawl, Babilon ihsin tlan uh. Hiram hi tlansan uh! A tlan hmaisabiktu si uh!Ref 50.8 Thup 18:4; Saklam ih a ummi miphun pawl ka tokhrok dingih Babilon ka doter ding. Hiram do dingah an tiar aw dingih an neh ngaingai ding. Sakah thiam pawl an si ih conkiang in hmui an bat tikah a òhelh dah lo pawl an si. 10 Babilon cu an siim dingih a siimtu pawl cun an duhmi hmuahhmuah an long òheh ding. Keimah Bawipa in ka sim zo,” tiah a ti.
Babilon Ih Tluknak Ding
11  Bawipa in, “Maw Babilon mi pawl, ka miphun nan siim. Cutikah nan lung a awi ih nan ai a puang. Fangrialtu cawcang vekin le a feh phahin a ai mi rangcang bangin nan feh. 12 Asinan nanmah ih khua, khuapi nasa zet cu, ningzak le mualpho in a um ding. Babilon hi miphun hmuahhmuah lakah a òawnòai bik miphun ah a cang ding. Ramcar le tidai um lonak nelrawn ah a cang ding. 13 Ka thinhennak ruangah Babilon ah minung zohman an um lo ding. Khawrop ah a cang dingih a kiangih a fehtu hmuahhmuah cu mangbang le khawruahhar in an um ding.
14 “Conkiang saithiamtu pawl, Babilon do dingah tiar aw uhla kulh òheh uh. Nan conkiang thawn Babilon cu sai uh. Ziangahtile Bawipa keimah parah an sual a si. 15 Babilon khuapi kimvel in raldo au in au uh. Babilon a sung zo! Khuakulhnak phardawl cu an bal ih an cim òheh zo. Babilon mi parah phu ka la a si. An parah nan phu la uhla midang an tuah vekin anmah parah tuah ve uh. 16 Hiram sungah thlaici tuh si hlah seh; rawl lak ti khal um hlah seh. Ramdangmi a rak ummi pawl in Babilon a dotu ralkap pawl an òih dingih an khua le an ram ah an kirsal ding,” tiah a ti.
Israel Kirnak Ding
17  Bawipa in, “Israel mi pawl cu kiosa ih dawimi le òhekdarhmi tuu vek an si. Hmaisa ah Assiria siangpahrang in a nam ih neta ah Babilon siangpahrang Nebuchadnezzar in an ruh a òam a si. 18 Curuangah keimah Cungnungbik Bawipa, Israel ih Pathian in Assiria siangpahrang ka hrem zo vekin siangpahrang Nebuchadnezzar le a ram cu ka hrem ding. 19 Israel mi pawl cu an ram ah ka tlungter ding. Karmel Tlang le Bashan ram ih a khomi rawl pawl an ei dingih Efraim ram le Gilead ram ihsin a suakmi rawl cu an duhzat in an ei ding. 20 Cuih tikcu a thlen tikah cun Israel ram ah sualnak a um lo dingih Judah ram ah thil òha lo a um lo ding. Ziangahtile an nunnak ka zuahmi pawl cu an sualnak ka ngaithiam òheh ding a si. Keimah Bawipa in ka sim zo,” a ti.
Babilon Parih Pathian Thuòhennak
21  Bawipa in, “Merathaim mi le Pekod mi pawl do uh. That uhla siatsuah òheh uh. Ka thupekmi vekin tuah òheh uh. Keimah Bawipa in ka sim zo. 22 Hiram ah raldonak thawm a thang ih siatsuahnak nasa zet a um. 23 Sobul a simi Babilon in leilung pumpi hi sop òheh ko in a deng. Asinan atu ahcun cuih sobul cu a kiak òheh zo! Hiram parih a thlengmi thil an hmuh tikah mi hmuahhmuah an mang a bang. 24 Maw Babilon, keimah i rak do. Asinan na theih lo in thang ka rak kam ih cuih thang cun a lo awk a si. 25 Ka hriamnam retnak inn ka ong ih ka thinheng in ka hriamnam cu ka suah hai. Ziangahtile a maksak bikmi Cungnungbik keimah Bawipa in Babilon ah thil tuah ding ka nei a si. 26 Hmunkip ihsin do uhla a rawl retnak inn pawl cu bauh òheh uh. Nan lonmi pawl cu rawl bangin vuun liailiai in khawl uh. An ram cu siat òheh uh. Zianghman zuah hlah uh. 27 Ralkap hmuahhmuah that uh. That òheh hai uh. Babilon mi pawl an cem a si. Hremnak an tuar tikcu a ra thleng zo,” tiah a ti.
28 Babilon ihsin raltlan a luatmi pawl Jerusalem ah an ra thleng ih, Bawipa ih Biakinn parah ih thil an rak tuah sualmi ruangah Babilon mi pawl parah Bawipa kan Pathian in ziangvek in phu a lak, ti kha an ra sim.
