5
Jerusalem Sualnak
1 Maw Jerusalem mi pawl,
Nan khuasung lamzin tluanah hin
tlan vivo uhla, khuadang tang in,
zoh hnik uh.
Dawr tuahnak hmun pawl tiangin
hawl hnik uh!
Dingthluk lairelnak a hawltu le
thil dik a tuahtu,
mi pakhat tal nan tong pei maw?
Nan hmu asile Jerusalem cu
Bawipa in a ngaithiam ding.
2 Bawipa ih hmin saal in
thu nan kam aw nain nan òong vek cun
nan tum ngai lo.
3 Bawipa ih hawlmi cu thudik a si.
A lo vuak nain zianghman nan poisa lo.
A lo pal cih nain
zianghman nan thlun duh cuang lo.
Mi lungruh nan si ih
nan sualnak ihsin nan kir duh lo.
4 Cule ka thinlung in,
“Himi pawl cu mifarah le mi lungmol,
thu thei lo pawl an si!
An Pathian ih daan an thei lo,
A duhmi khal an tuah thei lo.
5 Thuneitu upa hnenah ka feh pei ih
thu ka sim ding;
Annih cun an Pathian daan an thei ih,
an Bawipa ih dingnak khal
an thei ko a si,” tiah ka ruat.
Asinan an zate in Bawipa ih
thuneihnak cu an el ih,
a thupekmi an thlun duh lo.
6 Curuangah tupi sungih kiosa in
a deh hai ding;
Nelrawn ih cinghnia in
a bohthlek òheh hai ding.
Tlavang pawl khal an khuasung ah
an vak ciamco ding;
Khualengih an suah tikah
sahrang in a bohthlek òheh hai ding.
Ziangahtile an sualnak a tam tuk ih,
atu le atu an Pathian an dungtun a si.
7 Bawipa in,
“Ziangahso ka minung pawl ih sualnak cu
ka ngaithiam ding?
Ka hnen ihsin an tlan ih
Pathian ngaingai a si lomi
khawzing pawl an biak.
An pum puar zet in ka cawm hai;
Asinan nupa sualnak an tuah ih, an caan cu
hlawhhlang pawl hnenah an hmang.
8 Anmah pawl cu cawm thau zetmi
rang cang hur an bang;
An innhnen pa ih nupi
sualpi ding lawng an hiar.
9 Hivek thilsual an tuah ruangah hin,
ka hrem lo ding maw?
Hibangtuk miphun parah hin
zoso phuhlam lo in a um thei ding?
10 Ka minung pawl ih sabit hri
sattan dingah an ral pawl ka thlah ding.
Asinan a cem òheh hlan lo
siatsuahtu an si lo ding.
A hnge sattan dingah ka sim ding,
Ziangahtile a hnge pawl cu ka ta an si lo.
11 Judah mi le Israel mi pawl in, in phiar zo;
Keimah Bawipa in ka sim zo,” a ti.
Bawipa In Israel A Hnong
12 Bawipa cu a minung pawl in zianghman ah an siar lo ih, “Zianghman a tuah zik lo; vansiat malmaknak khal kan tong lo ding; Raldonak le paamnak khal kan tuar lo ding,” an ti.
13-14 Cule, “Profet pawl cu zianghman an si lo, thli vek lawng an si; Bawipa hnen ihsin a rami thusim ding zianghman an nei lo,” tiah an ti. Cungnungbik Bawipa Pathian in, “Jeremiah, ka minung pawl in hibangtuk ih an òong ruangah na kaa sungih ka retmi ka thu cu meisa bangtuk ka siter ding. Hi minung pawl cu zanthing vek an si dingih meisa in a kang òheh hai ding,” a ti.
15 Maw Israel mi pawl, ram hlapi ihsin miphun phunkhat nanmah do dingah Bawipa in a rak hruai a si. Miphun hlun le miphun cak zet a si ih an òong nan theih lomi le an aan khal nan cin lomi an si.
16 An conkiang ralkap pawl cu mi cak zetzet an si ih zangfahnak zianghman nei lo in mi an that.
17 Nan lo rawl siseh, nan inn rawl siseh, an ei òheh dingih nan fanu le fapa pawl tla an that òheh ding. Nan tuurual le nan cawrual pawl khal an that òheh hai dingih nan sabit hri le nan theipi kung tla an hau òheh ding. Nan rinsan zetmi, ralhruang in kulhmi khuapi pawl cu an ralkap in an siatter òheh ding.
18 Bawipa in, “Cubangtuk tiang a thlen khalle ka minung pawl cu ka siatsuah òheh lo ding.
19 Hibangtuk in ziangahso kan parah thil na tuah? tiih in sut tikah, Jeremiah òha tein sim aw: Keimah in tlansan ih an ram sungah hin miphun dang ih khawzing an biak ih an rian ruangah an ram a si lomi ah, miphun dang riantu ah an cang ding a si,” a ti.
Pathian In Ralrinnak A Pek
20 Bawipa in Jeremiah hnenah, “Jakob tesinfa pawl le Judah mi pawl hitiin sim aw.Ref 5.20 Isa 6:9, 10; Ezk 12:2; Mar 8:18;
21 Òha tein ngai uh, nannih mi-aa le mi lungmal pawl, mit nei na ih zianghman hmu thei lo pawl, hna nei na ih zianghman thei thei lo pawl,
22 Keimah hi Bawipa cu ka si. Ziangahso in òihzah lo? Ka hmaiah ziangahso nan khur rero lo? Tifinriat kapvel ah vunnel a rettu, tidai in ziangtik hmanih lansuak thei lo dingih a rettu ka si. Tisuar cu suk le so ah a seep ding. Asinan a kap ih vunnel lengah a lan thei lo ding. Tilet khal a tho ding, asinain a pahsuak thei dah lo ding.Ref 5.22 Job 38:8-11;
23 Sikhalsehla nannih pawl hi cu thinlung ruh le dodalnak thinlung lawng nan nei a si. In dungtun ih in tlansan zo.
24 Fur ruah le òhal ruah ka surter ih kumtin rawl laknak tikcu ka lo pe nain upatnak pek ding hmanah in ruat dah lo.
25 Nan sualnak in nan hrangih thil òha ding hman hi a tisual òheh a si.
26 “Ka minung lakah miòha lo pawl an um. Mi in vate awk dingah thang an kam ih an bawh vekin annih in minung awknak ah thang thawn mi an bawh. Mi awk dingah thang an kam.
27 Mihrio pa in a inn ah vate a khahter vekin misual pawl in an inn sungah mi an rammi thil in an inn an khatter. Curuangah a si milian le thunei zet ih an can cu!
28 Curuangah a si neinung zet le pumpuar in an um ih an thaunak cu! An thilsual tuahmi cu cem ni a nei lo. Nu le pa nei lo ngakòah farah hnenah an covo an pe dah lo; namnuaimi parah dingthluk lairelnak thawn an nung dah lo.
29 “Sikhalsehla hibangtuk thil an tuah ruangah keimah Bawipa in ka hrem hai ding. Hi miphun parah phu ka la ding.
30 Hiram ah mangbang òihnungza le rapthlakza thil an tuah:
31 Profet pawl in thuphan an sim; profet pawl ih thupek vekin puithiam pawl in mi an uk ih ka minung zohman in an el lo. A netnak tikcu a thlen tikah ziangtinso an um leh ding?” tiah a ti.