29 “Babilon do dingah conkiang saithiam pawl sim uh. Li le thal a hmang thiamtu hmuahhmuah feh òheh uh. Babilon khuapi cu kulh theh uhla zohman luat hlah hai seh. Thil a rak tuahmi vekin leh ruul uh.Ref 50.29 Thup 18:6; Midang parih a tuah vekin a parah tuah ruul ve uh; ziangahtile Israel mi pawl ih A thianghlim Keimah parah hngal zet in hna a òuan a si. 30 Curuangah a tlangval pawl khuapi lamzin ah thah an si dingih a ralkap pawl hmuahhmuah cuih ni ah siatsuah òheh an si ding. Keimah Bawipa in ka sim zo.
31 “Babilon, hngalnak in na khat a si; curuangah Ziangkimtithei Cungnungbik Bawipa keimah in ka lo ral a si! Ka lo hremnak tikcu a ra thleng zo. 32 A puarthaumi na ram hi a sawn dingih a tlu ding; zohman in an lo thawhsak lo ding. Na khua pawl cu meisa in ka ur dingih a kiangkap thil hmuahhmuah cu an siatral òheh ding,” a ti.
33 Ziangkimtithei Bawipa in, “Israel mi le Judah mi pawl cu namnuaimi an si. An kaih hai ih pakhat hman thlah lo in an kil òhepòhep. 34 Sikhalsehla anmah a runsuaktu ding cu a cak zet; a hmin cu Ziangkimtithei Bawipa a si. Amah rori in an thu cu a dinpi dingih leilung parah daihnak a thlenter ding. Asinan Babilon mi hnen ahcun buainak a thlenter ding,” a ti.
35  Bawipa in, “Babilon ah
ralnam a thleng;
Thihnak cu a minung pawl,
a mi uktu le a mifim pawl
parah a thleng a si!
36 Ralnam cu thuphanpertu,
a profet pawl parah a thleng.
Ziangtluk mi-aa so an si.
Thihnak cu a ralkap pawl parah a thleng;
Ziangtlukin so an tuk a suum.
37 A rang le a rangleng pawl siatsuah uh.
A saancopmi a ralkap pawl parah
thihnak a thleng;
An òawnòaih zia cu!
A sumsaw le a hlawnthil siatsuah òheh uh;
Long uhla ram òheh uh!
38 A leilung le tiva pawl khal
car thluh hai seh.
Babilon cu òihnungza milem
an umnak ram a si;
A minung pawl an lung a molhter òheh zo.
39 “Curuangah Babilon cu khawsia le ramhuaii khawsia le ramhuai timi hi savuak le cinghnia ti tla a si thei. le a thianglo vate pawl ih umnak ram ah a cang ding. Milai an um nawn lo ding. Ziangtik san hmanah an um dah lo ding.Ref 50.39 Thup 18:2; 40 Sodom le Gomorrah ka siatsuah ih a kiangkap khua pawl ka siatter òheh vekin Babilon par khalah a thleng ding. Cuih hmunah milai zohman an um nawn lo ding. Keimah Bawipa in ka sim zo.Ref 50.40 Sem 19:24, 25;Gen. 19.24,25
41 “Saklam ih a ummi ram ihsin milai an ra;
a hlat zet le ram cak zet ihsin.
Raldo dingah siangpahrang tampi
an tim aw.
42 An li le thal le an ralnam pawl an pai;
Mi zangfah nei lo le mi thinsia pawl an si.
Tifinriat thlipi thawm bangtuk an si,
An rang an to tikah cun!
Raldo dingah an tiar aw,
Babilon do ding ahcun!
43 Babilon siangpahrang cu
a kut a zawng òheh;
Cuih thu a theih tikah cun!
Donharnak le thinharnak in a khat,
Nau nei zik nunau na bangin.
44 “Jordan Tiva kap tupi sung ihsin suak tahrat in òilva tlannak lenkolh ih a hung suakmi kiosa bangin Bawipa keimah ka ra dingih rinlopi in Babilon mi pawl cu an khuapi ihsin ka tlanhloter òheh hai ding. Cule hotu dingih ka hrilmi in an ram cu a uk ding. Keimah thawn òhim ding zoso a um? Keimah i zuam ngamtu zoso a um? I dodal ngamtu uktu zoso a um? 45 Curuangah Babilon khuapi siatsuah ding ka tummi le an minung pawl ziangtlukin tisiat ka tumdan hi ngai hnik uh! An faate pawl hman dir hlo an si dingih mi hmuahhmuah an tuk a suum ding. 46 Babilon a tluuk tikah cun a thawm a nasa tuk dingih leilung pumpi a hnin òheh ding. An thinphannak awn au cu miphun dang pawl in an thei òheh ding,” tiah a ti.